RINALATAN 6:6 - Tanou Moonsoi Timugon

⁶ Tulu' ngaulun ti pinauma' boo ra rasul-rasul, am pabantaa' nilo kalindu' nilai risilo koson makitaak ra barakat intor ri Aki Kapuuno'.

RINALATAN 6:6 ပူးပေါင်းရင်းမြစ်များ

UNTABAN 27:18

Indagu Tuhan ri Musa, “Piawo' noyo i Josua anak ri Nun. Io sangulun matanda'. Pabantaa' kalindu' muno ra rasawat ru ulu nano.

UNTABAN 8:10

Ulun ru Israil musiti' mapabanta' ra kalindu' ra rasawat ru ulu ru ulun ru Liwi,

MARKUS 5:23

am makitaak io toojo Riso, “Anak ruandu' kuno marualan malanjag, mamaar matoi, ratong am pabantaa' kalindu' Muno ra inan nano am maaru' mababas am maayag io.”

RINALATAN 1:24

Pakiasi' ilo boo, konilo, “Tuhan, Okou nakapandai ra guang ru ngaangai' ulun. Tinatang noyo ri Judas kandoi nali koson sangulun rasul am minatoi noyo. Tului' akai, osoi intor ra ruo ngaulun ti ondo' pilion Muno koson pamamalit ri Judas i.”

RINALATAN 13:3

Kopongo ilo nampali am nakiasi', pabantaa' nilo kalindu' nilai ri Barnabas am i Saulus. Susubo' nilo ruo ngaulun i mugar.

RINALATAN 19:6

Pabantaa' ri Paulus kalindu' nali risilo am kinuasa' ilo ru Ambiluo ri Aki Kapuuno'. Ginio ra minindagu ilo ra ragu imuagan am nampasaboi ra pambalaan intor ri Aki Kapuuno'.

RINALATAN 8:17

Ginio ra pabantaa' boo ri Pitrus am i Juanis kalindu' nilai ra ulun-ulun no, am ilo pana nokoowot ra Ambiluo ri Aki Kapuuno'.

RINALATAN 9:12

am ralalom rondo' pagilangan pakakito io sangulun ungkuyon makainggalan ri Ananias tumuum riso. Pabantaa' no kalindu' nano riso koson makakito io saguli'.”

RINALATAN 9:17

Ginio ra ongoi i Ananias ra baloi i am pabantaa' no kalindu' no ri Saulus. Indagu io, “Saulus, pabukat kuno, i Tuhan Jisus ondo' nakito mu ra tanga' ru ralan paat ra okou minongoi ragiti, nanusub raki' muma' rirun koson makakito kou saguli' am mokoowot ra Ambiluo ri Aki Kapuuno'.”

SAGULION 34:9

Nanaak Tuhan ra kapintaran ri Josua anak ri Nun sabap sinauk ri Musa io ra suali nano. Giminagaya' ulun ru Israil ri Josua am niayuk nambaal ra susuban ondo' tinaakan ru Tuhan risilo ondo' pinasaboi galing ri Musa.

1 TIMOTIUS 4:14

Pai' polosoo' ayuk kandoi tinaakan ri Aki Kapuuno' no rirun, paat ra tingganai-tingganai napabanta' ra kalindu' nilai ra ulu muli liliwa' nabi-nabi nampabala' ondo' inaru' rirun ri Aki Kapuuno'.

1 TIMOTIUS 5:22

Pai' kaluoi papabanta' ra kalindu' ra ulu ru sasangulun, koson ra tatandu' ra mangiou riso ra mangngandoi ru Tuhan. Amon ru ulun ra bokon mambaal ra tula, pai' no pakaayaya'. Kaa' alungi' ayuk toojo kapasawan ru kaayagan muno.

2 TIMOTIUS 1:6

Ginio sabap ra mampakara' aku rirun ra rayuso' noyo kandoi tinaakan ri Aki Kapuuno' rirun paat ra aku napabanta' ra kalindu' kuno ra ulu muli.

IBRANI 6:2

pampariwan, mapabanta' ra kalindu' ra ulu ru ulun, sauk ru kaayagan saguli' ru ulun minatoi am poyo ra pangukuman mantilayun.