RINALATAN 3:6 - Tanou Moonsoi Timugon

⁶ Kaa' indagu i Pitrus riso, “Kolondo' ruit kutu. Kaa' atan ondo' mokoondo' raki' ti, ginio pataakin kuno rirun: ra kuasa' ru Tuhan Jisus Kristus, ulun Nasarit, igugar no!”

RINALATAN 3:6 ပူးပေါင်းရင်းမြစ်များ

MATIUS 10:9

Pai' pagibit ra ruit mas, pirok, kapoam tambaga' ralalom ru pakit mino.

MATIUS 7:22

Paat ra Orou Pupus no masuang ulun mampiau Raki', ‘Tuhan, sala' ka kia ralalom inggalan Muno nampatanou akai no ra Tanou Moonsoi; am ralalom inggalan Muno nampagiru' akai ra riwato-riwato, am niayuk nambaal ra masuang kaimuagan?’

MARKUS 14:8

Ruandu' ti nambaal ra atan malulu' no kabaal. Nampabuur io ra umau no ra inan Kutu koson namintor ra pampalabangan Raki'.

MARKUS 16:17

Tatandu' ragitio sumumbaya' ra ulun ondo' mangintopot: Mampagiru' ilo ra riwato ralalom inggalan Kuno, mansusunur ilo ra ragu kalo maratian nilo.

JUANIS 19:19

Nanusub i Pilatus mamaku' ra rondo' papan rasawat ru salip Nano, ondo' tinulisan ra; “I Jisus, ulun ru Nasarit, raja' ru ulun ru Jaudi”.

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 16:18

Ginio binaal no ra kukula' ngoorou buoi, saboi kalo boo tumaan i Paulus. Ginio ra, pangkaili io am indagu ra riwato no, “Ralalom inggalan ri Jisus Kristus, susubon tokou: Ingkual kou intor ra ruandu' no!” Paat ragili niayuk riwato no miningkual.

RINALATAN 2:22

“Pabukat kau ngaangai' ulun ru Israil, rongogo' min ragu kuti: I Jisus ulun ru Nasarit i sinusub ri Aki Kapuuno'. Ginio pinakito ramuyun ralalom kaimuagan am tatandu' ondo' binaal ri Aki Kapuuno' ralalom ru Inggalan Nano. Akau ngaangai' makatutun noyo raginio, sabap ra ginio nasauk noyo ra tatanga' min.

RINALATAN 2:36

“Ginio ra ngaangai' ulun ru Israil musiti' makapandai ra i Jisus ondo' sinalip mini, Io noyo ondo' sinauk ri Aki Kapuuno' ra Tuhan am Mamamayag!”

RINALATAN 3:16

Ra kuasa' ri Jisus ulun kalo makalulu' ti pinaligag. Atan ondo' makito am matainuan min nasauk sabap ra nangintopot io ri Jisus am kuasa' Nano. Sabap ra ulun ti nangintopot ri Jisus, nababas io, koson ra nakito min galama'.

RINALATAN 3:5

Ponontong io risilo ra malansan mokoondo' taakin nilo riso.

RINALATAN 3:7

Guuto' boo ri Pitrus kalindu' pamiris ru ulun kalo makalulu' no am indangano' no io migor. Namulali' maikang boo kalayam am buntingol ru ulun i.

RINALATAN 4:10

Akau tingganai am niayuk ngaangai' ulun ru Israil ra bokon musiti' makapandai ra ulun ti ondo' migor ra saang min nababas sabap ra kuasa' ri Jisus Kristus, ulun ru Nasarit. Sinalip min Io, kaa' binayag Io saguli' ri Aki Kapuuno' intor ra kapatayan.

RINALATAN 4:7

I Pitrus am i Juanis pinauma' risilo am kuati', “Ati kulaan akau nakapamabas ra ulun kalo makalulu' no? Atan kia ra kuasa' kapoam osoi kia ra kuasa' naalap min mambaal raginio?”

RINALATAN 9:34

Indagu i Pitrus riso, “Inias, i Jisus Kristus mamabas rirun. Sukal no am ruluno' kaalangan muno.” Paat ragili niayuk siminukal i Inias.

1 KORINTUS 4:11

Saboi raino naitilan am pinaason akai; am lairon ngaangai' konoon maino; inimbolo' akai; kalo mokorondon akai ra rorondo' intok;

2 KORINTUS 6:10

Kabalu' pana guang mai pangilukon, kaa' maansukan akai niayuk. Ilain ayuk ra akai ti musikin, kaa' masuang ulun palangkayaan mai. Ilain ra rondo' ayuk pana kolondo' ramon, kaa' sotopot no akai tatangan ra ngaangai' no.

2 KORINTUS 8:12

Amon maayo guang min mangani', apuon ri Aki Kapuuno' taak mino maya' ra atan ondo' mataakan min, sala' ka maya' ra ondo' kalo mataakan min.

2 KORINTUS 8:9

Makapandai kano toojo ra kataawan ru Tuhan takau i Jisus Kristus. Kabalu' pana langkaya' Io, kaa' koson ra kaatangan min, siminauk Io ra musikin, maa' raginio mansail ra kinamusikin nano lumangkaya' kau ra pagilangan ri Aki Kapuuno'.

JAKUBUS 2:5

Pabukat kau ngai' ondo' tagamin ku, karaa' min gitio! Ulun musikin giti ra tana' ti, pinili' noyo ri Aki Kapuuno' sumauk ra langkaya' ru pangintapatan. Makaliman ilo ra pamarintaan ri Aki Kapuuno', sumugut ra atan ondo' binantu' Nali ra ulun ondo' motogom Riso.

1 PITRUS 4:10

Akau sigagama' inanian noyo ra nansalinut taak intor ri Aki Kapuuno'. Ginio ra alungi' toojo taak ti, am kondoyo' noyo ginio koson ra kaatangan min ra rondo' am bokon.