RINALATAN 7:10 - Tanou Moonsoi Timugon

¹⁰ am pinalabus intor ra ngaangai' kapaganan. Paat ra io minongoi uma' ra raja' Misir i, ondo' sabiton ra Piraun, inanian io ri Aki Kapuuno' ra paliso moonsoi am kapintaran saboi raja' i nampasauk riso ra gabenor pagun raginio am magagalung ra istana.

RINALATAN 7:10 ပူးပေါင်းရင်းမြစ်များ

KASAUKAN 39:21

Kaa' nagalung am nambarakat Tuhan no ri Jusup saboi tingganai magagalung ra pangaputan no maansayan ri Jusup.

KASAUKAN 42:6

I Jusup koson ra gabenor ru pagun ru Misir nantalan ra gandum ra ngaangai' ulun ra titikop ru tana' ti. Ratong boo pagaka'-pagaka' ri Jusup am kubu ra saang nano.

KASAUKAN 44:18

Inggaar i Jiuda ri Jusup am indagu, “Tuan, makimaap aku, paindaguo' aku poyo galing. Pai' noyo sangit raki'. Okou ti koson ra raja' galama'.

KASAUKAN 48:16

Gama' ru malaikat ondo' namayag raki' intor ra baal makalalaa', mambarakat risilo. Gama' ru inggalan kuno am inggalan ru kinamatuaan kuli, i Abragam am i Isak, magail sisiraan sabap ra anak-anak ragitio! Gama' ru mokoondo' ilo masuang anak am masuang papag!”

1 RAJA'-RAJA' 8:50

Ampuno' noyo ngaangai' tula am guor nilo Rirun, am baalo' pantula' nilono makaasi' risilo.

MAZMUR 22:24

Koompor noyo Io, akau ngaangai' ulun mangintopot ra Tuhan! urumato' min Io, akau ngaangai' papag ri Jakub; sambaa' min Io, akau ngaangai' ulun ru Israil!

MAZMUR 37:40

Mangindangan am mamayag Io risilo; am niayuk mapalabus risilo intor ra ulun malaat, sabap ra makisindung ilo Riso.

AMSAL 16:7

Amon ru mangansuk kau ra guang ru Tuhan, ngaangai' pantula' masauk min ra rangan.

AMSAL 2:6

Tuhan noyo manaak ra kapintaran. Katutunan am karatian Io namuun.

AMSAL 3:4

Amon ru mambaal kou koson raginio, i Aki Kapuuno' am ulun masaga' mangapu rirun.

JIRIMIA 39:12

“Ongoi noyo uyumo' i Jirimia am alungi' io toojo. Pai' io jamari', kaa' iowo' noyo atan ayuk kitaakon nano.”

2 TIMOTIUS 4:18

Mampainggalur niayuk Tuhan raki' ra moonong kalaatan am magibit Io raki' ra pamarintaan Nano ra suruga' mabaya' ra kaansukan. Katulayon Io ayuk suku' ra sabuoi-buoi no! Amin.

JAKUBUS 5:11

Ilo no piawon takau ra ulun makaansuk sabap ra kinataan ru guang nilai i. Norongog min noyo ati kulaan guang pantataan ri Ayup, am nakapandai kano pupus ru inatang ru Tuhan koson riso. Sabap ra Tuhan no maluoi makaasi' am maayo toojo guang.

PINAINTALANG 7:14

Taam ku riso, “Tuan, kalo nakapandai aku. Okou no nakapandai.” Indagu io raki', “Ilo ti noyo ondo' nakalabus intor ra kaimbalaan makalalaa' i. Pinupuan nilo noyo sukub nilono saboi mapulak sabap ra raraa' ru Anak Domba pinasasar risilo.