RINALATAN 4:17 - Tanou Moonsoi Timugon

¹⁷ Kaa' koson baal raginio kalo makatabual poyo ra ulun masuang, moonsoi lolobon takau ilo ruo no koson kalo boo mampatanou ra osoi ayuk pana ralalom inggalan ri Jisus.”

RINALATAN 4:17 ပူးပေါင်းရင်းမြစ်များ

JIRIMIA 38:4

Pagawai-pagawai no pana minuma' ra raja' am indagu, “Musiti' ulun ti ukumin ra matoi. Sabap ra ragu nano, saujor ru bandar ti malawo guang, koon niayuk ra moonong ulun ondo' lakat poyo minayan ra bandar ti. Kalo nangindangan io ra mamagun; kaa' nantipagon io poyo risilo.”

AMOS 2:12

Kaa' nanusub kau ra ulun Nazir nanginum ra wain, saboi liminungkang ilo ra bantu'. Nanginggalar kau niayuk ra nabi-nabi nampasaboi ra tanou Kuno.

MATIUS 27:64

Panusub ra saujor-saujor muno mantamung toojo ra lobong no buoi kataluan, maa' raginio maamaya'-maamaya' Nano kalo mantakou ra baangkai no am mindagu ra ulun, ‘Binayag Io noyo saguli' intor ra kapatayan.’ Sabap ra amon ru makapantakou ilo ra baangkai no, mumpara' boo abau tunungon nilo ra ulun intor ra abau nilo ragili.”

MATIUS 9:30

Ilo pana makakito boo. Pinsono' ilo boo ri Jisus, “Pai' kau pambala' ra baal ragitio ra osoi ayuk pana.”

JUANIS 15:21

Kaa' ngaangai' no baalon nilo ramuyun sabap ra akau maamaya' Kuno, am sabap ra kalo nakaulig ilo Riso ondo' nanusub Raki' i.

RINALATAN 4:21

Lolobo' poyo ru ulun ru Majlis Ugama i Pitrus am i Juanis, am palabuso' nilo boo karuo-ruo no. Kalo nakatuum ilo ra sasaban koson mangukum risilo, sabap ra ngaangai' ulun nongongompor ri Aki Kapuuno' sabap ra ondo' nasauk i.

RINALATAN 5:24

Pakaining tingganai magagalung ra Baloi Tuhan am tingganai imam Jaudi ra ragu raginio, naliangan ilo ra atan kinua' nasauk ra rasul-rasul no.

RINALATAN 5:28

“Linolob takamin noyo ra pai' kau pangila' ra pangilaan ru ulun ragili. Kaa' ilai' boo binaal min! Nampatabual kau ra pangilaan min ra titikop ru Jirusalim ti, am nanguu' kau poyo ra akai no nangkinibit ra pinatayan ru ulun i.”

IPISUS 6:9

Tuan kau ngai', akau pana musiti' mampakito ra paliso matanda' ra ulipon mino. Karaa' min ra akau am ulipon mino mokoondo' sangulun Tuhan giu' ra suruga', am Io kalo mampili' ra ulun.

1 TISALONIKA 1:8

Sabap ra tumalimpuun intor ramuyun, bala' ru Tuhan nakasaboi noyo ra Makidonia am Akaya. Am sala' ka ginio ayuk, kaa' tanou intor ra pangintapatan min ri Aki Kapuuno' nakasuku' noyo ra ati-ati ayuk intok, saboi akai kalo pana boo mindagu intor raginio.

1 PITRUS 2:23

Paat ra Io inasaban, kalo niayuk nambalos Io pagasab. Paat ra Io sinindualan, kalo noyo nompololob Io risilo. Kaa' liminansan Io ayuk ri Aki Kapuuno', Akim ondo' mabanis guang no.