RINALATAN 7:51 - Tanou Moonsoi Timugon

⁵¹ Mapara' boo kotog ru guang min! Mapara' pagon mino mangkirongog ra bala' ri Aki Kapuuno'! Nogondo' kau ra kinamatuaan mini, masalok manggal kau ra Ambiluo ri Aki Kapuuno'!

RINALATAN 7:51 ပူးပေါင်းရင်းမြစ်များ

2 RAJA'-RAJA' 17:14

Kaa' marara' ilo gumagaya'; mokotog ulu nilo koson ra kinamatuaan nilai ondo' kalo mangintopot ra Tuhan, i Aki Kapuuno' nilo.

2 TUNUNG RU BANSA' ISRAIL 30:8

Pai' bambalingatan koson risilo. Gagaya' no ra Tuhan. Ratong no ra Baloi ru Tuhan giu' ra Jirusalim, ondo' paluntukon ayuk ra Tuhan, i Aki Kapuuno' min koson ra sabubuoi no. Sambayang no Riso maa' raginio Kalo boo sumangit Io ramuyun.

NIGIMIA 9:16

Kaa' kinamatuaan mai bambalingatan am malilimbau, kalo giminagaya' ilo ra susuban Muno.

NIGIMIA 9:30

Bilor ka bilor, nabaya' ra orot nampakara' Kou risilo. Ambiluo Muno mindagu-dagu risilo ondo' pinabala' galing ra nabi-nabi Muli, kaa' sinilong ru ulun Muno talingo. Ginio ra nompoloso Kou risilo kinala ru bansa'-bansa' ra bokon.

MAZMUR 75:5

Mambala' aku ra ulun mangalaat maa' raginio kalo lumimbau ilo;

MAZMUR 78:8

Kalo masauk ilo koson ra kinamatuaan nilai, ulun ondo' masalok malasu' guang am kalo gumagaya'; pangintapatan nilono kalo mapiot, am kalo gumagaya' ilo ri Aki Kapuuno'.

KAINGKUALAN 32:9

Nakapandai aku ra bambalingatan kaga' ulun raginilo.

KAINGKUALAN 33:3

Mongoi kau ra tana' ondo' langkaya' am malabung. Kaa' Aku galama' kalo mongoi mabaya' ramuyun, maa' raginio kalo pusoon Takamin ra tanga' ru ralan, sabap ra ulun bambalingatan kau.”

KAINGKUALAN 33:5

sabap ra nanusub Tuhan ri Musa nampasaboi ra ragu Nano ra ulun ru Israil, “Ulun bambalingatan kau. Amon ru maya' Aku ramuyun kabalu' pana sangkinolor ayuk, maaru' pusoon Takamin lingono'. Raino, paguso' limpor mas mino; am aruon Ku ra atan baalon Kuno ramuyun.”

KAINGKUALAN 34:9

Kono, “Tuhan, amon ru totopot Kou maansayan raki', kitaakon Tokou maya' ramon. Bambalingatan ulun ragitilo, kaa' ampuno' noyo kalaatan am niayuk tula mai, am apuo' akai koson ra ulun Muno galama'.”

JISAYA 48:4

Makapandai aku ra akau bambalingatan, mokotog guang am makaulu batu.

JISAYA 63:10

kaa' ilo gumuor Riso am mangkinibit ra Tuhan mangiluk guang. Ginio ra Tuhan makimantula' am manggal risilo.

JIRIMIA 17:23

Kaa' marara' kinamatuaan min rumongog Raki' kapoam mampalio ra ragu Kuno. Bambalingatan ilo am marara' gumagaya' ra pangilaan intor Raki'.

JIRIMIA 4:4

Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

JIRIMIA 6:10

Taam aku, “Osoi kia rumongog amon ru pakaraan ku ilo? Mokotog guang nilo am marara' rumongog ra tanou Muno; kuritin nilo tanou Muno ondo' pinasaboi kuno.

YEHEZKIEL 2:4

Bambalingatan ilo am kalo mangurumat Raki'. Ginio ra susubon Tokou koson mampasaboi ra atan ondo' paraguon Ku, Tuhan Raja' risilo.

YEHEZKIEL 44:7

Jinamalan nilo Baloi Kuno ra nangiou ra ulun bansa' ru bokon ondo' kalo sinunatan am kalo giminagaya' Raki', siminubol ra Baloi Kuno, paat ulun mampataak ra lomok am raraa' ru taak simbalui Raki'. Ra ngaangai' ru binaal ondo' makauyuyu' no, minanggal ilo ra nabantuan Kuno risilo.

