RINALATAN 8:20 - Tanou Moonsoi Timugon

²⁰ Kaa' taam i Pitrus, “Mausung kou mabaya' ra ruit muno, sabap ra indoson muno kia ra maalap mu kabali taak ri Aki Kapuuno'!

RINALATAN 8:20 ပူးပေါင်းရင်းမြစ်များ

AMSAL 15:26

Masisang Tuhan no ra pangkaraan ondo' majamol, kaa' iowon Nano ragu-ragu ra moonsoi.

JISAYA 55:1

Mindagu Tuhan, “Ibok kano ngaangai' ondo' pinaason, inum kano ra timug pinasulung. Ratong kano ondo' kolondo' ruit, apuo' noyo gandum kalo kilagain, am akano' noyo! Anggur am gatas pinasulung, apuo' ayuk ra kalo kilagain.

DANIL 5:17

Taam i Danil, “Kitaakon tokou mambuli ra tangguang muno ra tayar muno galama', kapoam pataakin ra ulun bokon. Basaan ku am mambala' ra arati' ru tulisan no rirun.

JAKARIA 5:4

Minindagu Tuhan Ondo' Maayo Kaga' Kuasa' ra porotongon No pagulasan no ra moonong baloi ru moonong mantatakou am baloi ru moonong ulun ondo' nagibot ra kalo motopot. Pagulasan no mayan ra baloi nilo saboi ngaangai' no masauk ra tunturan ru napuut.”

MATIUS 10:8

Babaso' min noyo ulun ondo' marualan; paluato' min noyo ulun ondo' minatoi, babaso' min noyo ulun ondo' makamaruol ra kungkung maaja', am pagiruo' min noyo riwato-riwato. Inanian kau ra kalo kinilagaan am panaak kau pai' min kilagai'!

MATIUS 15:19

Sabap ra intor ra guang no matong pangkaraan malaat, ondo' mangayat ra sasangulun no mamatoi, lumapau, mambaal ra makauyuyu', mantakou, magabau, am mampaluta'.

RINALATAN 1:18

Nambali i Judas ra sampila' tana' ra ruit ondo' naapu no intor ra kalaatan nali. Karatu' am patoi io ra giu' i, suku' tinai' nali naburiak am ngaangai' suang no nakaingkual.

RINALATAN 10:45

Ulun ru Jaudi ondo' nangintopot ri Jisus, am ondo' minaya' ri Pitrus intor ra Jopi, nangimuag nagilong ri Aki Kapuuno' mangani' ra Ambiluo Nano ra ulun sala' ka Jaudi niayuk.

RINALATAN 11:17

Raino, napandayan noyo ra i Aki Kapuuno' galama' mangani' noyo ra ulun sala' ka Jaudi ra atan ondo' tinaakan no ritakau paat ra itakau nangintopot ra Tuhan Jisus Kristus. Ati kulaan aku makapanginga' ri Aki Kapuuno'?”

RINALATAN 2:38

Taam i Pitrus, “Talikur kau ngai' intor ra tula mino. Musiti' akau riwon ralalom inggalan ri Jisus Kristus, koson ra tula mino ampunon. Akau pana makaapu ra taak intor ri Aki Kapuuno', ioginio Ambiluo ri Aki Kapuuno'.

RINALATAN 8:19

am indagu, “Pataako' raki' niayuk kuasa' raginii, maa' raginio amon ru pabantaan ku kalindu' kutu ra osoi ayuk pana, ulun no mokoowot ra Ambiluo ri Aki Kapuuno'.”

RINALATAN 8:22

Talikur kono ayuk ra paliso malaat muno, am pakiasi' no ra Tuhan maa' raginio pangkaraan muno ra malaat no ampunon No!

SAGULION 15:9

Pai' kau karara' mapaira' riso ra sasaban ayuk ra bilor mamuso ra utang mamaar noyo. Pai' polosoo' pangkaraan kinalaat raginio sumubol ra guang min. Amon ru marara' kau mapaira', mampalaa ulun no ra Tuhan am pabalaan kau ra makasala.

SAGULION 7:26

Pai' pagibit ra rondo' pana sinungkalalaing no ra baloi min. Amon magibit kau raginio, ulas ondo' lumumpa' ra sinungkalalaing no lumumpa' ramuyun niayuk. Akau musiti' masisang am magasab ra sinungkalalaing, sabap ulason sinungkalalaing no ru Tuhan.”

1 TIMOTIUS 6:9

Ulun ondo' maguyum ayuk ra kalangkayaan, maingkinibitan boo ru gogot ru guang nilo ondo' kalo matanda' am makalalaa', ginio ondo' mamparatu' am mamuso ayuk ra ulun.

JAKUBUS 5:3

Mas am pirok mino monontogol, am togol ti boo koson ra sasi' ondo' manguu' ramuyun. Kumokot io ra inan mino koson ra apui, sabap ra nanimung kau ayuk ra kalangkayaan ru tana' ti, kabalu' pana mamaar noyo pamupusan.

PINAINTALANG 18:15

Ulun-ulun mantatalan ondo' nakalangkaya' sabap ra nantalan ra ralalom bandar raginio, migor ilo intor ra maalur, sabap ra malaa' ilo maingkinibitan ra kalunsayan nano. Mantatangi' am mangulir ilo.