RINALATAN 3:14 - Tanou Moonsoi Timugon

¹⁴ I Jisus noyo matulai am moonsoi, kaa' kalo inapu min Io, am kinitaak min i Pilatus nampalabus ra sangulun mamamatoi.

RINALATAN 3:14 ပူးပေါင်းရင်းမြစ်များ

MAZMUR 16:10

sabap ra kalo polosoon Mu aku matoi; ulun ondo' tagamin Muno kalo polosoon Mu mapuso.

JAKARIA 9:9

Pakaansuk kano, akau mamagun ru Sion! Pagitapap kano, akau mamagun ru Jirusalim! Ilai', raja' min matong! Matong io ra katulayan am kamanangan, kaa' ra minggana' guang, matong io nangura' ra kaladai, am nangura' ra anak kaladai ondo' mamulok.

MATIUS 27:20

Kaa' tingganai-tingganai imam Jaudi am tingganai-tingganai ru ulun ru Jaudi nanusuk ra ulun masuang maa' raginio i Barabas palabuson am i Jisus ukumin ra potoyon.

MARKUS 1:24

Kono, “Atan kia kitaakon Muno ramon, O Jisus, ulun ru Nasarit? Masaga' Kou kia mamuso ramon? Nakapandai aku osoi Kou: Okou noyo ulun sinusub ondo' binantu' ri Aki Kapuuno'!”

MARKUS 15:11

Kaa' tingganai-tingganai imam Jaudi no nanusuk ra ulun masuang koson manusub ri Pilatus mampalabus ri Barabas risilo.

MARKUS 15:7

Ralalom ru pangaputan, mokoondo' sangulun ungkuyon makainggalan ri Barabas ondo' minaya' pampatoi ra ulun paat ra ulun masuang minanggal ra karajaan.

LUKAS 1:35

Taam malaikat no, “Matong Ambiluo ri Aki Kapuuno' rirun am kuasa' ri Aki Kapuuno' sumoroi rirun. Ginio sabap ra anak ondo' anakon muno sabiton Anak ri Aki Kapuuno' ondo' matulai.

LUKAS 23:25

Palabuso' no boo ulun kinitaak nilai, ulun ondo' inaput ra lamin pangaputan sabap ra minanggal ra parinta am nampatoi. Pinoloso no ulun masuang no mambaal ra atan ayuk kasagaan nilai ri Jisus.

JUANIS 16:10

Mampainono' Io ra Aku motopot, sabap ra mongoi Aku ri Ama' am kalo boo makito min Aku.

JUANIS 18:40

Golok ilo, “Kalo! Sala' ka Io! Palabuso' ramon i Barabas!” (I Barabas ti sangulun teroris.)

RINALATAN 13:28

Kabalu' pana kolondo' natuum nilo ra atan ayuk sasaban koson ra Io ukumin ra potoyon, kaa' kitaako' nilo niayuk ri Pilatus ra io ti potoyon.

RINALATAN 2:27

sabap ra Okou kalo mangiruan raki' ralalom intok ru ulun namagatoi. Kalo mompoloso Kou ra inan ru ulipon Muno ondo' gumagaya' Rirun no mapasa'.

RINALATAN 22:14

Kono raki', ‘I Aki Kapuuno' ondo' sambaan ru kinamatuaan takau nampili' noyo rirun maa' raginio makapandai ra kasagaan Nano, makakito toojo ra Ulipon no ondo' masalok gumagaya' Riso am mokorongog ra bolos ri Jisus galama'.

RINALATAN 4:27

Motopot ra raja' Irodis am i Pontius Pilatus naguma' ra ulun sala' ka Jaudi am poyo ulun ru Israil giti ra bandar ti, koson manggal ri Jisus Ulipon Muno ra matulai, ondo' sinauk Mu ra Mamamayag.

RINALATAN 5:28

“Linolob takamin noyo ra pai' kau pangila' ra pangilaan ru ulun ragili. Kaa' ilai' boo binaal min! Nampatabual kau ra pangilaan min ra titikop ru Jirusalim ti, am nanguu' kau poyo ra akai no nangkinibit ra pinatayan ru ulun i.”

RINALATAN 7:52

Mokoondo' kia sangulun nabi pana ondo' kalo inimbolo' ru kinamatuaan min? Am pinatoi nilo poyo ulun sinusub ri Aki Kapuuno' ondo' ragili nambala' ra ratangan ru Ulipon Nano ra motopot i. Io no ondo' pinataak min ra pantula' Nano am pinatoi min.

2 KORINTUS 5:21

Kolondo' noyo tula ri Kristus, kaa' koson ra kaatangan takau, kinara' Io ri Aki Kapuuno' koson makatula. Maa' raginio, sabap ra pasimpungan takau ri Kristus, itakau ondo' makatula mobonsoi saguli' ri Aki Kapuuno'.

JAKUBUS 5:6

Nangukum am namatoi kau ra ulun ondo' kolondo' sala, am kalo manggal ilo ramuyun.

1 PITRUS 3:18

Sabap ri Kristus galama' igondo' ayuk patoi sabap ra tula ru ulun am ginio sama' ra sabuoi-buoi no. Sangulun motopot minatoi koson ra alig ru ulun makasala, koson mompoongoi Io ramuyun ri Aki Kapuuno'. Pinatoi Io ru ulun, kaa' binayag Io saguli' ri Aki Kapuuno'.

1 JUANIS 2:1

Pabukat kau ngaangai'! Tulisin takamin ragitio, maa' raginio kalo boo mambaal kau ra tula. Kaa' amon ru mokoondo' poyo mambaal ra tula, mokoondo' mangingindangan ritakau, ioginio i Jisus Kristus ondo' motopot. I Jisus Kristus mangindangan ritakau makiasi' ri Aki Kapuuno'.

PINAINTALANG 3:7

“Tulisi' koson ragitio ra malaikat ru pasimpungan ulun Kristian giu' ra bandar Piladilpia: “Gitio noyo bilin intor Riso ondo' matulai am motopot, am kunsi' ru raja' Daut soroi Riso; paat ra ukabin No kulobon no, angabin ru osoi ayuk pana kalo maangaban, am paat ra angabin No, ukabin ru osoi ayuk pana kalo maukaban.