RINALATAN 3:13 - Tanou Moonsoi Timugon

¹³ I Aki Kapuuno' ondo' sambaan ri Abragam, Isak am Jakub, am kinamatuaan takali, nampatulai noyo ra Ulipon Nano, i Jisus. I Jisus noyo ondo' pinataak min ra kuasa' ru parinta min, am kalo inapu min Io paat Io inibit ra saang ri Pilatus, kabalu' pana i Pilatus makaguang mampalabus Riso.

RINALATAN 3:13 ပူးပေါင်းရင်းမြစ်များ

KAINGKUALAN 3:13

Kaa' indagu i Musa, “Amon ru makatuum aku ra ulun ru Israil am mindagu risilo, ‘I Aki Kapuuno' ru kinamatuaan min nanusub raki'’, mangkuot ilo, ‘Osoi kia inggalan nali?’ Atan moonsoi paraguon kuno risilo?”

KAINGKUALAN 3:15

Balai' ulun ru Israil ra AKU, Tuhan i Aki Kapuuno' ru kinamatuaan nilai, i Aki Kapuuno' ri Abragam, ri Isak am ri Jakub, nanusub noyo rirun mongoi risilo. Ginio noyo inggalan Kuno ra sabuoi-buoi no. Ginio noyo panabitan Raki' ru ngaangai' papag ra orou matong.

KAINGKUALAN 3:6

Aku ti i Aki Kapuuno' ondo' sambaan ru kinamatuaan muli, i Aki Kapuuno' ri Abragam, ri Isak am ri Jakub.” Ginio ra silii' ri Musa bulos nano sabap ra malaa' io magilong ri Aki Kapuuno'.

MATIUS 11:27

“Pinataakan ri Ama' ngaangai' Raki'. I Ama' ayuk sangulun nakaulig ra Anak, am Anak ayuk sangulun makaulig ra Ama' am poyo ulun ondo' kasagaan ru Anak ayuk makaulig ri Ama'.

MATIUS 20:19

Ilo ti magagasab Riso, mampalapos Riso am salipon nilo Io. Kaa' malupus kataluan, bayagon Io saguli'.”

MATIUS 22:32

‘Aku noyo i Aki Kapuuno' ondo' sambaan ri Abragam, i Isak am i Jakub.’ Arati' no i Aki Kapuuno' sambaan ru ulun maayag, sala' ka sambaan Io ru ulun minatoi.”

MATIUS 27:2

Bangkilo' nilo Io am ibito' paumaan ri Pilatus, gabenor karajaan Roma.

MATIUS 28:18

Inggaar i Jisus risilo am indagu, “Ngaangai' kuasa' ra suruga' am ra tana' ti pinataak noyo Raki'.

MARKUS 15:11

Kaa' tingganai-tingganai imam Jaudi no nanusuk ra ulun masuang koson manusub ri Pilatus mampalabus ri Barabas risilo.

LUKAS 22:57

Kaa' pagali' i Pitrus, kono, “Kalo nakaulig aku ra ulun ragitio!”

LUKAS 23:4

Indagu i Pilatus ra tingganai imam Jaudi am ulun masuang no, “Kolondo' sala ru ulun ti naalap ku koson mangukum Riso.”

LUKAS 6:37

“Pai' kau kasauk ra akim ru ulun bokon, koson i Aki Kapuuno' kalo mangakim ramuyun. Pai' kau pangukum ra ulun, koson kalo ukumin kau ri Aki Kapuuno'. Ampuno' noyo ulun ra bokon, koson akau pana ampunon ri Aki Kapuuno'.

JUANIS 12:16

Mamaya' Nano kalo nakarati' kua baalo' no gini. Kaa' kalupus ayuk katulayan ri Jisus pinaintalang mansail ra pinatayan am linuatan Nano, kakara' nilo boo ragu ru Buuk Kitab ra ngaangai' ti binaal nilo Riso.

JUANIS 18:40

Golok ilo, “Kalo! Sala' ka Io! Palabuso' ramon i Barabas!” (I Barabas ti sangulun teroris.)

JUANIS 19:11

Taam i Jisus, “Kolondo' kuasa' muno Raki' amon ru kalo aniin kou ri Aki Kapuuno'. Ginio boo ra ulun nampataak Raki' i rirun, maayo poyo tula nano ka okou.”