YEHEZKIEL 44:9

“Aku, Tuhan Raja' nampatanou ra ulun bansa' ru bokon ondo' kalo sinunatan am ulun ondo' kalo giminagaya' Raki', kalo iowon sumubol ra Baloi Kuno. Ulun bansa' ru bokon ondo' minayan ra gino ngai' ru ulun ru Israil pana kalo iowon sumubol.”

IMAMAT 26:41

saboi mangkinibit Raki' minanggal risilo am namatir risilo giu' ra pagun ru pantula'. Pupus no, paat ra papag mino minggana' guang, am naukuman noyo sabap ra tula am guor nilo,

UNTABAN 27:14

sabap ra akau ruo minanggal noyo ra susuban Kuno giu' ra tana' kaagisan Jin. Paat ra ngaangai' ru ulun ru Israil nambubutok Raki' giu' ra Miriba, kalo napakito kau ra Kuasa' Kuno ondo' matulai ra saang nilo.” (Kasaukan raginio nasauk giu' ra taur Miriba giu' ra Kadis, giu' ra tana' kaagisan Jin.)

RINALATAN 6:10

Kaa' Ambiluo ri Aki Kapuuno' nangani' ri Stipanus ra kapintaran manaam, ginio ra kalo boo makaanggal ilo riso.

RINALATAN 7:27

Kaa' indagu ulun ondo' nampalamba' ra rangan nali, ‘Osoi guat nanusub rirun masauk ra tingganai am akim mai?

RINALATAN 7:35

“I Musa kalo iniou ru ulun ru Israil. Ginio ra minindagu ilo, ‘Osoi guat nanusub rirun masauk ra tingganai am akim mai?’ Kaa' io no sinusub ri Aki Kapuuno' nasauk ra tingganai am mamamayag, mabaya' ra indangan ru malaikat ondo' nakito no ra bulungkut bibilak i.

RINALATAN 7:39

“Kaa' kinamatuaan takali kalo nangiou ilo riso. Atan nai ra inimpayan nilo io am masaga' ilo sumaguli' ra Misir.

RINALATAN 7:9

“Kaa' nangusolon boo kinamatuaan ru bansa' takali ri Jusup i. Ginio ra talano' nilo io ra pagun ru Misir koson saukon ra ulipon. Kaa' inindangan io ri Aki Kapuuno',

ROMA 2:25

Amon ru gumagaya' kau ra Ukum ri Musa, sunat mino mokoonong. Kaa' amon ru kalo gumagaya' kau ra Ukum no, sunat mino kolondo' boo onong ramuyun.

IPISUS 4:30

Pai' noyo pangiluko' Ambiluo ri Aki Kapuuno' no, sabap ra Io sumoroi ramuyun noyo tinatanduan kau ri Aki Kapuuno' ra akau ti Io no tatangan. Ambiluo raginio noyo ondo' mapakalansan ramuyun ra matong niayuk orou pampalabusan ramuyun ri Aki Kapuuno'.

SAGULION 10:16

Ginio ra intor raino, gagaya' noyo ra Tuhan am pai' boo bambalingatan.

SAGULION 30:6

Tuhan i Aki Kapuuno' min manaak ramuyun am papag min ra guang ondo' gumagaya' maa' raginio motogom kau Riso ra sotopot ru guang, am makaayan magulayun giu' ra tana' no.

SAGULION 31:27

Nakapandai aku ra mapara' bambalingatan ulun ragitilo. Magail ilo gumuor. Giminuor ilo noyo ra Tuhan paat ra bayag kuno, am maaru' gumaai ilo gumuor malupus ra aku matoi.

SAGULION 9:13

Indagu poyo Tuhan raki', ‘Nakapandai Aku ra mapara' bambalingatan ulun ragitio.

SAGULION 9:6

Pangintopot noyo ra sala' ka sabap ra maaya' kau, inanian kau ru Tuhan min ra tana' ondo' malabung. Sala' ka koson raginio! Akau totopot ulun ondo' bambalingatan.

PILIPI 3:3

Sotopot no itakau noyo ondo' makaulig ri Aki Kapuuno' sala' ka ilo, sabap ra itakau ti ondo' sumamba ri Aki Kapuuno' maya' ra indangan ru Ambiluo Nano galama'. Am itakau niayuk maringkuanang sabap ra nakasimpung noyo ri Jisus Kristus. Intor raginio kalo boo malansan takau ra kaulayan ondo' binaal ayuk ru ulun.

KOLOSI 2:11

Paat ra akau siminimpung ri Kristus, ginio koson ra kaulayan ru sunat, ioginio tula mino iniru' noyo. Gitio binaal Nano koson mampalabus ramuyun intor ra kinibit ru kuasa' ru tula mino.