RINALATAN 7:16 - Tanou Moonsoi Timugon

¹⁶ Kaa' baangkai nilai inibit muli' ra Kanaan ra libung Sikim am linobong ra kalabangan ondo' binali ri Abragam ra ruit pirok intor ra bansa' ru Gamor giu' ra Sikim.

RINALATAN 7:16 ပူးပေါင်းရင်းမြစ်များ

KASAUKAN 23:16

Nangiou i Abragam ra logo raginio. Io pana nanimbang ra suang ru ruit pirok ondo' sinabit ri Ipron, ioginio apat ngaatus ruit pirok, sumugut ra timbangan ru mantatalan. Pabayaro' no ri Ipron ruit no ondo' natainuan ru ngaangai' ulun ru Git no.

KASAUKAN 23:4

Konilo, “Aku ti ulun bansa' ru bokon ragiti ondo' minayan ramuyun. Talano' min raki' sanganu ra tana' mino maa' raginio molobong ku andu' kuno.”

KASAUKAN 35:19

Kopongo i Ragil minatoi, lobongo' io ra kiing ru ralan mongoi ra Iprat, raino intok raginio mauligan ra Bitligim.

KASAUKAN 47:30

Masaga' aku lobongon ra intok ru kinamatuaan kuli. Ibito' aku mingkual ra Misir am ongoyo' aku lobongo' ra kalabangan nilai.” Taam boo i Jusup, “Suguton ku ondo' rinagu muno raki', ama'.”

KASAUKAN 50:12

Ginio noyo ra ginagaya' ru anak-anak ungkuyon ri Jakub bilin nali risilo.

KASAUKAN 50:13

Inibit nilo baangkai nano ra Kanaan, am lobongo' ra luang batu Makpila, tampilon sirangon ru Mamri, umo ondo' binali ri Abragam intor ra ulun ru Git iono i Ipron koson saukon ra tana' kalabangan.

KAINGKUALAN 13:19

Nagibit i Musa ra baangkai ri Jusup, sabap ra paat ra io naayag nanusub i Jusup ra ulun ru Israil nagibot manugut raginio. Bilin ri Jusup, “Paat ri Aki Kapuuno' mamayag ramuyun, musiti' min ibiton baangkai kutu mingkual intor ra intok ti.”

JOSUA 24:32

Baangkai ri Jusup ondo' inibit ru ulun ru Israil intor ra Misir, linobong giu' ra Sikgim, giu' ra tana' ondo' binali ri Jakub intor ra anak-anak ri Gimor, ama' ri Sikgim, ra logo no maatus ngampila' ruit pirok. Tana' no pinatungkus ra papag ri Jusup.