JUANIS 19:12

Korongog ri Pilatus ragu raginii, gumogot io mampalabus ri Jisus. Kaa' golok ulun masuang no, “Amon ru palabuson mu Io, sala' ka rangan kou ru Kaisar. Osoi ayuk migiangku ra raja', manggal io niayuk ri Kaisar.”

JUANIS 19:15

Ginio ra golok ilo, “Potoyo' Io! Potoyo' Io! Salipo' Io!” Pangkuot poyo i Pilatus, “Salipon ku kia raja' min ti?” Taam tingganai imam Jaudi no, “Rorondo' ayuk raja' mai, i Kaisar.”

JUANIS 7:39

Kon Nano am Ambiluo ri Aki Kapuuno' ondo' pootoron ra osoi ayuk ondo' mangintopot Riso. Kaa' paat ragili Ambiluo ti kalo poyo pinaator sabap ra katulayan ri Jisus kalo poyo pinatalang.)

RINALATAN 22:14

Kono raki', ‘I Aki Kapuuno' ondo' sambaan ru kinamatuaan takau nampili' noyo rirun maa' raginio makapandai ra kasagaan Nano, makakito toojo ra Ulipon no ondo' masalok gumagaya' Riso am mokorongog ra bolos ri Jisus galama'.

RINALATAN 24:14

Mangiou aku rirun: Sumamba aku ri Aki Kapuuno' ru kinamatuaan mai maya' ra pangilaan ri Jisus, ondo' karaan nilo ra kalo motopot. Kaa' lakat aku ayuk poyo mangintopot ra ngaangai' ondo' tinulisan ra Ukum ri Musa am Kitab ru Nabi-Nabi.

RINALATAN 3:12

Pakakito i Pitrus ra ulun ra masuang no, indagu io risilo, “Pabukat kau ngaangai' ulun ru Israil, kua pangimuag kau ragitio? Kua urioo' min akai? Guang min kia ra ulun ti makaugar sabap ra makakuasa' akai, kapoam mampagagaya' akai toojo ri Aki Kapuuno'?

RINALATAN 3:26

Ginio sabap ri Aki Kapuuno' nampili' am nanusub ra Ulipon Nano matong ramuyun galing koson mambarakat Io no ramuyun. Binaal No ginio koson akau ngaangai' tumalikur intor kiralan ru bayag min ra malaat.”

RINALATAN 4:27

Motopot ra raja' Irodis am i Pontius Pilatus naguma' ra ulun sala' ka Jaudi am poyo ulun ru Israil giti ra bandar ti, koson manggal ri Jisus Ulipon Muno ra matulai, ondo' sinauk Mu ra Mamamayag.

RINALATAN 4:30

Paintalango' noyo kuasa' Muno koson ra ulun marualan mababas. Gama' ru kaimuagan am tatandu' ra bokon masauk ralalom ru kuasa' ri Jisus, Ulipon Muno ra matulai.”

RINALATAN 7:32

‘Aku ti i Aki Kapuuno' ondo' sambaan ru kinamatuaan muli, i Abragam, Isak am i Jakub.’ Ginio ra nonontol i Musa am kalo boo makakau' magilong.

ROMA 9:5

Ilo ti papag ru kinamatuaan takali ra nauligan, am intor ra papag ri Kristus ra ulun no, inanak Io sangulun Israil. Gama' ru i Aki Kapuuno' ondo' manguasa' ra ngaangai', omporon ra sabuoi-buoi no. Amin.

IBRANI 2:9

Kaa' makito takau i Jisus, ondo' pinainggana' kuasa' Nano intor ra kuasa' ru malaikat ra kukula' ayuk buoi. Maa' boo raginio ralalom ru kataawan ri Aki Kapuuno' matoi Io ra kaatangan ru ngaangai' ulun. Raino makatutun takau ra Io inanian ra kuasa' am urumat sabap ra naimbolo' Io noyo saboi minatoi.

PINAINTALANG 1:18

Aku noyo kaayagan! Minatoi Aku noyo, kaa' ilai', maayag Aku ra mantilayun. Makakuasa' Aku ra kapatayan am intok ru ulun-ulun namagatoi.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.