RINALATAN 7:44 - Tanou Moonsoi Timugon

⁴⁴ “Kinamatuaan takali mokoondo' ra Kim Sambayangan ondo' nababaya' risilo giu' ra intok masiluk. Kim no binaal maya' ra nanusuban ri Aki Kapuuno' ri Musa, sumugut ra ondo' nanuluan Nano riso i.

RINALATAN 7:44 ပူးပေါင်းရင်းမြစ်များ

1 TUNUNG RU BANSA' ISRAIL 28:11

Kopongo raginio nangani' Raja' Daut ri Salomo ra pelan ru Baloi ru Tuhan, am niayuk pelan ru gudang-gudang, lamin-lamin ra bokon, am niayuk Lamin Matulai Kaga', iono intok pangampunan ra tula.

1 TUNUNG RU BANSA' ISRAIL 28:19

Kopongo raginio Raja' Daut minindagu, “Ngaangai' no nakasuang ra ralalom ru inatangan ondo' tinulisan sumugut ra panuluan ondo' tinaakan ru Tuhan galama' raki' koson paugaron.”

2 TUNUNG RU BANSA' ISRAIL 24:6

Ginio ra pampiau Raja' Joas ri Joyada, tingganai nilo am pangkuot, “Kua rirun kalo nanusub ra ulun ru Liwi mongoi ra mamagun ru Jiuda am Jirusalim koson manimung ra cukai ondo' pinaugar ri Musa, ulipon ru Tuhan no ra tayar ru Kim ru Tuhan?”

KAINGKUALAN 25:40

Ilalain mambaal ra ngaangai' no sumugut ra inatang ondo' nanuluan Ku rirun giti ra rasawat ru gunung ti.”

KAINGKUALAN 26:30

Baalo' noyo ra Kim no maya' ra inatang ondo' nanuluan Kuno rirun rasawat ru gunung ti.

KAINGKUALAN 27:8

Baalo' altar no intor ra papan am tampilon ra ralalom no makaluang-luang, sumugut ra inatang ondo' nanuluan Ku rirun rasawat ru gunung ti.”

KAINGKUALAN 38:21

Gitio noyo suang ru basi' ondo' pakayon ralalom Kim ru Tuhan, intok ru ruo batu pamatikan ondo' tinulisan ra Mopor Ukum no binulian. Suang no binaal maya' ra susuban ri Musa am tinampos ru ulun ru Liwi, ondo' nangandoi ra tiningganai ri Itamar, anak ri Imam Arun.

UNTABAN 10:11

Paat ra orou karuo ngoopor sila' karuo, paat ra bilor karuo nalupus ulun ru Israil nangiruan ra Misir, gaun ondo' soroi giu' ra rasawat ru Kim ru Tuhan no mininsawat.

UNTABAN 18:2

Susubo' pabukat-pabukat muno, iono bansa' ru Liwi, mangandoi mababaya' ramuyun am mangindangan ramuyun paat ra okou am anak-anak ungkuyon muno mangandoi giu' ra Kim Kuno.

UNTABAN 9:15

Paat ra orou napatirangan ra Kim ru Tuhan, ratong gaun nanili ra Kim no. Paat ra rondom ilain gaun no koson ra apui.

IBRANI 8:2

Giu' no mampaugar Io ra kandoi koson ra Tingganai Maayo Imam ra Intok Matulai Kaga', ioginio Kim Sambayangan ra motopot ondo' binaal ru Tuhan am sala' ka ulun.

IBRANI 8:5

Kaa' kandoi nilai sotopot no koson ra asilan kapoam babara' ayuk am ginio tumilu ondo' baalon giu' ra suruga'. Mogondo' ra galing i, paat ri Musa nambaal ra Kim Sambayangan i, binalaan io ri Aki Kapuuno', kon Nano: “Karaa' noyo gitio. Baalo' noyo ngaangai' no sumugut ra tiluan ondo' pinatalang rirun giu' ra gunung i.”

JOSUA 18:1

Kopongo minayan ra pagun Kanaan, timung ngaangai' ulun ru Israil giu' ra Silo, am nopotolorog ra Kim ru Tuhan.

JOSUA 3:14

Paat raginio mangkumos am koson ra kaindalaman, nampaliur Sungoi Jordan. Paat ra ulun ru Israil nangiruan ra pangkiman koson lumaup ra Sungoi Jordan, imam-imam ondo' nansaan ra Kaban Nabantuan minugar ra saang nilo. Makatapung ayuk kalayam ru imam-imam no ralalom ru timug,