RINALATAN 4:26 - Tanou Moonsoi Timugon

²⁶ Raja' ru tana' rati nakatampos noyo mongoi ra pangayawan, am mangunguasa' no nakatimung noyo gumula' ra Tuhan am Mamamayag ondo' sinusub ri Aki Kapuuno'.’

RINALATAN 4:26 ပူးပေါင်းရင်းမြစ်များ

MAZMUR 2:1

Kua boo ra bansa'-bansa' kumuliangak-angak ayuk am mamagun mangatang ra ondo' kolondo' onong?

MAZMUR 2:2

Raja'-raja' ru tana' ti nagagampan giminuor, am ngaangai' namarinta maguguum guang tumula' ra Tuhan am raja' pinili' Nano.

JISAYA 7:7

Kaa' Aku, Tuhan, minindagu baal raginio kalo igogondo' kasauk,

DANIL 9:24

“Intulu' tulu' ngoopor ngambilor iono buoi ondo' inaru' ri Aki Kapuuno' koson mampalabus ra bansa' muno am bandar muno ondo' matulai no intor ra tula am kalaatan. Tula ampunon am katimpakan ondo' mantilayun potolorogon, maa' raginio pinaintalang am ragu inala' no totopot masauk, am maa' raginio Baloi ru Tuhan ondo' matulai patimpokon saguli'.

LUKAS 4:18

“Ambiluo ru Tuhan soroi Raki', nanusub Io noyo Raki' mampabala' ra Tanou Moonsoi ra ulun musikin. Pinili' No Aku koson mambala' ra pampalabusan ra ulun rinakop am mamabas ra ulun noolou. Am niayuk mampalabus ra ulun kikinjangin.

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

IBRANI 1:9

Maansayan Kou ra katapatan am masisang Kou ra kalaatan. Ginio sabap ra Aku, i Aki Kapuuno', Tuhan Muno, nampili' am nangurumat Rirun am nangani' Rirun ra kaansukan maayo intor ra rangan-rangan Muno.”

PINAINTALANG 11:15

Samputi' boo ru malaikat katulu' no bujung. Bolos-bolos mosongou morongog giu' ra suruga', konilo, “Kuasa' mamarinta ra tana' ti soroi raino ra Tuhan takau am ra Mamamayag Nano. Mamarinta Io ra sabuoi-buoi no!”

PINAINTALANG 12:10

Korongog ku boo bolos mapuor giu' ra suruga' minindagu, “Raino noyo i Aki Kapuuno' mamayag ra ulun Nano. Raino i Aki Kapuuno' mampakito ra kuasa' Nano koson ra raja'. Raino Mamamayag ondo' sinusub Nano mampakito niayuk ra kuasa' maayo Nano. Sabap ra io ondo' orou-rondom nanguu' ra pabukat-pabukat takau ra saang ri Aki Kapuuno', pinatiran noyo intor ra suruga'.

PINAINTALANG 17:17

Sabap ri Aki Kapuuno' nakapangulau noyo ra guang nilono mampaugar ra kasagaan Nano. Pogogondoon ri Aki Kapuuno' guang nilono koson mampataak ra kuasa' nilono ra bibiag masigo no, ondo' mamarinta saboi masauk atan ondo' pinabala' ri Aki Kapuuno' i.