RINALATAN 4:27 - Tanou Moonsoi Timugon

²⁷ Motopot ra raja' Irodis am i Pontius Pilatus naguma' ra ulun sala' ka Jaudi am poyo ulun ru Israil giti ra bandar ti, koson manggal ri Jisus Ulipon Muno ra matulai, ondo' sinauk Mu ra Mamamayag.

RINALATAN 4:27 ပူးပေါင်းရင်းမြစ်များ

AYUP 14:4

Kolondo' rondo' pana ondo' mapasau rumatong intor ra ulun ondo' kalo mapasau.

AYUP 15:14

Topot-topot kia ulun kolondo' pilat? Maalap kia ulun iowon giu' ra saang ri Aki Kapuuno'?

AYUP 25:4

Maaru' lair ra mapasau ulun ra pagilangan ri Aki Kapuuno'? Maaru' lair ra malunau ulun ra pagilangan Nano?

MAZMUR 2:2

Raja'-raja' ru tana' ti nagagampan giminuor, am ngaangai' namarinta maguguum guang tumula' ra Tuhan am raja' pinili' Nano.

MAZMUR 2:6

Minindagu Io, “Giu' ra Sion, bulur Kuno ondo' matulai, pinasauk Ku noyo raja' Kuno.”

MAZMUR 45:7

Kuasa' pinataak rirun ri Aki Kapuuno' mantilayun ra sabuoi-buoi no. Namarintaan muno ra mamagun muno matimpok toojo.

JISAYA 37:26

Kalo kia igondo' kau pokorongog ra Aku noyo nangatang ra ngaangai' no intor poyo ra galing i? Ragino binaal Ku noyo. Nanaak Aku rirun ra kuasa' koson mamuso ra bandar-bandar makatimbok saboi nongopopol.

JISAYA 49:7

I Aki Kapuuno' matulai Mamamayag ru Israil mindagu ra ulun ondo' asasabin toojo, am ondo' kasisangin ru bansa'-bansa' am niayuk masauk ra ulipon ru nasuangan mangunguasa', “Raja'-raja' makakito ra binaal Kuno, am sumukal ilo am mangurumat Raki'. Nasuangan ru mangunguasa' magilong niayuk riso, am migulatur sumamba.” Ginio masauk sabap ra Tuhan nampili' noyo ra ulipon Nano; i Aki Kapuuno' matulai ru Israil manugut ra bantu' Nano.

JISAYA 53:3

Asabin am minggalur takau riso, ulun ondo' nototop ra imbolo' am maubas magiba' ra karualan. Kolondo' sangulun pana masaga' magilong riso, am kalo lioon takau io.

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

MATIUS 14:1

Paat ragili niayuk raja' Irodis, gabenor ru libung Galilia, nokorongog ra tanou ri Jisus.

MATIUS 14:3

Kukula' buoi ra nakasail i, maya' ra susuban ru raja' Irodis, i Juanis Mampariu' ti rinakop. Bangkilo' io am pasubolo' ra pangaputan. Binaal ru raja' Irodis koson raginio maya' ra kasagaan ri Irodias, andu' ri Pilipus, pongkotob ru raja' Irodis.

MATIUS 14:6

Paat ra pangiantakan orou naganakan ri Irodis, anak ruandu' ri Irodias nansayau ra saang ru tambului-tambului no. Tinuyang-tuyang ri raja' Irodis lumaai riso,

MATIUS 21:28

“Raino ti ati kulaan pamaguangan min ra baal ragitio?” ragu ri Jisus poyo. “Mokoondo' sangulun ama' ondo' mokoondo' ruo anak ungkuyon. Ama' ti panusub ra katuaan ti, ‘Ongoi no pangandoi ra umo ru anggur ra orou raiti'.’

MATIUS 23:37

“Mamagun ru Jirusalim! Namatoi kau ra nabi-nabi am binobol min ulun-ulun ondo' sinusub ri Aki Kapuuno'! Ingkula' noyo Aku masaga' mangampin ramuyun, koson ra manuk puunan mampagupu' ra gogol ra kawo nano, kaa' akau marara'.

