RINALATAN 8:22 - Tanou Moonsoi Timugon

²² Talikur kono ayuk ra paliso malaat muno, am pakiasi' no ra Tuhan maa' raginio pangkaraan muno ra malaat no ampunon No!

RINALATAN 8:22 ပူးပေါင်းရင်းမြစ်များ

AMSAL 24:9

Guangon ru ulun sasambungon ioginio tula ayuk. Ulun ondo' masalok maninduol ra bokon kasisangin ru osoi ayuk pana.

DANIL 4:27

Ginio ra, okou raja', baya' no ra bilin kutu. Pai' boo pambaal ra tula. Baalo' atan ondo' moonsoi am matimpok, pakaasi' no ra ulun ondo' inimbolo'. Koson raginio noyo okou magulayun langkaya'.”

AMOS 5:15

Kasisang kano ra kalaatan, tagami' noyo moonsoi, am potolorogo' katimpakan giu' ra makama. Maaru' lair Tuhan makaasi' ra ulun ru Israil ondo' lakat poyo maayag.

AMOS 5:6

Saguli' kano ra Tuhan, am akau pana maayag. Amon ru kalo sumaguli' kau Riso, matong Io koson ra apui ondo' bibilak ra ulun ru Israil. Apui monolob ra mamagun ru Bitil am kolondo' sangulun pana makalasa' ra apui no.

JUNUS 1:6

Paat ra kaptin ru kapal i timinuun giu' ra ragana', natuum no i Junus nombolong ra giu'. Indagu kaptin i, “Ati koson kou mombolong ra baal ragitio? Karat no! Pakiasi' no makiindangan ra dewa muno. Maaru' lair makaasi' io ritakau, am kalo mapuso takau.”

JUNUS 3:9

Maaru' lair kulawon ri Aki Kapuuno' ginuang Nano am kalo boo sumangit, am itakau pana kalo mapuso!”

RINALATAN 17:30

Kalo boo karaan ri Aki Kapuuno' paat ru ulun kalo nakaulig Riso ra galing i. Kaa' raino nanusub Io ra ngaangai' ulun ru tana' ti tumalikur intor ra tula nilai.

RINALATAN 2:38

Taam i Pitrus, “Talikur kau ngai' intor ra tula mino. Musiti' akau riwon ralalom inggalan ri Jisus Kristus, koson ra tula mino ampunon. Akau pana makaapu ra taak intor ri Aki Kapuuno', ioginio Ambiluo ri Aki Kapuuno'.

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.

RINALATAN 8:20

Kaa' taam i Pitrus, “Mausung kou mabaya' ra ruit muno, sabap ra indoson muno kia ra maalap mu kabali taak ri Aki Kapuuno'!

RINALATAN 9:11

Indagu Tuhan i riso, “Tampos no am baya' ra ralan ondo' inggalanin ra Ralan Mabanis, am ongoi ra baloi ri Judas koson mangkuot ra sangulun ungkuyon ondo' makainggalan ri Saulus intor ra bandar Tarsus. Paat ra raino niayuk makiasi' io,

ROMA 2:4

Kapoam kalo lioon min i Aki Kapuuno' ondo' mataau kaga', maayo guang am mataan. Napandayan min noyo ra mataau i Aki Kapuuno' no ramuyun sabap ra masaga' Io ra tumalikur kau intor ra tula.

IBRANI 4:12

Bala' ri Aki Kapuuno' makakuasa' am maayag koson Riso. Mogondo' ra ilang ondo' inasa' ruo larom manguntas saboi bungul am utok nano suayon, koson niayuk ra bala' ri Aki Kapuuno' tumunsok ra salibuor am ambiluo saboi mampatalang ra kasagaan am pamaguangan ru ulun.

PINAINTALANG 2:21

Nangani' Aku noyo riso ra kaluagan tumalikur intor ra tula nano, kaa' marara' io tumalikur intor ra pansasawaan nano.