RINALATAN 5:19 - Tanou Moonsoi Timugon

¹⁹ Kaa' rondom ragili, sangulun malaikat ru Tuhan nangukab ra kulobon-kulobon ru lamin pangaputan no, am ibito' no rasul-rasul no miningkual. Indagu malaikat no risilo, kono,

RINALATAN 5:19 ပူးပေါင်းရင်းမြစ်များ

MAZMUR 146:7

sungkaan No kaapuan ru ulun inimbolo', am paakanon No ulun naitilan. Tuhan napalabus ra ulun rinakop,

MAZMUR 34:7

Ulun makakapaganan ti mampiau am Tuhan tumaam, mapalabus Io risilo intor ra nansalinut kapaganan.

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

DANIL 3:28

Indagu boo raja', “Koompor noyo i Aki Kapuuno' ondo' sambaan ri Sadrak, Misak am i Abidnigo! Nanusub Io ra malaikat koson mamayag ra ulun ondo' mangandoi ayuk am mangintopot Riso. Minanggal ilo ra susuban kuno am baani matoi intor ra migulatur samba ra dewa ra bokon ondo' ak am i Aki Kapuuno' nilo.

MATIUS 1:20

Paat ri Jusup nampaguang koson raginio naginupi io. Pulusat boo ru sangulun malaikat am indagu io ri Jusup, “O Jusup, papag ru raja' Daut, pai' no kalaa' manangandu' ri Maria ti, sabap anak nano intor ra kuasa' ru Ambiluo ri Aki Kapuuno'.

MATIUS 1:24

Sukal i Jusup am bayaa' no susuban ru malaikat ra inupi nali am ongoyo' no uoto' i Maria.

MATIUS 2:13

Pakaugar magugulig ra butitin no am paginupi i Jusup. Pulusat ru sangulun malaikat ru Tuhan am indagu riso, “Sukal no, ibito' magina' no magiru' mongoi ra pagun ru Misir. Ayan kano ra giu' no saboi aku mambala' ramuyun saguli'. Uyumon ru raja' Irodis lalaing no koson potoyon no!”

MATIUS 2:19

Kopongo raja' Irodis minatoi giu' ra pagun ru Israil, i Jusup ilo sambaloi lakat ayuk poyo soroi ra pagun ru Misir.

MATIUS 28:2

Pulali' uyog tana' ti ra makalalaa' am sangulun malaikat timinuun intor ra suruga', nampaluir ra batu pinaangob ra lobong am panturung ra rasawat no.

LUKAS 1:11

Paat ragili, pulusat malaikat ru Tuhan ri Jakaria. Minigor malaikat no tampilon ra pamiris ru panalaban, intok nanalaban ra kaminyan.

LUKAS 2:9

Pulusat ru malaikat ru Tuhan i risilo am kasinda ilo ru kinatulai ru Tuhan. Nalaa' ilo kaga'.

RINALATAN 10:3

Paat ra sangarawan, olo'-olo' jam katalu ra mai', ralalom rondo' pagilangan nakakito io tojojo sangulun malaikat ru Tuhan minatong riso am minindagu, “Konilius!”

RINALATAN 12:23

Paat ragili niayuk malaikat ru Tuhan nampalamba' ri Irodis, sabap ra kalo nangurumat io ri Aki Kapuuno'. Ginio ra inan nati inuloron am patoi io boo.

RINALATAN 16:26

Paat ragili niayuk kalunggun boo tana', saboi ngaangai' pangaputan ti nakaaya' kalunggun. Naukab ngaangai' kulobon i am rantai pinabangkil risilo i naugal.

RINALATAN 27:23

Sabap ra mokoondo' malaikat minatong raki' ra rondom i. Sinusub io ri Aki Kapuuno' ondo' sambaan kuno am ondo' masalok sumimpung raki'.

RINALATAN 8:26

Mokoondo' rondo' malaikat ru Tuhan minindagu ri Pilipus, “Tampos no am ongoi ra tampilon ra rabugus, giu' ra ralan Jirusalim ondo' mongoi ra Gaja.” (Ralan i kalo boo bayain.)