RINALATAN 5:12 - Tanou Moonsoi Timugon

¹² Masuang kaimuagan am tatandu' sinauk ru rasul-rasul ra gino ngai' ru ulun masuang. Ngaangai' maamaya' ri Jisus masalok tumimung ra Langgar Salomo.

RINALATAN 5:12 ပူးပေါင်းရင်းမြစ်များ

JIRIMIA 26:9

Kua baani kou mindagu ralalom inggalan ru Tuhan ra Baloi Nati masauk koson ra Silo, am ra bandar ti pusoon am masauk ra intok ondo' kalo boo ayanin?” Linimpuan aku boo ru ulun masuang.

MARKUS 16:20

Ilo pana ugar mampabala' ra Tanou Moonsoi ra ati-ati ayuk, am Tuhan maya' pangandoi am mampainono' ra tanou no motopot ralalom ru tatandu' ondo' binaal nilo.] [

JUANIS 10:23

Minugar-ugar i Jisus ra langgar ru Baloi Tuhan ondo' inggalanin ra Langgar Salomo.

JUANIS 4:48

Kaa' indagu i Jisus riso, “Kalo mangintopot kau amon ru kalo makakito kau ra tatandu' am kaimuagan.”

RINALATAN 1:14

Ngaangai' ilo ti rondo' guang am masalok ilo tumimung makiasi' mababaya' ra ruandu'-ruandu', i Maria ina' ri Jisus am pabukat-pabukat ri Jisus.

RINALATAN 14:3

Rasul-rasul nabuoi niayuk minayan ra giu' i am makakau' ilo boo mampasaboi ra tanou intor ra Tuhan. Nampainono' Tuhan ra pambalaan nilo intor ra togom Nano motopot ra mangani' risilo ra kuasa' mambaal ra kaimuagan am tatandu'.

RINALATAN 16:18

Ginio binaal no ra kukula' ngoorou buoi, saboi kalo boo tumaan i Paulus. Ginio ra, pangkaili io am indagu ra riwato no, “Ralalom inggalan ri Jisus Kristus, susubon tokou: Ingkual kou intor ra ruandu' no!” Paat ragili niayuk riwato no miningkual.

RINALATAN 19:11

Ralalom baalon ri Paulus i Aki Kapuuno' nambaal ra kukula' kaimuagan ondo' mapakabunduk toojo ra guang ru ulun masuang.

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

RINALATAN 28:9

Ginio boo ngaangai' ulun ondo' marualan giu' ra pulu' i minongoi uma' ri Paulus am ilo ti pana binabas niayuk.

RINALATAN 3:11

Ulun no siminunu' ri Pitrus am i Juanis. Pakasuku' ilo ra liliut ondo' sabiton ra ‘Langgar Salomo’, ngaangai' ulun nasisimbul am limpu risilo sabap ra nakasioro' ilo.

RINALATAN 4:30

Paintalango' noyo kuasa' Muno koson ra ulun marualan mababas. Gama' ru kaimuagan am tatandu' ra bokon masauk ralalom ru kuasa' ri Jisus, Ulipon Muno ra matulai.”

RINALATAN 9:33

Giu' i nakatuum io ra sangulun ungkuyon makainggalan ri Inias, ondo' kalo makalulu' am lumuya' ayuk ra kaalangan nali buoi balu' ngambilor noyo.

RINALATAN 9:40

Susubo' ilo ri Pitrus mingkual, igulatur io boo am pakiasi'. Kopongo ragili inggaari' no baangkai ri Dorkas ti am indagu, “Tabita, sukal no!” Singkarato' no mato nali, am paat ra io nakakito ri Pitrus, panturung io boo.

ROMA 15:19

ralalom ru tatandu' am kaimuagan am ralalom niayuk ru kuasa' ru Ambiluo ri Aki Kapuuno'. Pinabala' ku noyo Tanou Moonsoi intor ri Kristus ra ati-ati ayuk, inintaran ku ra bandar Jirusalim suku' ra libung ru Ilirikum.

2 KORINTUS 12:12

Mansail raki' masuang noyo tatandu' am baal kaimuagan pinakito ri Aki Kapuuno' ramuyun, liliwa' aku, mabaya' ra guang mataan, nangandoi koson mampainono' ra aku ti sangulun rasul.

IBRANI 2:4

Am i Aki Kapuuno' nampaikang poyo ra kaintutunan ru ulun-ulun pinaaya' ra nansalinut tatandu', kaimuagan am baal makakuasa' am mansail poyo pantayaran ra taak ru Ambiluo ri Aki Kapuuno' maya' ra kasagaan Nano galama'.