RINALATAN 6:7 - Tanou Moonsoi Timugon

⁷ Kon raginio noyo Tanou Moonsoi ri Aki Kapuuno' nakatabual poyo am giu' ra Jirusalim i pana, riminuang poyo boo ondo' mangintopot ri Jisus. Masuang poyo imam Jaudi ondo' nangintopot.

RINALATAN 6:7 ပူးပေါင်းရင်းမြစ်များ

2 TUNUNG RU BANSA' ISRAIL 29:34

Sabap ra imam ondo' namasau ra inan sanganu ayuk kaga' suang nilo koson manimbalui ra ngaangai' bibiag no, nangindangan ulun-ulun ru Liwi risilo saboi kandoi no nopongo. Ulun-ulun ru Liwi giminagaya' poyo toojo ra aturan ru pamasawan, am narayus ilo nangindangan saboi naukop imam ondo' mamasau ra inan.

2 TUNUNG RU BANSA' ISRAIL 30:24

Nanaak Raja' Gijkia ra 1,000 ngainan sapi' gawayan am 7,000 ngainan domba koson sinimbalui am inakan ru mamagun. Pagawai-pagawai nanaak 1,000 ngainan sapi' gawayan am 10,000 ngainan domba. Paat raginio masuang kaga' imam namasau ra inan.

MAZMUR 132:16

Imam-imam nano mapakito ra pamayagan intor Raki', am ulun-ulun nano magigindii ra maansukan.

MAZMUR 132:9

Gama' ru ulun Muno magigindii ra maansukan, am ngaangai' imam Muno maayag sumugut ra kasagaan Muno.

MATIUS 19:30

Kaa' masuang ulun ra maatang raino ti masauk ra kalo maatang am ondo' raino ti kalo maatang masauk ra maatang.”

LUKAS 2:34

Barakati' ilo ri Simion am indagu io ri Maria, ina' ru lalagang no, “Anak ragitio pinili' noyo ri Aki Kapuuno' koson mangukum am niayuk mamayag ra masuang ulun ru Israil. Masauk Io ra tatandu' intor ri Aki Kapuuno' kaa' masuang poyo manggal Riso.

JUANIS 12:42

Kabalu' pana raginio, masuang niayuk tingganai ru ulun ru Jaudi nangintopot ri Jisus. Kaa' kalo makakau' ilo mangiou raginio, sabap ra malaa' ilo mapandayan ru ulun ru Parisi am inggalarin ilo mumpos ra baloi sambayangan.

RINALATAN 12:24

Liliwa' raginio tanou intor ri Aki Kapuuno' nakatabual poyo ra ati ayuk intok am masuang ulun nangintopot ri Jisus.

RINALATAN 13:8

Kaa' i Ilimias, (ginio inggalan ri Bar-Jisus ralalom ragu Junani), mangingilong i, nanginga' risilo. Nangkinam io mangkinibit ra gabenor no kalo mangintopot ri Jisus.

RINALATAN 14:22

Nampaikang ilo ra ulun-ulun nangintopot am nangkimait risilo koson marayus mangintopot ri Jisus. “Masuang kapaganan matuum takau galing maa' raginio makaili' takau Pamarintaan ri Aki Kapuuno',” nangilaan nilo.

RINALATAN 19:20

Kon raginio noyo ra bala' intor ra Tuhan nakatabual poyo am masuang poyo boo ulun nangintopot ri Jisus.

RINALATAN 2:47

Mongongompor ilo ri Aki Kapuuno' am kaansayin ilo ru ngaangai' ulun. Moonong orou ruangin ru Tuhan suang nilo ra ulun ondo' bayagon ri Aki Kapuuno'.

RINALATAN 21:20

Pakaining ilo ra ngaangai' ondo' rinagu ri Paulus i, nongompor ilo boo ri Aki Kapuuno'. Indagu ilo boo ri Paulus, “Paulus, pabukat mai! Mokoondo' kukula' ngaribu noyo ulun ru Jaudi nangintopot ri Jisus ragiti, am gumagaya' ilo toojo ra Ukum ri Musa.

