RINALATAN 8:12 - Tanou Moonsoi Timugon

¹² Kaa' nangintopot ilo ra bala' ri Pilipus, ioginio Tanou Moonsoi intor ra Pamarintaan ri Aki Kapuuno' am i Jisus Kristus, am riniu' ilo, ungkuyon am niayuk ruandu'.

RINALATAN 8:12 ပူးပေါင်းရင်းမြစ်များ

MATIUS 28:19

Ongoi kano ra ngaangai' bansa' ra titikop ru tana' ti am sauko' ilo no ra maamaya' Kuno. Riwo' ilo no ralalom inggalan ri Ama', Anak, am Ambiluo ri Aki Kapuuno'.

LUKAS 9:2

Susubo' No boo ilo mongoi pamabas ra ulun marualan am pampabala' ra ati kulaan i Aki Kapuuno' mamarinta.

LUKAS 9:60

Taam i Jisus, “Kalo pana. Polosoo' ayuk ra ulun ondo' kalo maya' Raki' mompolobong ra baangkai no. Kaa' okou, ongoi no pampabala' ra i Aki Kapuuno' timinalimpuun noyo mamarinta.”

RINALATAN 1:3

Kopongo ra pinatayan Nali, ra buoi apat ngoopor ngoorou i, ingkukula' Io minintalang risilo am niayuk nampaintopot risilo ra Io totopot naayag. Nakakito ilo Riso, am nakimansunur Io risilo intor ra Pamarintaan ri Aki Kapuuno'.

RINALATAN 11:20

Kaa' mokoondo' poyo intor risilo ti ulun Siprus am Kirini, ondo' minongoi ra Antiokia am nampasaboi ra Tanou Moonsoi intor ri Jisus ra ulun sala' ka Jaudi niayuk.

RINALATAN 18:8

Kaa' tingganai ru baloi sambayangan, io no i Krispus am ilo sambaloi, nangintopot ri Jisus. Masuang niayuk ulun Korintus ra bokon nokorongog ra pinasaboi ri Paulus am nangintopot ilo ri Jisus am riniu' ilo.

RINALATAN 19:5

Pokorongog ilo raginio, riwo' ilo boo ralalom inggalan ru Tuhan Jisus.

RINALATAN 2:38

Taam i Pitrus, “Talikur kau ngai' intor ra tula mino. Musiti' akau riwon ralalom inggalan ri Jisus Kristus, koson ra tula mino ampunon. Akau pana makaapu ra taak intor ri Aki Kapuuno', ioginio Ambiluo ri Aki Kapuuno'.

RINALATAN 2:41

Masuang ulun nangintopot ra rinagu ri Pitrus, am ilo pana riniu'. Suang ru ulun nangintopot ri Kristus paat ra orou raginio riminuang poyo ra talu ngaribu ngaulun.

RINALATAN 20:21

Nampakara' aku ra ulun ru Jaudi am niayuk sala' ka Jaudi koson ra tumalikur ilo intor ra tula am sumaguli' ri Aki Kapuuno' am mangintopot ra Tuhan Jisus.

RINALATAN 20:25

“Minongoi aku noyo ra intok mini am nampasaboi aku no ra tanou intor ra Pamarintaan ri Aki Kapuuno'. Kaa' raino, makapandai aku ra kalo boo makapantuum takau saguli'.

RINALATAN 28:31

Nangila' io risilo ra tanou intor ri Jisus Kristus am Pamarintaan ri Aki Kapuuno'. Kalo nalaa' io am kolondo' niayuk nongompong riso.

RINALATAN 5:14

Ginio ra buoi-kabuoi rumuang poyo ulun mangintopot ra Tuhan, ungkuyon am ruandu'.

RINALATAN 8:4

Ulun-ulun nangintopot ondo' nantutuliar minongoi ra ati ayuk intok am nampasaboi ilo ra Tanou Moonsoi ra ati ayuk kasukuan nilo.

ROMA 10:10

Sabap ra pangintapatan takau ra mapiot no, itakau pobonsoyon saguli' ri Aki Kapuuno', am intor ra pangakunan, itakau bayagon.

1 KORINTUS 11:11

Kabalu' pana koson raginio, ralalom kaayagan takau koson ulun Kristian, ruandu' kalo makatanggang ru kolondo' ungkuyon, am ungkuyon pana kalo makatanggang ru kolondo' ruandu'.

GALATIA 3:28

Raino kalo boo nansasala' ulun ru Jaudi am ulun sala' ka Jaudi, ulipon am sala' ka ulipon, kapoam ungkuyon am ruandu'. Sabap ra rondo' kau ayuk ngai' ralalom ri Kristus Jisus.

1 PITRUS 3:21

Baal raginio noyo abig ru pampariwan ondo' raino ti mamayag ramuyun. Pampariwan ti sala' ka manginjaki ra inan, kaa' ginio noyo bantu' min gumagaya' ri Aki Kapuuno' intor ra guang mapasau. Pampariwan ti mamayag ramuyun sabap ri Jisus Kristus binayag saguli' intor ra kapatayan,