RINALATAN 5:4 - Tanou Moonsoi Timugon

⁴ Tana' i okou tatangan ra kalo poyo natalan. Katalan mu raiti, ruit i pana lakat ayuk poyo okou tatangan. Kua kasaga' kou mambaal raginio? Sala' ka ulun inabawan muni, kaa' i Aki Kapuuno'!”

RINALATAN 5:4 ပူးပေါင်းရင်းမြစ်များ

1 TUNUNG RU BANSA' ISRAIL 29:17

Nakapandai aku ra mangkinam Kou ra guang ru moonong ulun am Okou galama' masaga' ra ulun ondo' mapasau guang nano. Mabaya' ra kabanisan am kasagaan ru guang, pataakon ku ngaangai' ti Rirun. Nakainono' aku noyo ra ulun Muno ondo' natimung ragiti nagibit ra taak nilo Rirun ra guang maansukan.

1 TUNUNG RU BANSA' ISRAIL 29:3

Suai raginio, pinataak ku noyo pirok am mas intor ra rapu' longgom kuno galama' sabap ra togom kuno ra baloi ri Aki Kapuuno' kuno.

1 TUNUNG RU BANSA' ISRAIL 29:9

Mamagun nangani' ra pinaindangan ra Tuhan ra kabanisan am kasagaan ru guang. Naansukan ilo sabap ra masuang taak pinaindangan am Raja' Daut pana naansukan.

AYUP 15:35

Ginio noyo ulun ondo' nangatang am niayuk nambaal ra kalaatan; guang nilo magail natikop ra pamparuungan.”

MAZMUR 139:4

Kabalu' pana kalo poyo maragu ku, napandayan Mu noyo atan raguon kuno.

MAZMUR 7:14

alapon No kinandoi mangayou Nano ondo' makapatoi am pabakison No panah Nano ondo' makasimbula'.

KAINGKUALAN 16:8

Kon boo ri Musa, “Mangani' Tuhan ramuyun ra kual koson akanon tampilon ra mai' ti, am kula' suang ruti' kasagaan mino tampilon ra susuab ti, sabap ra naining No noyo mapara' boo masalok kau mambutok Riso. Sotopot no, butok mino sala' ka ra akai, kaa' ra Tuhan.”

KAINGKUALAN 35:29

Ngaangai' ulun ru Israil ondo' moogot am masaga' mangani' ra atan pana, magibit ra taak nilono ra Tuhan koson ra kandoi ondo' nanusuban Nano ri Musa.

MAMPATANOU 5:5

Pai' polosoo' ragu muno mangkinibit rirun makatula saboi iowon mu kalalaat ra imam ra okou nasala makimabantu'. Kua nua' napasingkual kou ra sangit ri Aki Kapuuno' rirun suku' namuso Io ra ngaangai' kandoi muli?

JISAYA 59:4

Minongoi kau pantagi' ra makama kabalu' pana kolondo' sasaban am pinatasan ra kalo matimpok. Magabau kau am ingain min ondo' kolondo' onong; mampaguang kau koson mampajamar ra ulun bokon am mambaal ra kalaatan.

YEHEZKIEL 38:10

Indagu Tuhan ra Raja' ri Gog, “Paat raginio, baalon muno inatangan malaat.

UNTABAN 16:11

Paat okou am mamaya' muno nambutok ri Arun, sotopot no minanggal kau ra Tuhan.”

LUKAS 10:16

Indagu i Jisus ra maamaya' Nano, “Osoi ayuk mangkirongog ra raguon mino, mangkirongog niayuk Raki'. Kaa' osoi ayuk manggal ramuyun, manggal niayuk Raki'. Osoi ayuk manggal Raki', manggal niayuk Riso ondo' nanusub Raki'.”

RINALATAN 5:3

Indagu i Pitrus riso, “Ananias, kua polosoo' mu Tingganai ru riwato mangkinibit rirun magabau ra Ambiluo ri Aki Kapuuno', ra inalap mu santayaran ra ruit ru tana' tinalan muli?

RINALATAN 5:9

Indagu i Pitrus riso, “Kua pampakat kau mansawo nangkinam ra Ambiluo ru Tuhan? Ilai'! Ulun ondo' nompolobong ra ralaki muli nakasaguli' noyo. Okou po paingkualon nilo.”

1 KORINTUS 8:8

Sotopot no, pai' ru akanon no mompokoonsoi poyo ritakau ri Aki Kapuuno'. Amon ru mangakan takau raginio, kalo matatakan takau ra atan ayuk pana. Mogondo' niayuk ra amon ru kalo mangakan, kalo niayuk maulian takau.

1 TISALONIKA 4:8

Ginio nai ra osoi ayuk kalo mangapu ra pangilaan ti, sala' ka ulun ayuk ondo' kalo apuon nati, kaa' i Aki Kapuuno' galama', ondo' mangani' ra Ambiluo Nano ramuyun.

PILIMON 1:14

Kaa' kalo masaga' aku mambaal ra atan ayuk pana amon ru kolondo' ragu mu mangiou. Sotopot no, moonsoi ru okou ayuk galama' mangapu riso saguli' maya' ra kasagaan muno am sala' ka jajalin tokou.

JAKUBUS 1:15

Bagu, paat ra kasagaan malaat ru guang imayaan ru sasangulun, makatula io; am amon ru kalo lumonggo' io mambaal ra tula, ginio boo magibit riso ra kapatayan.

1 SAMUIL 8:7

Indagu Tuhan riso, “Suguto' noyo ngaangai' ru kitaakon nilono. Sala' ka okou ondo' impayin nilono; sotopot no, Aku ti noyo raja' nilo ondo' impayin nilono.