RINALATAN 3:1 - Tanou Moonsoi Timugon

¹ Paat ra sangarawan i Pitrus am i Juanis minongoi ra Baloi Tuhan paat ra jam katalu ra mamai', ginio nakaintuma' ra pakiasian mamai'.

RINALATAN 3:1 ပူးပေါင်းရင်းမြစ်များ

1 RAJA'-RAJA' 18:36

Paat ra mapataak ra taak simbalui ru mamai', inggaari' ru Nabi Ilia altar no am pakiasi', “Iou Tuhan, i Aki Kapuuno' ri Abragam, i Isak am i Jakub, raino painonoo' ra Okou i Aki Kapuuno' ru Israil am ra aku ti ulipon Muno. Painonoo' niayuk ra binaal ku gitio ngaangai' sumugut ra susuban Muno.

MAZMUR 55:17

Kaa' mampiau aku ra Tuhan i Aki Kapuuno' koson mangindangan raki', am bayagon No aku.

KAINGKUALAN 29:39

Musiti' sanginan anak domba pataakon tampilon ra susuab ti am sanginan poyo tampilon ra mai' ti.

DANIL 6:10

Koon raginio noyo Raja' Darius siminain ra susuban no.

DANIL 9:21

Liliwa' aku makiasi', i Gabriil ondo' nakito kuno ralalom ru pinaintalang kuno ondo' ragili, nansiab minongoi raki'. Paat raginio noyo inaru' koson mampataak ra taak simbalui ra mamai' ti.

UNTABAN 28:4

Pataako' sanginan anak domba tampilon ra susuab ti am sanginan poyo tampilon ra mai' ti;

MATIUS 17:1

Kopongo onom ngoorou ibito' ri Jisus i Pitrus, i Jakubus am pinongkotob nano i Juanis, pagaloi ra rondo' gunung.

MATIUS 26:37

Inibit ri Jisus i Pitrus am karuo anak ri Jibidius. Mangiluk toojo guang ri Jisus am malimanan No kaimbalaan.

MATIUS 27:45

Paat ra tanga' ru orou, buoi talu nganjam pagun no liminondom.

LUKAS 1:10

Liliwa' monolob i pinaugar, ulun masuang makiasi' giu' ra liwar.

LUKAS 18:10

Indagu Io, “Ruo ngaulun minongoi ra Baloi Tuhan koson makiasi'. Sangulun ru Parisi am sangulun mampalulur ra cukai.

LUKAS 22:8

Panusub i Jisus ri Pitrus am i Juanis, indagu Io, “Ongoyo' min pongoono' kalalair intok pagakanan takau ra Paska.”

LUKAS 24:53

Ginio ra masalok ilo mongoi ra Baloi Tuhan koson mongompor ri Aki Kapuuno'.

JUANIS 21:7

Indagu maamaya' tagamin ri Jisus i ri Pitrus, “Tuhan nai ginio.” Korongog ri Pitrus ginio, pambayang io boo (sabap ra inalus no bayang nali) am tapung ra timug.

RINALATAN 10:3

Paat ra sangarawan, olo'-olo' jam katalu ra mai', ralalom rondo' pagilangan nakakito io tojojo sangulun malaikat ru Tuhan minatong riso am minindagu, “Konilius!”

RINALATAN 10:30

Taam i Konilius, “Talu ngoorou ra nakasail i, olo'-olo' jam katalu ra io mai', nakiasi' aku ri Aki Kapuuno' giti ra baloi ti. Pulusat boo ru sangulun ungkuyon nambayang ra mapulak manguliat ra saang kuli.

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

RINALATAN 3:3

Pakakito io ra i Pitrus am i Juanis sumubol ra Baloi Tuhan, pakitaak io risilo.

RINALATAN 3:4

Tantangi' nilo io, indagu boo i Pitrus riso, kono, “Ponontong ramon!”

RINALATAN 4:13

Ulun ru Majlis Ugama nangimuag magilong ra kinabaani ri Pitrus am i Juanis, am poyo katutuni' nilo karuo rasul ti sala' ka ulun maatang am kolondo' sikul. Katutuni' nilo boo ruo ngaulun rasul ti rangan toojo ri Jisus.

RINALATAN 5:25

Umpos boo sangulun ungkuyon pambala' risilo, kono, “Ulun-ulun ra inaput mini soroi ra Baloi Tuhan raino, am mangila' ilo ra ulun masuang!”

RINALATAN 8:14

Kaining boo rasul-rasul ru Jirusalim ra ulun Samaria nangapu ra Tanou Moonsoi, susubo' nilo boo i Pitrus am i Juanis minongoi ra giu' i.

GALATIA 2:9

I Jakubus, Pitrus am i Juanis ondo' karaan ra tingganai, nangiou ilo ra aku sinusub ri Aki Kapuuno' mambaal ra kandoi maatang ti. Ginio ra sikin ilo raki' am niayuk i Barnabas. Ginio tatandu' ra rondo' guang mai mangandoi, aku am i Barnabas mampatanou ra ulun sala' ka Jaudi, liliwa' ilo mampatanou ra ulun ru Jaudi.