RINALATAN 7:55 - Tanou Moonsoi Timugon

⁵⁵ Kaa' i Stipanus ondo' inikang ru Ambiluo ri Aki Kapuuno' nantingaa' ra limbowon. Kakito no boo katulayan ri Aki Kapuuno' am i Jisus minigor ra intok makakuasa' ra tampilon pamiris ri Aki Kapuuno'.

RINALATAN 7:55 ပူးပေါင်းရင်းမြစ်များ

MAZMUR 109:31

sabap ra Io noyo manaung ra ulun naimbolo' am mamayag risilo intor ra ulun ondo' nangukum risilo ra ukuman matoi.

YEHEZKIEL 10:18

Kopongo raginio sinda manguliat ondo' tatandu' ratangan ru Tuhan, nangiruan ra kulobon subalan ra Baloi ru Tuhan am manding ra rasawat ru kirub-kirub no.

YEHEZKIEL 10:4

Sinda manguliat, ondo' tatandu' ratangan ru Tuhan mininsawat intor ra kirub-kirub no am mininsir mongoi ra kulobon subalan ra Baloi ru Tuhan. Kopongo raginio gaun nakatikop ra Baloi ru Tuhan, am liliut no nasauk ra matawang kaga'.

YEHEZKIEL 11:23

Kopongo raginio sinda ondo' manguliat no nangiruan ra bandar am minanding ra gunung giu' ra tampilon sirangon ru bandar.

YEHEZKIEL 3:23

Ginio ra minongoi aku ra limayak am giu' no makakito aku ra katulayan ru Tuhan koson ondo' nakito kuno giu' ra kiing ru Sungoi Kibar. Naratu' aku pakakubu ra tana',

MIKA 3:8

Kaa' ra aku, Tuhan nanikop raki' ra kuasa' am Ambiluo Nano. Nangani' Io raki' ra arati' ru katimpakan, am niayuk kinabaani koson mambala' ra ulun ru Israil intor ra tula nilo.

MARKUS 16:19

Kopongo ayuk ragu ri Jisus risilo, kayango' Io no ra suruga', am panturung Io ra pamiris ri Aki Kapuuno'.

JUANIS 11:41

Insiro' nilo boo batu i. Pantingaa' boo i Jisus ra limbowon am indagu, “Ama', paringkuanangan Ku Rirun, sabap ra rinongog Mu noyo pakiasian Kuno.

JUANIS 12:41

Rinagu ri nabi Jisaya koson raginio sabap ra nakakito io no ra katulayan ri Jisus am nampabala' io no ra sauk intor Riso.

JUANIS 14:3

Mopongo Ku intok min, sumaguli' Aku mongoi pangalap ramuyun, maa' raginio mabaya' kau Raki' ra intok Kuno.

RINALATAN 2:4

Ilo ngaangai' kinuasa' ru Ambiluo ri Aki Kapuuno'. Tumalimpuun ilo mindagu ralalom nansalinut ragu ra bokon maya' ra atan ondo' tinaakan ru Ambiluo ri Aki Kapuuno' no risilo.

RINALATAN 4:8

I Pitrus kinuasa' ru Ambiluo ri Aki Kapuuno' ra io timinaam risilo, kono, “Akau ngai' tingganai ulun ru Jaudi am tuu' lair-tuu' lair!

RINALATAN 6:10

Kaa' Ambiluo ri Aki Kapuuno' nangani' ri Stipanus ra kapintaran manaam, ginio ra kalo boo makaanggal ilo riso.

RINALATAN 6:3

Ginio ra aruo' min tulu' ngaulun ondo' mangatanda', kinuasa' ru Ambiluo ri Aki Kapuuno' am mapintar, ginio ra makapalit ilo boo ramon mambaal ra kandoi ti.

RINALATAN 6:5

Ngaangai' ru ulun no pana nangiou ra rinagu ru rasul, am aruo' nilo i Stipanus, sangulun ondo' mapiot pangintapatan nano am niayuk kinuasa' ru Ambiluo ri Aki Kapuuno', am poyo i Pilipus, Porokus, Nikanor, Timon, Parminas, Nikolaus intor ra Antiokia, ondo' ragili minaya' ra ugama Jaudi, kabalu' pana io sala' ka bansa' ru Jaudi.

RINALATAN 6:8

I Stipanus binarakat toojo ri Aki Kapuuno' am makakuasa', saboi makapambaal ra kaimuagan am tatandu' ra ulun masuang.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

IBRANI 8:1

Puun ru ngaangai' ondo' rinagu ti, ioginio: mokoondo' takau no ra sangulun Tingganai Maayo Imam ondo' manturung ra tampilon pamiris ru takhta ri Aki Kapuuno' Ondo' Masawat Kaga' giu' ra suruga'.

2 PITRUS 1:17

Soroi akai ra giu' i paat ra Io inurumat am inanian ra kuasa' ri Aki Kapuuno', Ama' takau. Paat ragili, norongog ra bolos ru Io Ondo' Matulai Kaga', kon Nano, “Gitio noyo Anak tagamin Kutu am Io no kaansayan Kutu toojo.”

PINAINTALANG 21:11

Ra katulayan ri Aki Kapuuno' soroi ra giu', bandar no nanguliat koson ra batu parmata, koson batu baiduri masasansam, am maniol koson ra kristal.