RINALATAN 7:2 - Tanou Moonsoi Timugon

² Taam i Stipanus, “Pabukat ku ngaangai'! Rongogo' min gitio! I Aki Kapuuno' nampakito ra katulayan Nano ra kinamatuaan takau i Abragam paat ra io lakat ayuk poyo minayan giu' ra pagun Misopotamia, ra kalo poyo minanding ra pagun ru Aran.

RINALATAN 7:2 ပူးပေါင်းရင်းမြစ်များ

KASAUKAN 11:31

Nagibit i Tirag ra anak ungkuyon nano i Abram, akupu nano i Lot anak ri Aran am anak mangiwan ra ruandu' nano i Sarai, andu' ri Abram, nangiruan ra bandar Ur ru Babilonia, am ongoi ra pagun ru Kanaan. Kaa' pakasuku' ra Aran, pamagun ilo ra giu' no.

KASAUKAN 12:1

Indagu Tuhan ri Abram, “Iruani' noyo pagun muno, matuo muno, pabukat muno am ongoi no ra pagun ondo' pataakon Kuno rirun.

KASAUKAN 12:5

Inibit ri Abram andu' nano i Sarai, akon nano i Lot, ngaangai' kuliamos am ulipon ondo' noowot nilo ra Aran am ongoi ilo ra pagun Kanaan. Pakasuku' ilo ra pagun ru Kanaan,

KASAUKAN 15:7

Indagu boo Tuhan ri Abram, “Aku noyo Tuhan ondo' nagibit noyo rirun mingkual intor ra Bandar Ur ra pagun ru Babilonia koson manaak rirun ra tana' ti am okou noyo tatangan.”

KASAUKAN 29:4

Pangkuot boo i Jakub ra ulun-ulun magagalung, “Rangan kau, ati intor minti?” Taam ilo, “Intor akai ra Aran.”

NIGIMIA 9:7

Iou Tuhan i Aki Kapuuno', Okou no ondo' nampili' ri Abram, am naningganai riso miningkual intor ra Ur giu' ra pagun ru Babilonia; Okou nangulau ra inggalan nano nasauk ri Abragam.

MAZMUR 24:10

Osoi kia Raja' ra matulai no? Tuhan Ondo' Maayo Kaga' Kuasa', Io noyo Raja' ondo' matulai!

MAZMUR 24:7

Ukabo' noyo kapilaa' kulobon ru garabang lair, Raja' ra matulai no sumubol!

MAZMUR 29:3

I Aki Kapuuno' ondo' matulai maningkalur ra rasawat ru raat; bolos ru Tuhan mamintanou ra titikop ru raat malandom.

JISAYA 37:12

Kinamatuaan kuli namuso ra bandar Gojan, Aran, am Rijip, am niayuk namatoi ra ulun ru Idin ondo' minayan giu' ra Tilasar. Kolondo' rondo' pana dewa nilono nakapamayag risilo.

JISAYA 51:2

Karaa' noyo kinamatuaan min, i Abragam am i Sara ondo' naganak ramuyun. Paat ra Aku nampiau ri Abragam, kolondo' anak nano, nambarakat Aku riso am nangani' riso ra papag ondo' masuang kaga'.

JISAYA 6:3

Ilo ondo' maayag no mampiau ra rondo' am bokon, “Matulai, matulai, matulai! Matulai noyo Tuhan Ondo' Maayo Kaga' Kuasa'! Tana' natikop ra rinatangan Nano ondo' matulai.”

MATIUS 6:13

Palabuso' akai no intor ra pangkinaman am ampini' no akai intor ra kuasa' ru kalaatan. [Sabap ra Okou no Raja' ondo' matulai am makakuasa' sabuoi-buoi no. Amin.]’

LUKAS 2:14

“Koompor toojo inggalan ri Aki Kapuuno' giu' ra rasawat! Am giti ra tana', kaansayan pataakin noyo risilo ondo' mapabansuk ra guang ru Tuhan!”

JUANIS 1:14

Ragu no nasauk ra ulun am minayan Io ritakau. Nakito takau noyo ra Io matulai toojo, sabap ra Io no rorondo' Anak Langkuir ri Ama'. Ralalom inggalan Nano i Aki Kapuuno' galama' am togom Nano pinakito ritakau.

JUANIS 12:41

Rinagu ri nabi Jisaya koson raginio sabap ra nakakito io no ra katulayan ri Jisus am nampabala' io no ra sauk intor Riso.

RINALATAN 22:1

“Pabukat kau ngaangai'! Rongogo' min aku! Masaga' aku mapaintutun ramuyun ra sala' ka malaat aku.”

RINALATAN 23:7

Pakaindagu io ayuk raginio, ulun-ulun ru Saduki am ulun-ulun ru Parisi nansasangor boo saboi ulun-ulun ru Majlis i liminili' boo. (

RINALATAN 7:1

Pangkuot Tingganai Maayo Imam Jaudi i ri Stipanus, “Motopot kia ginio?”

1 KORINTUS 2:8

Kolondo' sangulun intor ra mangunguasa' ru tana' ti nakarati' ra kapintaran raginio. Amon ru nakarati' ilo, maaru' kalo masalip nilo Tuhan ondo' matulai kaga' i.

IPISUS 1:17

Makiasi' aku ri Aki Kapuuno', Ama' ra kolondo' pogondo', ioginio Ama' ru Tuhan takau i Jisus Kristus, maa' raginio mangani' ramuyun ra Ambiluo Nano. Io no mampasauk ramuyun mapintar am niayuk paintalangon No ramuyun osoi Io koson totopot kau makaulig Riso.

TITUS 2:13

Raino ti magiginaa takau ra Orou Kalansanan takau, ioginio papaintalangan ru katulayan ru Tuhan ondo' Maayo Kaga' Kuasa', i Jisus Kristus, Mamamayag takau.

IBRANI 1:3

Io noyo mampakito ra kuasa' ri Aki Kapuuno' am paliso Nano mogondo' toojo ri Aki Kapuuno'. Io noyo niayuk magalung ra limbowon am tana' ti mansail ra bala' Nano ondo' makakuasa'. Mopongo Io namasau ra ulun intor ra tula nilai, nanturung Io ra takhta ra suruga' ra tampilon pamiris ri Aki Kapuuno' ondo' Maayo Kaga' Kuasa'.

IBRANI 11:8

Sabap ra pangintapatan noyo, i Abragam giminagaya' ra susuban ri Aki Kapuuno' mongoi ra sampagunan ondo' binantu' Nano riso. Iniruanan no pagun nali galama' kabalu' pana kalo nakatutun io ra ati angayan nano.

JAKUBUS 2:1

Pabukat kau ngai', pai' min noyo inggio' ulun ra bokon, sabap ra mangintopot kano ri Jisus Kristus, Tuhan ondo' urumaton toojo.

JOSUA 24:2

Indagu i Josua risilo ngaangai', “Rongogo' ragu ru Tuhan i Aki Kapuuno' ru Israil, ‘Galing i kinamatuaan min minayan giu' ra sandaup ru Sungoi Iprat am sinamba nilo dewa-dewa. Sangulun intor risilo iono i Tirag, ama' ri Abragam am i Nagor.

PINAINTALANG 4:11

“Iou Aki Kapuuno' am Tuhan mai. Okou maaya' makaapu ra urumat am ompor am kuasa'. Sabap ra Okou noyo nambaal ra ngaangai' no, am maya' ra kasagaan Muno niayuk ngaangai' no nasauk am naayag.”