RINALATAN 6:1 - Tanou Moonsoi Timugon

¹ Paat ragili niayuk siminuang ulun ondo' mangintopot ri Jisus i, am nansasangor boo ulun ru Jaudi ondo' mindagu ra ragu Junani am ondo' mindagu ra ragu Ibrani. Ilo ondo' mindagu ra ragu Junani ti nanguu' ra bokon ra napuor nilo ti linilianan ra kalo aniin ra ruit moonong orou.

RINALATAN 6:1 ပူးပေါင်းရင်းမြစ်များ

AYUP 29:13

Inompor aku ru ulun ondo' mapagon kaga', am inindangan ku ruandu' napuor nakaalap ra sindungan.

AYUP 31:16

Kalo igondo' aku marara' mangindangan ra ulun musikin, am kalo igondo' nompoloso ra ruandu' napuor maayag ra mangkaus.

MAZMUR 110:3

Bulintok ra okou matong ra makakuasa', giu' ra bulur matulai, ulun muno masaga' mangindangan ayuk toojo. Koson ra bolobou bulintok ra susuab ti, nasuangan ru buayoi rumatong rirun.

MAZMUR 72:16

Gama' ru makabujuk bilor no ra titikop ru pagun; gama' ru matitip bulur no ra tatanom, koson kinalabung ru tatanom ra Libanon. Gama' ru mososok bandar no ra ulun, koson ra sakot tumuu' ra limayak.

JISAYA 1:17

kaa' igigila' kau mambaal ra moonsoi. Pabigoro' noyo katimpakan: am indangano' ulun ra inimbolo', anii' anak ondo' nailusan ra matuo no ra ondo' motopot, sungkaa' noyo baal ru ulun-ulun napuor.”

JISAYA 27:6

Orou ra tauli no, ulun ru Israil ioginio papag ri Jakub manambakat koson ra sampuun tataun, am manalantar ilo am niayuk mambusak. Tana' ti mapapak ra kawa'-kawa' nilono.

JIRIMIA 30:19

Mamagun nano mongompor Raki' ra rimbai, am magilakup ra maansukan. Ra barakat Kuno sumuang ilo; barakat Kuno mamparatong ra urumat risilo.

YEHEZKIEL 22:7

Kolondo' osoi pana giu' ra bandar no mangurumat ra ina' am ama' nano. Ruungon min ulun bansa' ru bokon, am niayuk namparuung ra ruandu' napuor am anak nailusan ra matuo.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

MATIUS 23:13

“Aibui boo ramuyun, mangingila' ra Ukum ri Musa am ulun-ulun ru Parisi! Maabau-abau kau kaga', akau galama' kalo masaga' masauk ra ulun ri Aki Kapuuno', am niayuk mongompong kau ra ulun bokon ondo' masaga' masauk ra ulun ri Aki Kapuuno'. [

RINALATAN 11:20

Kaa' mokoondo' poyo intor risilo ti ulun Siprus am Kirini, ondo' minongoi ra Antiokia am nampasaboi ra Tanou Moonsoi intor ri Jisus ra ulun sala' ka Jaudi niayuk.

RINALATAN 11:26

Katuum no i Saulus, ibito' no ra Antiokia am buoi sambilor siminimpung ilo ra pasimpungan ulun Kristian ra giu' i liliwa' nangila' risilo. Giu' ra Antiokia noyo maamaya' ri Jisus kainsaa' sabiton ra ulun Kristian.

RINALATAN 11:29

Ginio ra ngaangai' maamaya' ri Jisus ra giu' i nangiou koson mangindangan ra ulun Kristian ra Judia; nangani' ilo maya' ra kamaanan ru sasangulun.

RINALATAN 2:41

Masuang ulun nangintopot ra rinagu ri Pitrus, am ilo pana riniu'. Suang ru ulun nangintopot ri Kristus paat ra orou raginio riminuang poyo ra talu ngaribu ngaulun.

RINALATAN 2:45

Mokoondo' intor risilo mantalan ra rapu' nilai, am ruit i tinayar-tayar ra popolos nilo maya' ra pakuan ru sasangulun.

RINALATAN 2:47

Mongongompor ilo ri Aki Kapuuno' am kaansayin ilo ru ngaangai' ulun. Moonong orou ruangin ru Tuhan suang nilo ra ulun ondo' bayagon ri Aki Kapuuno'.

RINALATAN 4:35

Ruit no boo tatayaron ra moonong ulun ondo' makapakuan.

RINALATAN 4:4

Kaa' masuang ulun ondo' nokorongog ra pambalaan ru rasul-rasul nangintopot ri Jisus. Suang nilo riminuang saboi olo'-olo' limo ngaribu ngaulun.

