RINALATAN 6:13 - Tanou Moonsoi Timugon

¹³ Susubo' nilo sasi' ondo' maabau-abau no mindagu koson raginio, “Ulun ti masalok magasab ra Baloi Tuhan am susuban ri Aki Kapuuno' ondo' tinulisan ralalom Ukum ri Musa.

RINALATAN 6:13 ပူးပေါင်းရင်းမြစ်များ

MAZMUR 27:12

Pai' aku pasubako' ra pantula' kuno, ondo' mongoi panimbaal am pompololob.

MAZMUR 35:11

Sasi'-sasi' ra mangalaat nanguu' raki', sabap ra baal ondo' kalo natutunan kuno.

MAZMUR 56:5

Mangintopot aku ri Aki Kapuuno' am kalo malaa' aku; omporon ku Io sabap ra bantu' Nali. Atan kia maalap kabaal ru ulun no raki'?

GOSIA 7:4

Ilo ngaangai' malaat am kalo gumagaya'. Sisang nilo koson ra apui giu' ra ralalom ru rapuan ondo' kalo pinaangan ru ulun mambaal ra ruti' ra kalo poyo mopongo kabaal ruti' makata' koson solobon.

MATIUS 24:15

“Makakito kau ra Karaat Makalalaa', ondo' rinagu ri nabi Danil, migor ra Baloi Tuhan. (Pangkaraan ra mambabasa': Aratio' min atan pambalaan ragitio!)

MATIUS 26:59

Tingganai-tingganai imam Jaudi am ngaangai' Majlis Ugama no maguyum toojo ra sasi' koson mangkinam mamparuung ri Jisus, maa' raginio maalap nilo boo Io kapatoi.

RINALATAN 21:28

Golok ilo, “Pabukat kau ngaangai', ulun ru Israil! Makiindangan akai. Gitio noyo ulun ondo' mangila' ra ati ayuk intok ra ngaangai' ulun ra pangilaan ondo' manggal ra bansa' ru Israil, Ukum ri Musa am niayuk Baloi Tuhan ti. Mulu' poyo raino ti nagibit io piboo ra ulun ondo' sala' ka Jaudi sumubol ra Baloi Tuhan. Mampajamol io ra intok matulai ti.” (

RINALATAN 25:8

Nagisaung i Paulus, “Kolondo' rondo' pana sala kutu ra Ukum ri Musa, ra Baloi Tuhan kapoam ra Kaisar Roma.”

RINALATAN 6:11

Anii' nilo kukula' ngaulun ra ruit koson ilo ti mongoi boo pambala' ra ulun masuang no ra, “Nokorongog akai ra ulun no nagasab ra nabi Musa am niayuk i Aki Kapuuno'!”

RINALATAN 7:58

Ralaato' nilo io miningkual ra bandar i am bobolon io ra batu saboi matoi. Sasi' napabanta' ra sukub nilo ra tuma' ru kalayam ru sangulun tuu'-bagu makainggalan ri Saulus.

IBRANI 7:12

Sabap ra amon ru kaulayan pangaruan ra imam aligin, Ukum ri Musa musiti' aligin niayuk.