RINALATAN 6:9 - Tanou Moonsoi Timugon

⁹ Kaa' mokoondo' niayuk kukula' ngaulun manggal riso. Ilo no intor ra baloi sambayangan ondo' sabiton ra ‘Pasisimpungan ru Ulun Pinalabus’. Ilo ti am ulun ru Jaudi intor ra Kirini am Aliksandria, am poyo intor ra Kilikia am niayuk Asia. Ilo ngaangai' ti nakimansangor ri Stipanus.

RINALATAN 6:9 ပူးပေါင်းရင်းမြစ်များ

MATIUS 10:17

Ilalai' min, sabap ra mokoondo' ulun mamparakop am magibit ramuyun giu' ra makama, am loposon kau giu' ra baloi sambayangan nilo.

MATIUS 23:34

Ginio ra rongogo' min toojo gitio: Manusub Aku ra nabi-nabi matong ramuyun, ulun pintar am niayuk mangingila': Potoyon min kukula' intor ilo ngaangai', salipon min bokon no am bokon no poyo loposon min ra baloi sambayangan, am mangilou kau niayuk risilo intor ra rondo' pekan mongoi ra pekan ra bokon.

MATIUS 27:32

Paat ra ilo mingkual, kauma' nilo sangulun intor ra pekan Kirini ininggalanan i Simon. Jinajalan io ti mansaan ra salip ri Jisus.

MARKUS 13:9

Ilalai' min, rokopon am ibiton kau ra intok pamisaraan. Lambaan kau giu' ra baloi sambayangan. Ongoyon kau paumaa' ra tingganai-tingganai am raja'-raja', sabap ra akau maamaya' Kuno, am koson raginio akau mampaintutun risilo ra Tanou Moonsoi intor Raki'.

LUKAS 21:12

Kaa' io kalo poyo masauk ngaangai' no, rokopon am imboloon kau. Pataakin am uwin kau giu' ra baloi sambayangan, am aputon poyo ra lamin pangaputan. Ibiton kau ra saang ru raja' am niayuk tingganai sabap ra mangintopot kau Raki'.

RINALATAN 11:20

Kaa' mokoondo' poyo intor risilo ti ulun Siprus am Kirini, ondo' minongoi ra Antiokia am nampasaboi ra Tanou Moonsoi intor ri Jisus ra ulun sala' ka Jaudi niayuk.

RINALATAN 13:1

Ralalom pasimpungan ulun Kristian ra Antiokia, mokoondo' kukula' ngaulun nabi am niayuk mangingila'. Ilo ti am i Barnabas, Simon ondo' sabiton ri Maitom, Lukius intor ra Kirini, i Minaim ondo' tinalanak nabaya' ra gabenor Irodis am niayuk i Saulus.

RINALATAN 13:45

Kaa' paat ra ulun ru Jaudi nakakito ra ulun masuang no, nangusolon ilo toojo. Inanggal nilo ngaangai' rinagu ri Paulus saboi nagasab riso.

RINALATAN 15:23

Mokoondo' surat pinaaya' nilai ondo' suang nali koson raginio; “Pabukat kau ngaangai' ondo' sala' ka Jaudi, ondo' mayan ra Antiokia, Siria am Kilikia. Kaansayan intor ramon, rasul-rasul, tingganai am ngaangai' pasimpungan ulun Kristian ragiti.

RINALATAN 15:41

Ongoi ilo ra Siria am Kilikia koson mampaikang ra pasimpungan ulun Kristian ra giu' no.

RINALATAN 16:6

Tungguli' boo i Paulus am i Silas pangkiralanan nilai mansail ra pagun Prigia am Galatia sabap ra Ambiluo ri Aki Kapuuno' kalo nangiou risilo mampasaboi ra tanou ri Aki Kapuuno' giu' ra Asia.

RINALATAN 18:24

Mokoondo' poyo sangulun ru Jaudi makainggalan i Apolos. Io inanak ra bandar Aliksandria am bagu io ayuk minongoi ra Ipisus. Mapintar io toojo mindagu am niayuk makaintutun toojo ra ragu ru Buuk Kitab.

RINALATAN 19:10

Sabuoi ruo ngambilor io nambaal raginio am ngaangai' ulun ra pagun ru Asia, io no ulun ru Jaudi am niayuk ulun sala' ka Jaudi, nokorongog niayuk ra bala' intor ra Tuhan.

RINALATAN 19:26

Raino nakito min am norongog min noyo galama' atan kia baalon ri Paulus ti. Mindagu io ra atan ayuk sinungkalalaing ondo' baalon ru ulun, ginilo sala' ka Tuhan toojo. Masuang ulun nangintopot riso, sala' ka giti ayuk ra Ipisus ti, kaa' maar makai' pagun Asia ti poyo.

RINALATAN 21:27

Paat ra tulu' ngoorou maar maampus, kukula' ngaulun ru Jaudi intor ra pagun Asia minongoi ra Baloi Tuhan ti am nakito nilo i Paulus ra giu' i. Ginio ra susuko' nilo ulun masuang am rokopo' nilo i Paulus.

RINALATAN 21:39

Taam i Paulus, “Aku ti ulun ru Jaudi, intor aku ra Tarsus, io no bandar maatang ra Kilikia. Polosoo' aku ayuk mindagu ra ulun-ulun no.”

RINALATAN 22:19

Kaa, taam aku, ‘Tuhan, nakatutun ilo ra aku noyo ondo' minongoi ra ati ayuk baloi sambayangan am namparakop am napalamba' ra ulun ondo' mangintopot Rirun.

RINALATAN 22:3

“Ulun aku toojo ru Jaudi. Intor aku ra bandar Tarsus ra pagun Kilikia, kaa' giti ayuk ra Jirusalim ti nasukaran kuno am minigigila' aku ri Gamalil. Inila' aku toojo ra Ukum ri Musa ru kinamatuaan takau am patimpokon ku kaayagan kuno ri Aki Kapuuno' nogondo' ra akau ngaangai' ra orou raiti'.

RINALATAN 23:34

Kopongo gabenor nambasa' ra surat i, kuati' no i Paulus ati kia intor nano. Kaala' io ra i Paulus ti intor ra Kilikia,

RINALATAN 24:18

Paat ra aku nambaal raginio, natuum nilo aku giu' ra Baloi Tuhan, kokopongo ayuk aku minaya' ra kaulayan pangimpasawan. Kolondo' jajajou pinasalula' kuno ra ulun masuang ragili.

RINALATAN 26:11

Masalok aku niayuk nangimbolo' risilo giu' ra baloi sambayangan am nampajajal risilo lumugut intor ra inintopot nilai. Nasisang aku kaga' risilo saboi sinunu' ku ilo ra ati ayuk bandar ra pagun bokon koson mangimbolo' risilo.”

RINALATAN 6:10

Kaa' Ambiluo ri Aki Kapuuno' nangani' ri Stipanus ra kapintaran manaam, ginio ra kalo boo makaanggal ilo riso.

1 KORINTUS 1:20

Intor raginio, atan onong ru ulun mapintar? Atan onong ru ulun mapandai? Am atan poyo onong ru ulun ru tana' ti ondo' mapandai tumaam? Sabap ra i Aki Kapuuno' nampakito noyo ra kapintaran ru ulun ru tana' ti sotopot no sasambungon.

GALATIA 1:21

Kopongo ragili, ongoi aku boo ra pagun Siria am Kilikia.