RINALATAN 7:58 - Tanou Moonsoi Timugon

⁵⁸ Ralaato' nilo io miningkual ra bandar i am bobolon io ra batu saboi matoi. Sasi' napabanta' ra sukub nilo ra tuma' ru kalayam ru sangulun tuu'-bagu makainggalan ri Saulus.

RINALATAN 7:58 ပူးပေါင်းရင်းမြစ်များ

1 RAJA'-RAJA' 21:13

Ratong ruo ngaulun malaat no am turung ra taluma' ri Nabot. Nanguu' ilo ri Nabot ra saang ru ulun masuang ra nagulas io ri Aki Kapuuno' am raja'. Ginio ra inibit i Nabot miningkual ra bandar am binobol saboi minatoi.

UNTABAN 15:35

Indagu boo Tuhan ri Musa, “Ulun no musiti' ukumin ra matoi. Musiti' io ibiton ra liwar ru pangkiman am giu' no ngaangai' ulun musiti' momobol riso saboi matoi.”

LUKAS 4:29

Ingkakat ilo am pagiruo' nilo i Jisus ra liwar ru pekan. Ibito' nilo Io ra kiing ru bulur ondo' mapasuk, nambaalan ra pekan ragitio, sabap ra masaga' ilo mampajuul ri Jisus intor ra giu'.

RINALATAN 22:20

Koson niayuk ra bulintok pinatayan ru sasi' Muli i Stipanus, aku galama' nangiou ra io pinatoi am aku poyo nantamung ra bayang ru ulun ondo' namatoi riso.’

RINALATAN 22:23

Liliwa' nompogolok, tingkabuli' nilo bayang am niayuk pasiabo' nilo kaau ru tana'.

RINALATAN 22:4

Nangimbolo' aku noyo ra ulun-ulun ondo' minaya' ra pangilaan bagu ti saboi mokoondo' minatoi. Mokoondo' niayuk ungkuyon am ruandu' intor risilo ti ondo' rinakop kuli am pinasubol ra lamin pangaputan.

RINALATAN 26:10

Nambaal aku niayuk koson raginio giu' ra Jirusalim. Inanian aku noyo ra surat pangiawan ru tingganai-tingganai imam Jaudi, ra masuang ulun ri Aki Kapuuno' pasubolon ra lamin pangaputan. Nangiou aku niayuk ra ilo ti potoyon.

RINALATAN 6:11

Anii' nilo kukula' ngaulun ra ruit koson ilo ti mongoi boo pambala' ra ulun masuang no ra, “Nokorongog akai ra ulun no nagasab ra nabi Musa am niayuk i Aki Kapuuno'!”

RINALATAN 6:13

Susubo' nilo sasi' ondo' maabau-abau no mindagu koson raginio, “Ulun ti masalok magasab ra Baloi Tuhan am susuban ri Aki Kapuuno' ondo' tinulisan ralalom Ukum ri Musa.

RINALATAN 7:57

Kaa' silongo' nilo talingo nilai ra kalindu' liliwa' gogolok, am gabuo' nilo i Stipanus.

RINALATAN 8:1

I Saulus niayuk nangiou ra namatayan ri Stipanus. Orou ragili niayuk pasimpungan ulun Kristian ra Jirusalim inimbolo' ra maaja'. Ngaangai' ulun nangintopot nantutuliar pagiru' ra Judia am niayuk Samaria, kaa' rasul-rasul ayuk kalo.

SAGULION 17:7

Ulun ondo' nasauk ra sasi' raginio noyo ondo' musiti' magulu momobol ra batu, bagu no ngaangai' ulun ra bokon momobol ra ulun no ra batu. Gitio ralan min mamuso ra kalaatan raginio.