RINALATAN 8:1 - Tanou Moonsoi Timugon

¹ I Saulus niayuk nangiou ra namatayan ri Stipanus. Orou ragili niayuk pasimpungan ulun Kristian ra Jirusalim inimbolo' ra maaja'. Ngaangai' ulun nangintopot nantutuliar pagiru' ra Judia am niayuk Samaria, kaa' rasul-rasul ayuk kalo.

RINALATAN 8:1 ပူးပေါင်းရင်းမြစ်များ

NIGIMIA 6:3

Ginio ra nangator aku ra taam ragitio risilo, “Tatanga' aku mambaal ra kandoi maatang; ginio ra kalo makaratong aku. Marara' aku ra kandoi ti maputat ra tumuum ayuk ramuyun.”

DANIL 6:10

Koon raginio noyo Raja' Darius siminain ra susuban no.

DANIL 6:23

Nangator i Aki Kapuuno' ra malaikat Nano koson mangimut ra kabang ru singa'-singa' no saboi kalo nampajamar raki'. Binaal No koson raginio sabap ra nakapandai Io kolondo' sala kuno, ra Io kapoam ra okou.”

MATIUS 22:6

am bokon i poyo namparakop ra ulipon-ulipon ru raja', linamba' am pinatoi nilo ulipon-ulipon i.

MATIUS 23:34

Ginio ra rongogo' min toojo gitio: Manusub Aku ra nabi-nabi matong ramuyun, ulun pintar am niayuk mangingila': Potoyon min kukula' intor ilo ngaangai', salipon min bokon no am bokon no poyo loposon min ra baloi sambayangan, am mangilou kau niayuk risilo intor ra rondo' pekan mongoi ra pekan ra bokon.

MATIUS 5:13

“Mogondo' ra usi' no mampagamis ra akanon, koson niayuk akau mopokoonsoi ra ulun ru tana' ti. Amon ru mapalo usi' no, ati kulaan boo mampakaasin? Kolondo' boo onong. Patirin am kikinjangin ayuk boo ru ulun.

JUANIS 15:20

Karaa' min rinagu Kuli; ‘Sangulun ulipon kalo maatang intor ra tuan nano.’ Amon ru nangimbolo' ilo Raki', mangimbolo' ilo niayuk ramuyun. Amon ru ragu Kuli sinugut nilo, ragu mino pana gagayaan nilo.

JUANIS 16:2

Inggalarin kau mumpos ra baloi sambayangan. Masuku' niayuk paat ra osoi ayuk mamatoi ramuyun mangkara' ilo raginio mangandoi ri Aki Kapuuno'.

RINALATAN 1:8

Kaa' akau makaalap ra kuasa' paat ra Ambiluo ri Aki Kapuuno' no matong ramuyun. Masauk kau boo ra sasi' Kuno giu' ra Jirusalim, ngaangai' ra Judia, am Samaria, am saboi ra ati ayuk intok ra tana' ti.”

RINALATAN 13:1

Ralalom pasimpungan ulun Kristian ra Antiokia, mokoondo' kukula' ngaulun nabi am niayuk mangingila'. Ilo ti am i Barnabas, Simon ondo' sabiton ri Maitom, Lukius intor ra Kirini, i Minaim ondo' tinalanak nabaya' ra gabenor Irodis am niayuk i Saulus.

RINALATAN 13:36

Sabap ra sinugut noyo ri Daut ondo' nanusuban ri Aki Kapuuno' paat ra io naayag. Io pana patoi am linobong ra labangan ru kinamatuaan nano. Baangkai nali pana napasa'.

RINALATAN 2:47

Mongongompor ilo ri Aki Kapuuno' am kaansayin ilo ru ngaangai' ulun. Moonong orou ruangin ru Tuhan suang nilo ra ulun ondo' bayagon ri Aki Kapuuno'.

RINALATAN 22:20

Koson niayuk ra bulintok pinatayan ru sasi' Muli i Stipanus, aku galama' nangiou ra io pinatoi am aku poyo nantamung ra bayang ru ulun ondo' namatoi riso.’

