RINALATAN 7:37 - Tanou Moonsoi Timugon

³⁷ I Musa ti noyo minindagu ra bansa' ru Israil ra, ‘Manusub poyo i Aki Kapuuno' ra sangulun nabi intor ra bansa' min galama', koson niayuk ra Io nanusub raki'.’

RINALATAN 7:37 ပူးပေါင်းရင်းမြစ်များ

2 TUNUNG RU BANSA' ISRAIL 28:22

Ralalom ru baal ondo' mapagon kaga' no, Raja' Agas giminaai piboo makatula ra Tuhan.

DANIL 6:13

ilo ngaangai' minuma' ra raja' koson mambala' intor ri Danil. Konilo, “Okou raja' siminain noyo ra rondo' susuban ondo' manginggalar ra osoi ayuk buoi talu ngoopor ngoorou ra raiti' koson makitaak ra atan ayuk intor ra dewa am ulun, ondo' ak am intor rirun galama'. Osoi ayuk manggal ra susuban no patirin ra ralalom ru luang batu ru singa'.” Indagu raja', “Motopot. Susuban no nasauk ra undang-undang ru Midia am Pirsia ondo' kalo boo kulawon.”

MATIUS 21:11

Taam ulun-ulun siminunu' ri Jisus no, “Gitio noyo nabi Jisus, intor ra pekan Nasarit, libung ru Galilia.”

MARKUS 9:7

Ratong boo gaun nangulumput risilo am intor ra ralalom ru gaun no norongog nilo bolos: “Gitio noyo Anak Kutu ondo' tagamin Kutu, rongogo' min Io!”

LUKAS 9:35

Kaining nilo bolos intor ra gaun minindagu, “Gitio noyo Anak ondo' pinili' Kutu. Pangkirongog kano Riso!”

JUANIS 18:37

Indagu i Pilatus Riso, “Ginio poyo, Okou ti sangulun raja'?” Taam i Jisus, “Rinagu mu noyo ra Aku ti sangulun raja'. Ginio ra Aku inanak am minatong ra tana' ti, koson mampatanou ra katapatan ri Aki Kapuuno'. Osoi ayuk gumagaya' ra katapatan ti mangkirongog io Raki'.”

RINALATAN 7:38

I Musa ti noyo ondo' nangkinibit ra bansa' ru Israil timinimung giu' ra tana' kaagisan. Ginio ra soroi io ra giu' i nabaya' ra kinamatuaan takali am malaikat ondo' makimansunur ri Musa giu' ra Gunung Sinai. Io no ondo' inanian ri Aki Kapuuno' ra tanou ondo' manaak ra kaayagan koson posoboyon ritakau.