RINALATAN 6:1

Paat ragili niayuk siminuang ulun ondo' mangintopot ri Jisus i, am nansasangor boo ulun ru Jaudi ondo' mindagu ra ragu Junani am ondo' mindagu ra ragu Ibrani. Ilo ondo' mindagu ra ragu Junani ti nanguu' ra bokon ra napuor nilo ti linilianan ra kalo aniin ra ruit moonong orou.

ROMA 1:5

Ralalom ru inggalan Nano noyo tinimpok taaki' ri Aki Kapuuno' raki' kandoi masauk ra rasul, koson mangandoi aku ri Kristus am magibit ra ngaangai' ulun mangintopot am gumagaya' Riso.

ROMA 16:26

Kaa' raino katapatan raginio pinasalula' mansail ra namatikan ru nabi-nabi. Am sumugut ra susuban ri Aki Kapuuno' ondo' mantilayun, katapatan raginio potonowon ra ngaangai' bansa', maa' raginio mangintopot am gumagaya' ilo boo Riso.

GALATIA 1:23

Naala' ilo ayuk ra rinagu ru ulun ra, “Ulun ondo' nangimbolo' ramon ragili, raino ti mampatanou io boo ra pangintapatan ondo' pusoon no raan ragili!”

GALATIA 6:10

Intor raginio, buoi ra itakau makakaluagan, alapo' takau noyo ginio koson mobobonsoi ra moonong ulun, mulu' poyo risilo ondo' makimambukat takau mulu' poyo ra mogondo' pangintapatan.

KOLOSI 1:6

Tanou Moonsoi ti nagibit ra barakat am nakatabual ra ati ayuk intok ra tana' ti, koson niayuk ra tatanga' min. Kataawan poyo ri Aki Kapuuno', ondo' naining min ra kasaa' i, maintutunan min ra atan ginio sotopot no.

2 TISALONIKA 1:8

am mabaya' ra simbula' ru apui. Mangukum Io ra ulun ondo' kalo masaga' mintutun ri Aki Kapuuno' am ondo' kalo gumagaya' ra Tanou Moonsoi ri Jisus, Tuhan takau.

2 TIMOTIUS 2:9

Sabap ra pampasabayan kuno ra Tanou Moonsoi i noyo aku naimbolo', saboi ra aku binangkil koson ayuk ra sangulun malaat. Kaa' bala' ri Aki Kapuuno' ti kalo noyo maalap kabangkil.

IBRANI 11:8

Sabap ra pangintapatan noyo, i Abragam giminagaya' ra susuban ri Aki Kapuuno' mongoi ra sampagunan ondo' binantu' Nano riso. Iniruanan no pagun nali galama' kabalu' pana kalo nakatutun io ra ati angayan nano.

IBRANI 5:9

Ginio ra kalupus Io pinasauk ra mamamayag ra kolondo' sala, nasauk Io boo ra puun ru pamayagan mantilayun ra ngaangai' ulun ondo' gumagaya' Riso.

JUDAS 1:20

Kaa' koson ramuyun, pabukat kau ngai', kaikango' ayuk pangintapatan mino ri Jisus Kristus, ondo' gitio noyo rondo'-rondo' ayuk matulai. Pakiasi' kano ralalom kuasa' ru Ambiluo ri Aki Kapuuno'.

JUDAS 1:3

Pabukat kau ngai' ondo' tagamin ku! Mokoondo' noyo guang ku ra buoi ti koson manulis raan ramuyun intor ra pamayagan ti ondo' inapu takali. Kaa' raino ti malimanan ku ra moonsoi ru manulis aku noyo ramuyun ra surat ti koson anggalon min ilo ondo' tumula' ra pangilaan motopot intor ri Aki Kapuuno', ondo' pinataak ra igondo' ayuk ra ulun Nano ra sabuoi-buoi no.