RINALATAN 26:10

Nambaal aku niayuk koson raginio giu' ra Jirusalim. Inanian aku noyo ra surat pangiawan ru tingganai-tingganai imam Jaudi, ra masuang ulun ri Aki Kapuuno' pasubolon ra lamin pangaputan. Nangiou aku niayuk ra ilo ti potoyon.

RINALATAN 5:18

Rokopo' nilo rasul-rasul no am pasubolo' ra lamin pangaputan ru bandar.

RINALATAN 5:20

“Ongoi kau ra Baloi Tuhan no am potonowo' min noyo ra ulun masuang no intor ra kaayagan bagu ti.”

RINALATAN 5:33

Pakaining ulun-ulun ru Majlis Ugama ra ragu ni, siminangit ilo toojo saboi masaga' ilo ra rasul-rasul no ukumin ra potoyon.

RINALATAN 5:40

Piawo' nilo saguli' rasul-rasul no, am palapasi' boo am inggalari' ilo manabit ra inggalan ri Jisus. Kopongo ragili pinalabus ilo.

RINALATAN 7:38

I Musa ti noyo ondo' nangkinibit ra bansa' ru Israil timinimung giu' ra tana' kaagisan. Ginio ra soroi io ra giu' i nabaya' ra kinamatuaan takali am malaikat ondo' makimansunur ri Musa giu' ra Gunung Sinai. Io no ondo' inanian ri Aki Kapuuno' ra tanou ondo' manaak ra kaayagan koson posoboyon ritakau.

RINALATAN 7:54

Pakaining ayuk ulun-ulun ru Majlis Ugama ondo' rinagu ri Stipanus, malasu' boo toojo guang nilo mabaya' ra kinuritot ru ripon.

RINALATAN 7:58

Ralaato' nilo io miningkual ra bandar i am bobolon io ra batu saboi matoi. Sasi' napabanta' ra sukub nilo ra tuma' ru kalayam ru sangulun tuu'-bagu makainggalan ri Saulus.

RINALATAN 8:14

Kaining boo rasul-rasul ru Jirusalim ra ulun Samaria nangapu ra Tanou Moonsoi, susubo' nilo boo i Pitrus am i Juanis minongoi ra giu' i.

RINALATAN 8:2

Mokoondo' kukula' ngaulun ondo' sumugut toojo ri Aki Kapuuno' nompolobong ra baangkai ri Stipanus, am tangii' nilo boo io.

RINALATAN 8:4

Ulun-ulun nangintopot ondo' nantutuliar minongoi ra ati ayuk intok am nampasaboi ilo ra Tanou Moonsoi ra ati ayuk kasukuan nilo.

RINALATAN 8:5

I Pilipus niayuk minongoi ra pekan maatang ra Samaria am pampatanou ra ulun ondo' minayan ra giu' i ra i Jisus no Mamamayag ondo' sinusub ri Aki Kapuuno'.

RINALATAN 9:31

Intor raginio ngaangai' pasimpungan ulun Kristian ra Judia, Galilia am Samaria kolondo' boo kapaganan. Nangurumat ilo ri Aki Kapuuno' am nabaya' ra indangan ru Ambiluo ri Aki Kapuuno' siminuang am maikang pangintapatan nilo.

ROMA 1:32

Nakapandai ilo ra maya' ra ukum ri Aki Kapuuno' ulun ondo' nambaal koson raginio ukumin ra potoyon. Iou pana koson raginio, rayuson nilo ginio am maansayan ilo poyo ra ulun bokon ondo' mambaal koson niayuk raginio.

PILIPI 1:12

Pabukat ra Kristian kau, masaga' aku mapaintutun ramuyun ra atan ondo' nasauk raki' ti, sotopot no nangindangan poyo raki' ra papasabayan ra Tanou Moonsoi no.

IBRANI 11:27

Sabap ra pangintapatan noyo, i Musa nagiru' intor ra pagun ru Misir am kalo nalaa' io ra sangit ru raja' Misir. Inorot no ayuk, koson ayuk ra nakito no noyo i Aki Kapuuno', Io ondo' kalo maalap kakito ru ulun.