RINALATAN 28:9 - Tanou Moonsoi Timugon

⁹ Ginio boo ngaangai' ulun ondo' marualan giu' ra pulu' i minongoi uma' ri Paulus am ilo ti pana binabas niayuk.

RINALATAN 28:9 ပူးပေါင်းရင်းမြစ်များ

MATIUS 4:24

Tanou ri Jisus nakatabual noyo giu' ra titikop pagun ru Siria, saboi masuang ulun nagibit ra ulun marualan am poyo ulun mokoondo' ra nansalinut kapaganan tumuum Riso: ulun sinubol ru riwato, am ondo' mamumukat, am poyo ulun kalo makalulu'. Ilo ngaangai' ti binabas ri Jisus.

RINALATAN 13:6

Inongoi nilo ngaangai' intok ra pulu' no, saboi nakasuku' ra Papos. Giu' i nakatuum ilo ra sangulun mangingilong, makainggalan i Bar-Jisus, ulun ru Jaudi ondo' migiangku ra io no sangulun nabi.

RINALATAN 28:10

Nangani' ilo ra masuang tangguang ramon. Paat ra akai masaga' masundoi, ibiti' nilo akai ra kapal ra atan ayuk kuliamos ru pangkiralanan mai.

RINALATAN 28:8

Paat ragili niayuk ama' ri Pabilus luluya' marualan, sabap ra natiu' ra salom am makatai' ra raraa'. Ginio ra subol i Paulus ra lamin nano, pakiasi' io, pabantaa' no boo kalindu' nali riso am kababas io boo.

RINALATAN 5:12

Masuang kaimuagan am tatandu' sinauk ru rasul-rasul ra gino ngai' ru ulun masuang. Ngaangai' maamaya' ri Jisus masalok tumimung ra Langgar Salomo.

RINALATAN 5:15

Sabap ra kaimuagan ondo' binaal ru rasul-rasul no, ulun mangarualan palanganon ra tilam kapoam apin, am ibiton ilo boo ra ralan koson malansan makatiu' ra babara' ri Pitrus, paat ra io mansail ra giu' i.