RINALATAN 8:2 - Tanou Moonsoi Timugon

² Mokoondo' kukula' ngaulun ondo' sumugut toojo ri Aki Kapuuno' nompolobong ra baangkai ri Stipanus, am tangii' nilo boo io.

RINALATAN 8:2 ပူးပေါင်းရင်းမြစ်များ

KASAUKAN 23:2

Intok pinatayan nano Gibron ra tana' ru Kanaan. Nangulir i Abragam ra pinatayan ru andu' nano.

KASAUKAN 50:9

Sampulalai nangkurita' kuda am nangkuda niayuk minaya' saboi ilo ti masuang kaga'.

2 SAMUIL 3:31

Kopongo raginio nanusub Raja' Daut ri Joab am ulun-ulun nano namparilak ra bayang nilo, nambayang ra konoon karung am niayuk nanulaboi ri Abnir. Paat ra nampalabangan, Raja' Daut galama' minugar ra tinaulian ru karanda'.

2 TUNUNG RU BANSA' ISRAIL 32:33

Raja' Gijkia minatoi am linobong giu' ra tampilon rasawat ru kalabangan ru raja'. Ngaangai' mamagun ru Jiuda am Jirusalim nangani' ra pangurumatan maayo riso paat ra io minatoi. Anak ungkuyon nano i Manasi, minalit riso koson ra raja'.

2 TUNUNG RU BANSA' ISRAIL 35:25

Nabi Jirimia nanulis rondo' rimbai sulaboi ra Raja' Josia. Giu' ra Israil saboi raino, rimbai no rinimbai ru ulun-ulun maririmbai, ondo' ungkuyon am poyo ruandu', ralalom pangkaraan ra panguliran ra Raja' Josia. Rimbai no pinasimpung ra ralalom ru pulalai rimbai ru sulaboi.

JIRIMIA 22:10

Mamagun kau ru Jiuda, pai' tangii' Raja' Josia; pai' panulaboi ra pinatayan ru raja'. Kaa' tangii' noyo i Joagas, anak ungkuyon ru raja'; sabap anak no inibit noyo ra minugar am kalo boo sumaguli'. Kalo boo makakito io ra namagunan nano.

JIRIMIA 22:18

Ginio ra minindagu Tuhan intor ra Raja' Joyakim anak ungkuyon ru Raja' Josia, intor ra Jiuda, “Kolondo' ulun manulaboi ra pinatayan nano; kolondo' ulun ondo' mindagu, ‘Alii boo ra rangan kuno, alii boo.’ Kolondo' ulun ondo' mantangi' kapoam gumolok, ‘Makalulumpus raja' kuno!’

UNTABAN 20:29

Ngaangai' ulun ru Israil nokorongog ra minatoi noyo i Arun, nangulir ilo riso buoi talu ngoopor ngoorou.

MARKUS 6:29

Pokorongog maamaya'-maamaya' ri Juanis ra baal raginio, ongoyo' nilo alapo' baangkai i am lobongo'.

LUKAS 2:25

Paat ragili giu' ra bandar Jirusalim mokoondo' sangulun ungkuyon, makainggalan ri Simion. Io sangulun motopot ondo' gumagaya' ri Aki Kapuuno' am maginaa ra pamayagan ru Israil. Kinuasa'

RINALATAN 10:2

Io sangulun ondo' sumugut toojo ri Aki Kapuuno' am masalok ilo sambaloi sumamba ri Aki Kapuuno'. Masuang indangan nano ra ulun ru Jaudi ondo' musikin am niayuk masalok makiasi' io ri Aki Kapuuno'.

RINALATAN 2:5

Paat ragili masuang ulun ru Jaudi intor ra nansusuai pagun ru tana' ti minongoi ra Jirusalim. Ilo ti am ulun ondo' sumamba ri Aki Kapuuno'.

RINALATAN 8:1

I Saulus niayuk nangiou ra namatayan ri Stipanus. Orou ragili niayuk pasimpungan ulun Kristian ra Jirusalim inimbolo' ra maaja'. Ngaangai' ulun nangintopot nantutuliar pagiru' ra Judia am niayuk Samaria, kaa' rasul-rasul ayuk kalo.

RINALATAN 8:3

Kaa' i Saulus mangkinam mamuso risilo. Ginio ra mongoi io ra baloi nilai am ralaaton no ulun-ulun nangintopot am pasubolon no ilo ra lamin pangaputan.

SAGULION 34:8

Ulun ru Israil nangulir ri Musa buoi talu ngoopor ngoorou giu' ra tana' marata' ru Moab.

1 SAMUIL 28:3

Minatoi noyo i Samuil am tinangian io ru ngaangai' ru ulun ru Israil, am linobong giu' ra Rama, bandar nano. Kukula' buoi ra nakasail no pinagiru' ru Raja' Saul ngaangai' mangngilong am mampiau ra ambiluo ru ulun minatoi intor ra Israil.