RINALATAN 7:23 - Tanou Moonsoi Timugon

²³ “Pakaumur i Musa apat ngoopor ngambilor, makaguang io mongoi bujak ra bansa' nali, ulun ru Israil.

RINALATAN 7:23 ပူးပေါင်းရင်းမြစ်များ

2 TUNUNG RU BANSA' ISRAIL 30:12

Giu' ra Jiuda, i Aki Kapuuno' pana miningkuor am noporondo' ra guang ru mamagun maa' raginio totopot gumagaya' ra kasagaan Nano, saboi ilo masaga' gumagaya' ra susuban ru raja' am pagawai-pagawai nano.

IJRA 1:1

Paat ra bilor kasaa' ra pamarintaan ru Raja' Koris, raja' ru Pirsia, sinugut ru Tuhan ragu Nano ondo' pinasaboi Nali pinabala' galing ra Nabi Jirimia. Inunsu' ru Tuhan guang ri Raja' Koris maa' raginio mangingkual ra susuban tinulisan, ondo' atarin koson basaan giu' ra titikop ru pamarintaan nano. Bolos no koson ragitio:

IJRA 1:5

Ginio ra tingganai ru bansa' intor ra bansa' ru Jiuda am Binjamin, imam-imam am niayuk ulun-ulun ru Liwi, am moonong ulun ondo' inunsu' guang no ri Aki Kapuuno', timinampos koson muli' ra Jirusalim am mambaal saguli' ra Baloi ru Tuhan.

IJRA 7:27

Kopongo raginio indagu i Ijra, “Koompor noyo Tuhan, i Aki Kapuuno' ru kinamatuaan takau! Binuir no guang ru raja' saboi kinara' no timpokon Baloi ru Tuhan giu' ra Jirusalim.

KAINGKUALAN 35:21

am moonong ulun ondo' makaguang magibit ra taak ra Tuhan koson mambaal ra Kim ru Tuhan. Pagibit ilo ra ngaangai' kuliamos ondo' gogoton ra sambayang am koson mambaal ra bayang ru imam.

KAINGKUALAN 35:29

Ngaangai' ulun ru Israil ondo' moogot am masaga' mangani' ra atan pana, magibit ra taak nilono ra Tuhan koson ra kandoi ondo' nanusuban Nano ri Musa.

KAINGKUALAN 4:18

Kopongo raginio saguli' i Musa ra baloi ri Jitro iwan nano ra ungkuyon. Indagu i Musa riso, “Iowo' aku no rumuli' ra pabukat-pabukat kuno giu' ra Misir, mongoi pagilong ru lakat poyo kia naayag ilo.” Nangiou i Jitro am pamintor ri Musa.

KAINGKUALAN 7:7

Umur ri Musa 80 ngambilor am i Arun 83 ngambilor paat ra ilo timinuum ra raja' ru Misir.

AMSAL 21:1

Pangkaraan ru raja' Tuhan noyo manguasa' koson ra Io nangaru' ra tulukan ru sungoi.

RINALATAN 15:36

Kukula' buoi boo ragili, indagu i Paulus ri Barnabas, “Ongoyo' takau poyo ilai' ulun-ulun Kristian ra ngaangai' nampasabayan takau ra bala' intor ra Tuhan i, koson mapandayan boo rumondon ilo kia mangintopot ra Tuhan.”

RINALATAN 7:24

Pakakito io ra sangulun intor ra bansa' nano inimbolo' ru sangulun Misir. Ongoyo' no boo indangano' am potoyo' no ulun ru Misir i. (

2 KORINTUS 8:16

Paringkuanangan mai ri Aki Kapuuno' ondo' nangani' ri Titus ra kapiratan masaga' mangindangan ramuyun mogondo' ramon.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

PINAINTALANG 17:17

Sabap ri Aki Kapuuno' nakapangulau noyo ra guang nilono mampaugar ra kasagaan Nano. Pogogondoon ri Aki Kapuuno' guang nilono koson mampataak ra kuasa' nilono ra bibiag masigo no, ondo' mamarinta saboi masauk atan ondo' pinabala' ri Aki Kapuuno' i.