RINALATAN 3:24 - Tanou Moonsoi Timugon

²⁴ Ngaangai' nabi ondo' nakapampasaboi noyo ra bala' intor ri Aki Kapuuno', tumalimpuun intor ra nabi Samuil am suku' ra nabi ra bokon ondo' minatong ra tauli i, ngaangai' i nambala' ra baal ondo' masauk ra raino ti.

RINALATAN 3:24 ပူးပေါင်းရင်းမြစ်များ

MAZMUR 99:6

I Musa am i Arun nakasubol ra imam-imam Nano, am i Samuil noyo sangulun intor ra makiasi' Riso; mampiau ilo ra Tuhan am tumaam Io risilo.

JIRIMIA 15:1

Tuhan mindagu boo raki', “Kalo makaasi' aku ra bansa' ragitio, kabalu' pana i Musa am i Samuil migor ragiti koson makimasi' Raki' ra bala nilo. Susubo' bansa' ragitio mugar, marara' Aku magilong risilo!

LUKAS 24:27

Pambala' boo i Jisus risilo ra atan ondo' tinulisan intor Riso ralalom ru ngaangai' ru Buuk Kitab, tumalimpuun intor ra tayar ru kitab ri Musa am niayuk ngaangai' nabi.

RINALATAN 13:20

Ngaangai' raginio nasauk buoi 450 ngambilor ragili. Kopongo ragili, anii' ilo boo ri Aki Kapuuno' ra akim suku' i Nabi Samuil.

RINALATAN 17:3

Intor ra Buuk Kitab i, nampaintutun am nampaintopot io risilo ra Mamamayag ondo' sinusub ri Aki Kapuuno' i, maaru' imboloon am maayag saguli' intor ra kapatayan. “I Jisus i noyo ondo' pabalaan kuti ramuyun, Io no Mamamayag ondo' sinusub i,” kon ri Paulus.

RINALATAN 26:23

Mamamayag ondo' sinusub ri Aki Kapuuno' musiti' imboloon am Io no ulun kasaa' ondo' maayag saguli' intor ra kapatayan; maa' raginio mampabala' Io ra pamayagan ra ulun ru Jaudi am niayuk ulun intor ra ngaangai' bansa'. Pamayagan ti koson ra silau risilo.”

RINALATAN 3:19

Ginio nai ra, talikur kano intor ra tula mino am saguli' kano ri Aki Kapuuno', maa' raginio pusoon No ngaangai' tula mino.

RINALATAN 3:21

Io musiti' mayan ra limbowon saboi talimbaguin ri Aki Kapuuno' ngaangai' no, koson ra rinagu ri Aki Kapuuno' ondo' pinabala' galing ra nabi-nabi matulai Nano paat ra galing i.

ROMA 3:21

Kaa' raino manulu' i Aki Kapuuno' ra ralan ati kulaan itakau mobonsoi saguli' Riso. Ralan raginio sumiang intor ra Ukum ri Musa, kabalu' pana Ukum ri Musa am Kitab Nabi-Nabi nampaintutun noyo ritakau ra baal raginio.

1 SAMUIL 2:18

Liliwa' raginio, i Samuil ondo' lalaing ayuk poyo narayus mangandoi ayuk ra Tuhan. I Samuil nambayang ra bayang timpok intor ra konoon linon, koson ra bayang sambayang ru imam-imam.

1 SAMUIL 3:1

Liliwa' raginio, i Samuil ondo' lalaing ayuk poyo, tatanga' mangandoi ayuk ra Tuhan no inalungan ri Ili. Paat raginio sanganuan ayuk toojo mokoondo' ra ragu am intalangan intor ra Tuhan.

1 SAMUIL 3:20

Ngaangai' boo ru ulun ru Israil intor ra titikop pagun no nangiou ra i Samuil no nabi ru Tuhan.