RINALATAN 4:34 - Tanou Moonsoi Timugon

³⁴ Ngaangai' ilo maukop ra atan-atan. Sabap ra osoi ayuk makatana' kapoam baloi, talanon nilo rapu' raginio am ampos ru ginio pataakin nilo ra rasul-rasul.

RINALATAN 4:34 ပူးပေါင်းရင်းမြစ်များ

MATIUS 19:21

Indagu i Jisus riso, “Amon ru masaga' kou matanda', ongoyo' talano' ngaangai' kuliamos muno am ruit no pataaki' ra ulun musikin, am okou pana makarapu' giu' ra suruga'. Mopongo raginio ibok, baya' no Raki'.”

MARKUS 10:21

Kaa' pagilong i Jisus ra ulun no am maansayan riso, am indagu, “Rondo' ayuk boo kalo nabaal muno. Ugar no am talano' kuliamos muno, am tatayaro' ruit no ra ulun musikin, am okou pana makakuliamos boo giu' ra suruga'; am saguli' boo ragiti am baya' Raki'.”

LUKAS 12:33

Talano' ngaangai' rapu' mino, am ruit no tatayaro' ra ulun-ulun musikin. Baalo' min rumpit pambulian ra ruit ondo' kalo maapu', ioginio rapu' giu' ra suruga' ondo' mantilayun, kalo matakou am kalo niayuk mokokot ru lipos.

LUKAS 16:9

“Balain takamin: Paguyum kau ra rangan mampakai ra ruit, koson paat ra kalangkayaan mapuso, apuon kau ra ayanan mantilayun.

LUKAS 22:35

Pangkuot boo i Jisus risilo, “Ra Aku nanusub ramuyun ragili am kalo pinagibit ra rumpit, kantungan kapoam kasut, makakapaganan kau kia?” Taam ilo, “Kolondo' rondo' pana!”

RINALATAN 2:45

Mokoondo' intor risilo mantalan ra rapu' nilai, am ruit i tinayar-tayar ra popolos nilo maya' ra pakuan ru sasangulun.

RINALATAN 4:37

Nantalan io ra tana' nano am pataako' no boo ruit i ra rasul-rasul.

SAGULION 2:7

Karaa' noyo! Nambarakat noyo Tuhan i Aki Kapuuno' min ramuyun ralalom ru ngaangai' pirot min. Nagalung Io ramuyun buoi akau timinanggau ra tana' kaagisan ondo' malangka' ti. Nanindung Io ramuyun buoi apat ngoopor ngambilor am nanaak ra ngaangai' ondo' pakuan min.

1 TISALONIKA 4:12

Amon ru kaayagan min koson noyo raginio, kalo pana boo lumansan kau ayuk ra bokon, am ilo ondo' kalo mangintopot ri Kristus pana mangurumat boo ramuyun.

1 TIMOTIUS 6:19

Maa' raginio makapanimung ilo boo ra kalangkayaan ondo' sumauk ra puun ru kaayagan nilo ra orou tauli no. Am koson raginio mokoowot ilo ra kaayagan ondo' motopot am mantilayun.

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.