RINALATAN 5:14

Ginio ra buoi-kabuoi rumuang poyo ulun mangintopot ra Tuhan, ungkuyon am ruandu'.

RINALATAN 5:28

“Linolob takamin noyo ra pai' kau pangila' ra pangilaan ru ulun ragili. Kaa' ilai' boo binaal min! Nampatabual kau ra pangilaan min ra titikop ru Jirusalim ti, am nanguu' kau poyo ra akai no nangkinibit ra pinatayan ru ulun i.”

RINALATAN 6:2

Ginio boo ra timungo' boo ru mopor am ruo ngaulun rasul ngaangai' ulun ondo' minaya' risilo i am indagu, “Kalo moonsoi amon ru langgain mai mampasaboi ra Tanou Moonsoi ri Aki Kapuuno' koson mampaugar ra kandoi pantayaran ra ruit ti.

RINALATAN 6:7

Kon raginio noyo Tanou Moonsoi ri Aki Kapuuno' nakatabual poyo am giu' ra Jirusalim i pana, riminuang poyo boo ondo' mangintopot ri Jisus. Masuang poyo imam Jaudi ondo' nangintopot.

RINALATAN 9:29

Nakimantaam io niayuk ra ulun ru Jaudi ondo' mindagu ra ragu ru Junani, am nangkinam ilo poyo mamatoi riso.

RINALATAN 9:39

Tampos i Pitrus am baya' risilo. Pakasuku' ra giu' i, ibito' io ra lamin ru rasawat i. Ngaangai' napuor liminimpu ri Pitrus liliwa' nantangi' am patalango' nilo bayang am sukub ondo' pinikit ri Dorkas i risilo ra io lakat ayuk poyo soroi.

RINALATAN 9:41

Guuto' ri Pitrus longon nali am indangano' no bigor. Piawo' no boo ulun ondo' nangintopot am niayuk napuor-napuor, koson nampakito risilo ra naayag io poyo saguli'.

ROMA 12:7

Osoi ondo' inanian ra kapandayan mangindangan, pangindangan no. Osoi ondo' inanian ra kapandayan mangila', pangila' no.

1 KORINTUS 10:10

Pai' takau bubutok sumangit ri Aki Kapuuno' koson ra binaal ru santayaran nilai ragili, saboi pinatoi ilo ru Malaikat Kapatayan.

2 KORINTUS 11:22

Konilo ra ulun ilo ru Jaudi. Aku pana! Kon poyo, pagun nilono Israil. Iou, mogondo' raki'! Ragu nilo poyo ra papag ilo ri Abragam. Ba, aku niayuk!

SAGULION 26:12

“Moonong bilor, akau musiti' manaak sampiopor ra ampos ru tinanom min ra Tuhan. Kaa' moonong bilor katalu, taaki' noyo sampiopor ra ampos ru tinanom min ra ulun ru Liwi, ulun bansa' ru bokon, anak nailusan ra matuo am napuor, maa' raginio giu' ra moonong bandar min, makaalap ilo ra akanon ondo' makapakuan. Mopongo kau mambaal koson raginio,

PILIPI 3:5

Atan nai ra kalupus ayuk nabaluan ra aku inanak, sinunatan aku no am intor aku ra pagun ru Israil, am papag aku po ru kinamatuaan takau i Binjamin. Ginio nai ra aku ti ulun kopoyo ru bansa' Ibrani. Am poyo kinapirot ru gagaya' ku ra ukum ru ugama Jaudi noyo nagibit raki' saboi nakaaya' aku ra tayar Parisi no.

1 TIMOTIUS 5:3

Pakaraa' noyo ulun mangintopot ra napuor no ondo' totopot kolondo' magalung risilo.

1 TIMOTIUS 5:9

Napuor ondo' iowon mangapu ra tayar ru indangan musiti' koson ragitio: umur nano nakasail noyo onom ngoopor ngambilor, igondo' ayuk pangindalaki

IBRANI 13:1

Pontotogom kano ra rondo' am bokon ra mabubukat takau ralalom ri Kristus.

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.

JAKUBUS 4:5

Kaa' indos min kia ra raragu ayuk ondo' tinulisan ra Buuk Kitab ra, “Pinorondon noyo ri Aki Kapuuno' Ambiluo Nano ra guang takau sigagama', am maayo toojo kasagaan Nati ra Io ayuk tagamin takau.”

JAKUBUS 5:9

Pai' kano pagasab ra rondo' am bokon, maa' raginio akau pana kalo ukumin ri Aki Kapuuno'. Karaa'! Akim no mamaar noyo, makatampos Io no.