RINALATAN 4:12 - Tanou Moonsoi Timugon

¹² Ralalom inggalan ri Jisus ulun bayagon, sabap ra giti ra tana' ti kolondo' ulun ra bokon makaalap ra kuasa' intor ri Aki Kapuuno' koson mamayag ritakau.”

RINALATAN 4:12 ပူးပေါင်းရင်းမြစ်များ

KASAUKAN 7:19

Timug no timinuu' poyo saboi gunung ra mangasawat kaga' pana nangalinjob.

AYUP 41:11

Osoi kia makabulunsar riso ra kalo mapilatan? Kolondo' osoi pana ra tana' ti makakau' mambaal raginio.

MAZMUR 45:17

Okou raja' kuno, makaanak kou ra masuang buayoi, koson mamparayus ra pamarintaan ru kinamatuaan mu, am saukon mu ilo mamarinta ra titikop ru tana' ti.

MATIUS 1:21

Ginio ra maganak i Maria ti sangulun anak ungkuyon am inggalanin mu Io no i Jisus, sabap Io ti mamayag ra ulun Nano intor ra tula nilono.”

LUKAS 24:47

Am poyo, Tanou Moonsoi ti musiti' potonowon ra ngaangai' bansa' ru tana' ti, tumalimpuun intor ra Jirusalim. Maa' raginio ralalom inggalan Kuno tumalikur ilo intor ra tula nilono bagu ampunon ilo ri Aki Kapuuno'.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 3:36

Maa' raginio osoi ayuk mangintopot ra Anak no mokoowot ra kaayagan motopot am mantilayun. Kaa' osoi ayuk kalo gumagaya' Riso no, kalo mokoowot ra kaayagan no, kaa' mantilayun i Aki Kapuuno' masisang riso.

RINALATAN 13:26

Pabukat kau ngaangai', papag ri Abragam am niayuk ngaangai' sala' ka Jaudi ondo' sumamba ri Aki Kapuuno'; itakau no napasabayan ra Tanou pamayagan no.

RINALATAN 2:5

Paat ragili masuang ulun ru Jaudi intor ra nansusuai pagun ru tana' ti minongoi ra Jirusalim. Ilo ti am ulun ondo' sumamba ri Aki Kapuuno'.

1 KORINTUS 3:11

Sabap ri Aki Kapuuno' galama' nangatang ri Jisus Kristus ti rorondo' ayuk puun ru panambalayan no.

KOLOSI 1:23

Maalap min ginio amon ru gumagaya' kau toojo, koson mampaikang toojo ra pangintapatan min. Pai' min noyo impayi' kalansanan ondo' tinaakan ramuyun paat ra akau nakaining ra Tanou Moonsoi i. Tanou ragitio nakatabual noyo ra ati ayuk ra tana' ti am aku i Paulus masauk ra ulipon koson mampaugar ra kandoi ragitio.

IBRANI 12:25

Ilalai' noyo ra kasalok kano mangkirongog Riso ondo' mindagu. Sabap ra ilo ondo' kalo nangkirongog Riso ondo' nampasaboi ra bala' ri Aki Kapuuno' ra tana' ti, kalo noyo nakapagiru' ilo. Mulu' piboo ritakau, ra kalo makapagiru' takau amon ru kalo mangkirongog Riso ondo' minindagu intor ra suruga'.

IBRANI 2:3

Ginio ra ati kulaan makapagiru' takau intor ra pangukuman amon ru impayin takau pamayagan maayo no. Sabap ra Tuhan no galama' ondo' kasaa' nampabala' ra pamayagan no, am ulun-ulun ondo' nokorongog kasaa' napaintopot ritakau raginio.

PINAINTALANG 20:15

Osoi ayuk ondo' inggalan nano kalo tinulisan ra ralalom ru kitab ru Ulun Mokoowot ra Kaayagan Motopot, patirin io ra tasik ru apui.