RINALATAN 5:16 - Tanou Moonsoi Timugon

¹⁶ Ratong boo masuang ulun intor ra pekan mamaar ra Jirusalim. Inibit nilo ulun mangarualan am ondo' sinubol ru riwato, am ngaangai' ilo binabas.

RINALATAN 5:16 ပူးပေါင်းရင်းမြစ်များ

MATIUS 2:16

Paat ri raja' Irodis nakatutun ra rinuung io ru magugulig ra butitin no siminangit io toojo. Sumugut ra bala' ru magugulig ra butitin no koson buoi ru butitin nakito nilo i siminila', nanusub i raja' Irodis ra potoyon ngaangai' lalaing ungkuyon giu' ra pekan Bitligim ondo' bagu inanak suku' ruo ngambilor.

MATIUS 4:24

Tanou ri Jisus nakatabual noyo giu' ra titikop pagun ru Siria, saboi masuang ulun nagibit ra ulun marualan am poyo ulun mokoondo' ra nansalinut kapaganan tumuum Riso: ulun sinubol ru riwato, am ondo' mamumukat, am poyo ulun kalo makalulu'. Ilo ngaangai' ti binabas ri Jisus.

MATIUS 8:16

Paat ra iomamai', ulun masuang nagibit ra ulun ondo' sinubol ru riwato paumaan ri Jisus. Pagiruo' ri Jisus riwato-riwato am babaso' No ngaangai' ulun marualan.

LUKAS 5:17

Sangarawan ragili paat i Jisus nangila', mokoondo' kukula' ngaulun ru Parisi am mangingila' ra Ukum ri Musa nantuturung mangkirongog Riso. Minatong ilo intor ra bandar Jirusalim am poyo intor ra moonong intok giu' ra libung Galilia am Judia. Kuasa' ru Tuhan siminoroi ri Jisus koson mamabas ra ulun marualan.

LUKAS 6:18

Minatong ilo mangkirongog ri Jisus am niayuk makibabas intor ra maruol nilai. Ulun ondo' sinubol ru riwato pana minatong am nababas ilo.

LUKAS 9:11

Pakatutun ulun masuang no ra giu' Io, sunu' ilo ri Jisus. Apuo' No ilo am pantunung Io ati kulaan i Aki Kapuuno' mamarinta am namabas Io niayuk ra ulun marualan.

JUANIS 14:12

Ondo' raguon Kutu motopot: Osoi ayuk mangintopot Raki', mambaal ra kandoi mogondo' ra binaal Kuli. Mulu' poyo baalon no ka Aku, sabap ra sumaguli' Aku ri Ama'.

RINALATAN 4:30

Paintalango' noyo kuasa' Muno koson ra ulun marualan mababas. Gama' ru kaimuagan am tatandu' ra bokon masauk ralalom ru kuasa' ri Jisus, Ulipon Muno ra matulai.”

RINALATAN 5:15

Sabap ra kaimuagan ondo' binaal ru rasul-rasul no, ulun mangarualan palanganon ra tilam kapoam apin, am ibiton ilo boo ra ralan koson malansan makatiu' ra babara' ri Pitrus, paat ra io mansail ra giu' i.

RINALATAN 5:17

Tingganai Maayo Imam Jaudi am ngaangai' maamaya' nano, ondo' niayuk ulun ru Saduki, tumalimpuun gumuor sabap ra mangusolon ilo kaga' ra rasul-rasul.

1 KORINTUS 12:9

Ambiluo raginio niayuk ondo' mangani' ra sangulun ra pangintapatan, am taak Nano ra ulun bokon poyo ioginio kuasa' mamabas ra ulun marualan.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.