RINALATAN 3:7 - Tanou Moonsoi Timugon

⁷ Guuto' boo ri Pitrus kalindu' pamiris ru ulun kalo makalulu' no am indangano' no io migor. Namulali' maikang boo kalayam am buntingol ru ulun i.

RINALATAN 3:7 ပူးပေါင်းရင်းမြစ်များ

MARKUS 1:31

Ongoi Io ra intok ru ruandu' no, guuto' No kalindu' nano am sukalo' No. Kairu' boo salom nali am kalo nabuoi minongoi io pansulung risilo.

MARKUS 5:41

Guuto' No boo longon ru anak no, indagu Io, “Talita Kum!” Ondo' arati' nano, “Anak, mindagu Aku rirun, sukal no!”

MARKUS 9:27

Kaa' guuto' ri Jisus longon ru lalaing no am indangano' no migor. Lalaing i pana bigor boo.

LUKAS 13:13

Pabantaa' ri Jisus kalindu' Nali ra ruandu' no, am paat ragili niayuk nabanis inan nali am nongongompor io ri Aki Kapuuno'.

RINALATAN 3:6

Kaa' indagu i Pitrus riso, “Kolondo' ruit kutu. Kaa' atan ondo' mokoondo' raki' ti, ginio pataakin kuno rirun: ra kuasa' ru Tuhan Jisus Kristus, ulun Nasarit, igugar no!”

RINALATAN 3:8

Ginio ra ingkakat io boo, bigor am mugar-ugar io boo. Subol io ra Baloi Tuhan nabaya' ri Pitrus am i Juanis, liliwa' io minugar pagitindak am pongongompor io ri Aki Kapuuno'.

RINALATAN 4:16

Pasakuot ilo, “Atan kia musiti' takau baalon ra ruo ngaulun ni? Ngaangai' mamagun ra Jirusalim nakapandai noyo ra ilo nambaal ra kaimuagan i. Baal raginio kalo maali' takau.

RINALATAN 4:9

Bisaraan min akai orou raiti' sabap ra nangindangan akai ra ulun kalo makalulu' no, am poyo ra moogot kau makapandai ati kulaan ulun no binabas.

RINALATAN 9:41

Guuto' ri Pitrus longon nali am indangano' no bigor. Piawo' no boo ulun ondo' nangintopot am niayuk napuor-napuor, koson nampakito risilo ra naayag io poyo saguli'.