RINALATAN 6:14 - Tanou Moonsoi Timugon

¹⁴ Nokorongog akai ra io minindagu ra i Jisus intor ra Nasarit i mampalunsai ra Baloi Tuhan ti am ngaangai' kaulayan ondo' nangilaan ri Musa ritakau i kulawon no!”

RINALATAN 6:14 ပူးပေါင်းရင်းမြစ်များ

JISAYA 65:15

Ulun pinili' Kuno mamakai ra inggalan mino koson ra pagulasan, Aku, Tuhan Raja' mamatoi ramuyun, kaa' ilo ondo' gumagaya' Raki' aniin Ku ra inggalan bagu.

JIRIMIA 26:12

Aku pana mindagu, “Nanusub Tuhan raki' mampatanou ra ngaangai' tanou ondo' manggal ra Baloi ru Tuhan am bandar ti koson ra ondo' norongog min noyo.

JIRIMIA 26:18

“Paat ra Raja' Gijkia nasauk ra raja' ru Jiuda, Nabi Mika intor ra Morisyit nambala' ra mamagun ra ragu ru Tuhan Ondo' Maayo Kaga' Kuasa', ‘Sion raduon koson ra umo, Jirusalim masauk ra tuntur ru nangalunsai, am bulur ru Baloi ru Tuhan masauk ra kataunan.’

DANIL 9:26

Pompor ru paat raginio, tingganai ondo' pinili' ri Aki Kapuuno' no potoyon kabalu' pana kolondo' sala nano. Bandar Jirusalim am Baloi ru Tuhan pusoon ru pulalai ru saujor ru sangulun raja' ondo' makakuasa'. Pupus ru ginio sumaboi koson ra liur ondo' magibit ra pampatayan am kapusaan ondo' inaru' noyo ri Aki Kapuuno'.

GOSIA 3:4

Koson niayuk ra ulun ru Israil; mabuoi kaga' ilo maayag ra kolondo' raja' kapoam tingganai, am kolondo' taak-taak simbalui, kapoam batu-batu pangkaraan ra sambayangin, kolondo' sinungkalalaing kapoam jimat-jimat ondo' pakayon koson manala' ra orou matong.

MIKA 3:12

Sabap ra kalaatan min, Sion raduon koson ra tana', Jirusalim pasaukon ra tuntur ru nalunsai, am bulur intok Baloi ru Tuhan masauk ra kataunan.

JAKARIA 11:1

Okou Libanon, ukabi' noyo kulobon-kulobon muno, maa' raginio apui mokosolob ra puun ru sidar muno.

JAKARIA 14:2

Timungon ru Tuhan ngaangai' bansa' koson mangayou ra Jirusalim. Bandar no gaawon, baloi-baloi nano takawin am ruandu'-ruandu' nano sowoon. Sampiruo ra mamagun nano patirin ra pagun, kaa' ondo' bokon no kalo pabandingon intor ra bandar no.

MATIUS 26:61

am indagu, “Ulun ragitio minindagu, ‘Lunsayon Ku Baloi Tuhan no am ralalom talu ngoorou baalon Ku saguli'.’ ”

MARKUS 14:58

Konilo, “Nokorongog akai ra ulun ti minindagu, ‘Lunsayon Ku Baloi Tuhan ondo' binaal ru ulun, am mopongo talu ngoorou, baalon Ku sagulio' Baloi Tuhan ra bokon ondo' sala' ka baalon ru ulun.’ ”

LUKAS 21:24

Mokoondo' ulun potoyon ra ilang, am mokoondo' poyo ibiton am uliponon ra ati ayuk pagun ra bokon; am bandar Jirusalim kikinjangin ru bansa' ondo' kalo makaulig ri Aki Kapuuno' saboi paat ra inaru' no risilo maukop.”

LUKAS 21:6

“Masuku' paat no, ngaangai' makito min ti lunsayon, kolondo' rondo' batu pana soroi ra intok nano.”

JUANIS 2:19

Taam i Jisus, “Amon ru lunsayon min Baloi Tuhan ti, motoojo Ku buoi kataluan.”

JUANIS 4:21

Indagu i Jisus ra ruandu' no, “Pangintopot no Raki', ra sangarawan kalo boo sambaan i Ama' ra bulur ti kapoam giu' ra Jirusalim.

RINALATAN 15:1

Mokoondo' kukula' ngaulun Kristian intor ra Judia minatong ra Antiokia am nangila' ilo ra ulun Kristian ra, “Kalo bayagon kau ri Aki Kapuuno' amon ru kalo sunatin kau maya' ra Ukum ri Musa.”

RINALATAN 21:21

Kaa' nokorongog ilo ra okou kunu' mangila' ra ngaangai' ulun ru Jaudi ondo' mayan ra bansa' ru bokon i, maa' raginio kalo boo pana maya' ra Ukum ri Musa. Kamu poyo ra kalo pana sunatin anak nilono kapoam suguton kaulayan ru ulun ru Jaudi.

RINALATAN 25:8

Nagisaung i Paulus, “Kolondo' rondo' pana sala kutu ra Ukum ri Musa, ra Baloi Tuhan kapoam ra Kaisar Roma.”

RINALATAN 26:3

Mulu' poyo sabap ra okou nakaintutun toojo ra kaulayan am niayuk kapaganan ru ulun ru Jaudi. Sabap raginio, malansan aku ra masaga' kou niayuk mangkirongog raki' ra guang mataan.

RINALATAN 28:17

Pakasail nataluan, timungo' ri Paulus tingganai-tingganai ru ulun ru Jaudi. Pakatimung ilo, pambala' boo i Paulus, kono, “Pabukat kau ngaangai'! Kolondo' sala kuno ra bansa' takau galama', kapoam kalo minanggal aku ra kaulayan ru kinamatuaan takali. Kabalu' pana koson raginio, rinakop aku niayuk giu' ra Jirusalim am pinataak aku ra ulun ru Roma.

GALATIA 3:19

Amon ru ginio poyo, atan pakuan ru Ukum ri Musa no? Io pinaruang koson mampakito ra kaanggalan takati. Ukum ri Musa ti mokoonong polos ayuk ra ratangan ru sangulun papag ri Abragam, io no ondo' napataakan ra nabantuan raginio. Ukum ti pinasaboi ru malaikat-malaikat ru Tuhan mumbaya' ra sangulun papabilinan.

GALATIA 3:23

Ra kalo poyo nasuku' paat ra mangintopot ri Kristus ti, kinuasa' takau ru Ukum ri Musa koson ra ulun inaput, saboi pangintapatan no pinaintalang.