RINALATAN 6:3 - Tanou Moonsoi Timugon

³ Ginio ra aruo' min tulu' ngaulun ondo' mangatanda', kinuasa' ru Ambiluo ri Aki Kapuuno' am mapintar, ginio ra makapalit ilo boo ramon mambaal ra kandoi ti.

RINALATAN 6:3 ပူးပေါင်းရင်းမြစ်များ

KAINGKUALAN 18:21

Kaa' suai raginio, musiti' kou mampili' ra kukula' ngaulun ungkuyon ondo' mangapintar. Lantiko' ilo ra tingganai ru mamagun ondo' maningganai ra saribu ngaulun, maatus ngaulun, limo ngoopor ngaulun am mopor ngaulun. Musiti' ilo no ulun ondo' malaa' ri Aki Kapuuno', malansanan am kalo masaga' mangapu ra ruit pangambi'.

JISAYA 28:26

Makapandai io mambaal ra kandoi nano, sabap ri Aki Kapuuno' nangila' riso.

JISAYA 28:6

Mangani' Io ra paliso matimpok ra akim-akim, am kinabaani ra ulun ondo' nangampin ra garabang subalan ra bandar intor ra owoyon.

MATIUS 23:8

Kaa' akau kalo pana sabiton ra ‘Mangingila'’, sabap ra ngaangai' akau koson ayuk mabubukat am rondo' ayuk Mangingila'.

JUANIS 21:23

Ginio boo ra nakatabual tanou ra gino ngai' ru maamaya' Nano ra maamaya' raginio kalo matoi. Kaa' sotopot no i Jisus galama' kalo minindagu ra kalo matoi io; kaa' kon Nano, “Amon ru masaga' Aku ra maayag io saboi ra Aku matong saguli', kua kaimamang kou raginio?”

RINALATAN 1:15

Paat ra rondo' orou timinimung olo'-olo' maatus ruo ngoopor ngaulun, bigor i Pitrus koson mambala' risilo, kono,

RINALATAN 1:21

Ginio ra, musiti' sangulun poyo maya' ritakau masauk ra sasi' ra Tuhan Jisus naayag noyo saguli' intor ra kapatayan. Ulun no musiti' sangulun intor ra ulun ondo' masalok minaya' ritakau paat itakau maya-aya' ra Tuhan Jisus ra ati ayuk pana paat ragili,

RINALATAN 10:22

Taam ilo, “Tingganai Konilius nanusub ramon mongoi ragiti. Io ti sangulun moonsoi ondo' sumamba ri Aki Kapuuno' am niayuk ngaangai' ulun ru Jaudi mangurumat riso. Sangulun malaikat ru Tuhan nanusub riso mompoongoi rirun ra baloi nano koson mangkirongog ra atan raguon muno.”

RINALATAN 15:23

Mokoondo' surat pinaaya' nilai ondo' suang nali koson raginio; “Pabukat kau ngaangai' ondo' sala' ka Jaudi, ondo' mayan ra Antiokia, Siria am Kilikia. Kaansayan intor ramon, rasul-rasul, tingganai am ngaangai' pasimpungan ulun Kristian ragiti.

RINALATAN 16:2

Ngaangai' ulun Kristian ondo' minayan ra Listra am Ikonium nongompor ri Timotius.

RINALATAN 2:4

Ilo ngaangai' kinuasa' ru Ambiluo ri Aki Kapuuno'. Tumalimpuun ilo mindagu ralalom nansalinut ragu ra bokon maya' ra atan ondo' tinaakan ru Ambiluo ri Aki Kapuuno' no risilo.

RINALATAN 22:12

Giu' i mokoondo' sangulun makainggalan ri Ananias. Io sangulun ondo' sumamba ri Aki Kapuuno' am sumugut niayuk ra Ukum ri Musa takau. Io niayuk kauligan ra sangulun moonsoi toojo ru ulun ru Jaudi ondo' minayan ra Damsyik.

RINALATAN 28:14

Giu' no niayuk nakatuum akai ra kukula' ngaulun Kristian. Nangkimait ilo ramon mayan risilo am saminggu' akai ra giu' i. Kopongo ragili, narayus akai boo ra Roma maya' ra lantur.

RINALATAN 6:2

Ginio boo ra timungo' boo ru mopor am ruo ngaulun rasul ngaangai' ulun ondo' minaya' risilo i am indagu, “Kalo moonsoi amon ru langgain mai mampasaboi ra Tanou Moonsoi ri Aki Kapuuno' koson mampaugar ra kandoi pantayaran ra ruit ti.

RINALATAN 6:5

Ngaangai' ru ulun no pana nangiou ra rinagu ru rasul, am aruo' nilo i Stipanus, sangulun ondo' mapiot pangintapatan nano am niayuk kinuasa' ru Ambiluo ri Aki Kapuuno', am poyo i Pilipus, Porokus, Nikanor, Timon, Parminas, Nikolaus intor ra Antiokia, ondo' ragili minaya' ra ugama Jaudi, kabalu' pana io sala' ka bansa' ru Jaudi.

RINALATAN 6:6

Tulu' ngaulun ti pinauma' boo ra rasul-rasul, am pabantaa' nilo kalindu' nilai risilo koson makitaak ra barakat intor ri Aki Kapuuno'.

RINALATAN 9:30

Kapandayi' ru ulun-ulun nangintopot ra baal raginio, ibito' nilo i Saulus giu' ra Kaisaria am atari' nilo io poyo ra Tarsus.

1 KORINTUS 12:8

Ambiluo no mangani' ra sangulun ra taak mindagu ra mapintar toojo. Ulun ra bokon inanian poyo ru Ambiluo raginio ra taak mambala' ra kapandayan intor ri Aki Kapuuno'.

1 KORINTUS 16:3

Ginio ra paat ra aku mokoongoi ramuyun, poongoyon ku ulun ondo' kalansanin min ra bandar Jirusalim, mabaya' ra surat pangiawan am ruit paindanganon min.

IPISUS 5:18

Pai' kau kagauk ra anggur, ginio magibit ra paliso malaat. Kaa' sotopot no, moonsoi amon ru Ambiluo ri Aki Kapuuno' no manguasa' ramuyun.

SAGULION 1:13

Pilio' noyo kukula' ngaulun ungkuyon ondo' mapintar toojo, matanda' am makanailian intor ra moonong bansa', maa' raginio mapili' ku ilo saukon ra tingganai min.’

1 TIMOTIUS 5:10

am kauligan mambaal ra moonsoi koson; matanda' nampasukor ra anak nano, mataau mangapu ra tambului, maluoi mangindangan ra ulun Kristian suku' ra kandoi kalo maatang, mangindangan ra ulun makakapaganan am mapirot io mambaal ra atan ayuk kandoi moonsoi.

JAKUBUS 1:17

Ngaangai' taak ra moonsoi am kolondo' sala, intor noyo ra suruga'; ioginio intor ri Aki Kapuuno' ondo' nampasauk ra ngaangai' sinda ru limbowon. Io ti kalo noyo makulau koson ra babara' ondo' kalo rumoro'.

3 JUANIS 1:12

Ngaangai' ulun mongompor ri Dimitrius. I Aki Kapuuno' pana mongompor riso. Akai pana mongompor riso am napandayan min noyo ra kaintutunan maiti motopot.