RINALATAN 8:13 - Tanou Moonsoi Timugon

¹³ I Simon galama' pana nangintopot ra Tanou raginio. Kariu' io raiti am baya' io ayuk boo ri Pilipus, am nangimuag io nakakito ra tatandu' am kaimuagan ondo' binaal ri Pilipus.

RINALATAN 8:13 ပူးပေါင်းရင်းမြစ်များ

ABAKUK 1:5

Tuhan pana mindagu boo ra ulun Nano, “Ilai' bansa'-bansa' giu' ra libung min am mangimuag kau am niayuk makatigog. Kalo boo mabuoi mambaal Aku ra rondo' ondo' kalo lair mangintopot kau paat ra akau mokorongog no.

MATIUS 3:6

Mangiou ilo ra tula nilai am riwon ilo ri Juanis ra Sungoi Jordan.

MARKUS 16:17

Tatandu' ragitio sumumbaya' ra ulun ondo' mangintopot: Mampagiru' ilo ra riwato ralalom inggalan Kuno, mansusunur ilo ra ragu kalo maratian nilo.

LUKAS 8:13

Ondo' naratu' ra tana' makabatu i, io no ulun ondo' mangkirongog ra bala' no am maansukan ilo mangapu. Kaa' bala' no kalo siminoroi ra guang nilai. Sangkinolor ayuk ilo mangintopot. Pakauma' ilo ra pangkinaman kalo boo mangintopot ilo.

JUANIS 5:20

Sabap ra motogom i Ama' ra Anak am manulu' Riso ra atan ayuk baalon Nano galama'. Manulu' Io poyo ra Anak ra baal ondo' maatang poyo saboi mangimuag kau ngai'.

JUANIS 7:21

Taam ri Jisus, “Rondo' ayuk kaimuagan binaal Kuno am nangimuag kau ngai'.

RINALATAN 13:44

Paat ra orou Sabat ra sumunu' no, mamaar ngaangai' ulun ondo' minayan ra bandar i minongoi pangkirongog ra bala' ru Tuhan.

RINALATAN 19:11

Ralalom baalon ri Paulus i Aki Kapuuno' nambaal ra kukula' kaimuagan ondo' mapakabunduk toojo ra guang ru ulun masuang.

RINALATAN 3:10

Kauligi' nilo ra io no makikitaak ondo' masalok manturung giu' ra ‘Kulobon Garabang Moonsoi’ ra Baloi Tuhan i, mangimuag ilo toojo am nakasioro' nakakito ra atan ondo' nasauk riso i.

RINALATAN 8:21

Kolondo' tayar muno ralalom kandoi mai, sabap ra guang muno kalo motopot ra pagilangan ri Aki Kapuuno'.