MATIUS 27:2

Bangkilo' nilo Io am ibito' paumaan ri Pilatus, gabenor karajaan Roma.

MARKUS 10:33

Indagu Io, “Rongogo' min. Raino mongoi takau ra Jirusalim. Giu' i Anak ru Ulun pataakon ra tingganai imam Jaudi am mangingila' ra Ukum ri Musa. Ukumin nilo Io ra potoyon am pataakin nilo ra ulun sala' ka Jaudi.

MARKUS 15:31

Koson niayuk ra tingganai imam Jaudi am mangingila' ra Ukum ri Musa no, magasab ilo ri Jisus. Mindagu ilo ra rondo' am bokon, “Ulun ra bokon bayagon No, kaa' Io galama' kalo!

LUKAS 1:35

Taam malaikat no, “Matong Ambiluo ri Aki Kapuuno' rirun am kuasa' ri Aki Kapuuno' sumoroi rirun. Ginio sabap ra anak ondo' anakon muno sabiton Anak ri Aki Kapuuno' ondo' matulai.

LUKAS 22:63

Ulun ondo' namparakop ri Jisus i nangiis am nampalamba' Riso.

LUKAS 23:1

Ngaangai' ulun ru Majlis Ugama i miningkakat am ibito' nilo i Jisus muma' ri gabenor Pilatus.

LUKAS 4:18

“Ambiluo ru Tuhan soroi Raki', nanusub Io noyo Raki' mampabala' ra Tanou Moonsoi ra ulun musikin. Pinili' No Aku koson mambala' ra pampalabusan ra ulun rinakop am mamabas ra ulun noolou. Am niayuk mampalabus ra ulun kikinjangin.

LUKAS 9:22

Tungguli' ri Jisus, “Anak ru Ulun musiti' maimbolo' toojo am anggalon ru tingganai ru ulun ru Jaudi, tingganai imam Jaudi am mangingila' ra Ukum ri Musa. Potoyon io, kaa' malupus kataluan bayagon Io saguli'.”

JUANIS 1:11

Minatong Io ra intok Nano galama', kaa' bansa' Nano galama' kalo nangapu Riso.

JUANIS 10:36

Aku pinili' am sinusub ri Ama' matong ra tana' ti. Kua indagu kau ra magasab Aku ri Aki Kapuuno' ra ragu Kuli, ‘Aku ti Anak ri Aki Kapuuno'’?

JUANIS 18:28

Nokorondom ra iosusuab, ibito' nilo i Jisus intor ra baloi ri Kayapas mongoi ra istana ru gabenor. Kaa' tingganai ru Jaudi galama' kalo minumpos ra istana i, koson kalo majamol ilo sumugut ra kaulayan ru ugama nilai, sabap ra masaga' ilo gumulung ra akanon ru Pangiantakan ra Paska.

JUANIS 18:29

Ginio sabap boo ra ingkual i Pilatus tumuum risilo am pangkuot io, “Atan kia panguwan min ra ulun ti?”

JUANIS 19:34

Kaa' turaa' ru sangulun saujor tiagang Nano; am paat ragili niayuk antis boo raraa' am timug. (

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 2:27

sabap ra Okou kalo mangiruan raki' ralalom intok ru ulun namagatoi. Kalo mompoloso Kou ra inan ru ulipon Muno ondo' gumagaya' Rirun no mapasa'.

RINALATAN 4:30

Paintalango' noyo kuasa' Muno koson ra ulun marualan mababas. Gama' ru kaimuagan am tatandu' ra bokon masauk ralalom ru kuasa' ri Jisus, Ulipon Muno ra matulai.”

IBRANI 7:26

I Jisus ti noyo Tingganai Maayo Imam ondo' makapangindangan ritakau. Sala' ka Io koson ra ulun makatula, matulai Io, kolondo' sala kapoam tula, am kinayang Io giu' ra suruga'.