RINALATAN 7:49 - Tanou Moonsoi Timugon

⁴⁹ ‘Limbowon no takhta Kuno, am tana' ti kinjangan Kuno. Atan kia ra baloi maalap min kabaal koson Raki'? Ati guat inayanan Kuno?

RINALATAN 7:49 ပူးပေါင်းရင်းမြစ်များ

1 RAJA'-RAJA' 22:19

Kon poyo ri Mika, “Rongogo' ragu ru Tuhan! Nakito ku Tuhan manturung ra kurisi' Nano giu' ra suruga', am ngaangai' ru malaikat Nano minigor ra liput Nano.

1 RAJA'-RAJA' 8:27

“Kaa' iou Aki Kapuuno', totopot Kou kia masaga' mayan ra tana' ti? Kabalu' ra titikop ru limbowon pana kalo sama' malangka' Rirun, atan poyo ra Baloi ondo' binaal kutu!

2 TUNUNG RU BANSA' ISRAIL 6:18

“Kaa', iou Aki Kapuuno', topot kia masaga' Kou mayan giti ra tana' ti ra gino ngai' ru ulun? Sotopot no titikop ru limbowon pana kalo sama' malangka' Rirun, atan pinai boo ra Baloi ondo' binaal kutu!

MAZMUR 11:4

Tuhan siminoroi ra baloi Nano ondo' matulai; mokoondo' turungan Nano ra suruga'. Urioon No ngaangai' ulun am mapandayan No atan ayuk pana binaal nilono.

JISAYA 66:1

Mindagu Tuhan, “Limbowon no panturungan Kuno, am tana' papakirawan ra kalayam Kuno. Atan kia baloi ondo' maalap min kabaal Raki'? Atan kia intok ayanan moonsoi Raki'?

JIRIMIA 23:24

Kolondo' sangulun pana makapansibuni intor ra pagilangan Kuno, sabap ra soroi Aku ra ati-ati, giu' ra suruga' am giu' ra tana'.

MALIAKI 1:11

Urumaton Aku ru bansa'-bansa' ra titikop ru tana' ti. Solobon nilo kaminyan giu' ra ngaangai' intok koson mangurumat Raki', am mampataak ilo ra taak simbalui ondo' maaya' pataakon. Ilo ngaangai' mangurumat Raki'!

MATIUS 23:22

Paat ra sasangulun magibot am alapon no limbowon ra sasi' nano, sala' ka limbowon ayuk, kaa' takhta ri Aki Kapuuno' am Io ondo' manturung no alapon no ra sasi' nano.

MATIUS 24:2

“Iou,” ragu ri Jisus, “Ilai' noyo ngaangai' ti! Balain takamin: Kolondo' rondo' batu pana intor ragitio soroi ra intok nano; ngaangai' ti lunsayon.”

JUANIS 4:21

Indagu i Jisus ra ruandu' no, “Pangintopot no Raki', ra sangarawan kalo boo sambaan i Ama' ra bulur ti kapoam giu' ra Jirusalim.

PINAINTALANG 3:21

“Osoi ayuk mangala ra kuasa' ru kalaatan, panturungon Ku io ra sapapa' Ku ra takhta Kuno. Gitio mogondo' ra Aku nangala ra kuasa' ru kalaatan am raino pinaturung Aku ra sapapa' ru Ama' Kuno ra takhta Nano.