RINALATAN 5:21 - Tanou Moonsoi Timugon

²¹ Rasul-rasul no giminagaya' ra bilin ru malaikat i. Riminondom ilo minongoi ra Baloi Tuhan no am timinalimpuun ilo mangila'. Tingganai Maayo Imam Jaudi am maamaya' nano nampiau ra ngaangai' tingganai ru ulun ru Jaudi matong ra miting ru Majlis Ugama. Panusub ilo boo koson ibiton rasul-rasul no intor ra lamin pangaputan paumaan risilo.

RINALATAN 5:21 ပူးပေါင်းရင်းမြစ်များ

MAZMUR 105:22

koson manaak ra panusuban ra tingganai mangngandoi ra raja', am koson maningganai ra nasuangan mampakara' ra raja'.

MATIUS 5:22

Kaa' raino ti balain takamin: Osoi ayuk pana sumangit ra pabukat nano, io ti ibiton ra saang ru akim; am osoi ayuk pana magulas ra pabukat nano, io ti ibiton ra Majlis Ugama; am osoi ayuk pana mampiau ra pabukat nano ra ‘malaat’, io ti pasubolon ra naraka.

LUKAS 22:66

Io suabon, tingganai ru ulun ru Jaudi, tingganai imam Jaudi am mangingila' ra ukum ri Musa no timinimung ra Majlis Ugama, am paumaa' boo i Jisus risilo.

JUANIS 18:35

Taam i Pilatus, “Aku sala' ka ulun ru Jaudi. Ulun ru bansa' Muno galama' am tingganai imam no ondo' nampauma' Rirun raki'. Atan guat binaal Muno?”

JUANIS 8:2

Nokorondom ra suabon i, subol Io ra Baloi Tuhan am ulun masuang minatong Riso. Ginio ra panturung Io am tumalimpuun mangila' risilo.

RINALATAN 22:15

Ginio ra okou noyo masauk ra sasi' ra ngaangai' ulun ra atan ondo' nakito am niayuk norongog muli.

RINALATAN 22:5

Tingganai Maayo Imam Jaudi am niayuk ngaangai' tingganai ru Majlis Ugama, makapangani' ra sasi' ra kalo magabau aku. Ilo no ondo' nangani' raki' ra surat kuasa' patuluon ra ulun ru Jaudi ra Damsyik, ioginio mangiou raki' mamparakop ra ulun ru Jaudi ondo' nangintopot ri Jisus koson ibiton ra Jirusalim ra ukumin.”

RINALATAN 5:17

Tingganai Maayo Imam Jaudi am ngaangai' maamaya' nano, ondo' niayuk ulun ru Saduki, tumalimpuun gumuor sabap ra mangusolon ilo kaga' ra rasul-rasul.

RINALATAN 5:27

Ibito' nilo rasul-rasul no paumaan ra Majlis Ugama. Indagu Tingganai Maayo Imam Jaudi no, kono,

RINALATAN 5:34

Kaa' ralalom Majlis Ugama no mokoondo' sangulun ru Parisi makainggalan ri Gamalil. Io sangulun mangingila' ra Ukum ri Musa ondo' urumaton toojo ru ngaangai' ulun. Bigor io am panusub ra rasul-rasul no paingkualon sangkinolor.

RINALATAN 5:41

Naansukan rasul-rasul no ra ilo miningkual ra Majlis Ugama, sabap ra ilo ti kinara' noyo ri Aki Kapuuno' maaya' imboloon sabap ra inggalan ri Jisus.