RINALATAN 28:8 - Tanou Moonsoi Timugon

⁸ Paat ragili niayuk ama' ri Pabilus luluya' marualan, sabap ra natiu' ra salom am makatai' ra raraa'. Ginio ra subol i Paulus ra lamin nano, pakiasi' io, pabantaa' no boo kalindu' nali riso am kababas io boo.

RINALATAN 28:8 ပူးပေါင်းရင်းမြစ်များ

MATIUS 10:1

Piawo' ri Jisus mopor am ruo ngaulun maamaya' Nano, am anii' No boo ilo ra kuasa' mampagiru' ra riwato am mamabas ra nansalinut maruol.

MATIUS 10:8

Babaso' min noyo ulun ondo' marualan; paluato' min noyo ulun ondo' minatoi, babaso' min noyo ulun ondo' makamaruol ra kungkung maaja', am pagiruo' min noyo riwato-riwato. Inanian kau ra kalo kinilagaan am panaak kau pai' min kilagai'!

MATIUS 12:13

Indagu boo i Jisus ra ulun no, “Patutuyo' longon muno.” Patutuyo' no boo longon nano, am kapali' boo koson ra longon no ra sapapa' no.

MATIUS 9:18

Tatanga' i Jisus mindagu koson raginio risilo, sangulun tingganai baloi sambayangan minatong igulatur ra saang Nano am indagu, “Anak ruandu' kuno minatoi noyo. Kaa' ongoi kombongo' am maayag io saguli'.”

MARKUS 16:18

Amon ru mampaguut ilo ra kukuo kapoam manginum ilo ra tuwo, kolondo' karaat masauk risilo. Pabantaan nilo kalindu' nilo ra ulun marualan am ulun no mababas.”

MARKUS 5:23

am makitaak io toojo Riso, “Anak ruandu' kuno marualan malanjag, mamaar matoi, ratong am pabantaa' kalindu' Muno ra inan nano am maaru' mababas am maayag io.”

MARKUS 6:5

Kalo makapambaal Io ra kaimuagan ra giu' i, kaa' namabas Io ayuk ra kukula' ngaulun marualan ra kinambong No ilo.

MARKUS 7:32

Giu' ra Mopor Pekan kukula' ngaulun nangaak ra sangulun bobou am nabarat patuumon ri Jisus. Kitaakon nilo i Jisus mapabanta' ra kalindu' Nano ra ulun no.

LUKAS 13:13

Pabantaa' ri Jisus kalindu' Nali ra ruandu' no, am paat ragili niayuk nabanis inan nali am nongongompor io ri Aki Kapuuno'.

LUKAS 4:40

Ra iopalunggai', ngaangai' nagibit ra ulun mokoondo' nansalinut maruol muma' ri Jisus. Pabantaan ri Jisus kalindu' Nali risilo sigagama' am namabas risilo.

RINALATAN 28:7

Kalo maalur intor ra giu' i, mokoondo' intok ru gabenor ru pulu' i, makainggalan i Pabilus. Io nanguma' ramon ra guang moonsoi, saboi nataluan io tinambului mai ra baloi no.

RINALATAN 28:9

Ginio boo ngaangai' ulun ondo' marualan giu' ra pulu' i minongoi uma' ri Paulus am ilo ti pana binabas niayuk.

RINALATAN 9:40

Susubo' ilo ri Pitrus mingkual, igulatur io boo am pakiasi'. Kopongo ragili inggaari' no baangkai ri Dorkas ti am indagu, “Tabita, sukal no!” Singkarato' no mato nali, am paat ra io nakakito ri Pitrus, panturung io boo.

1 KORINTUS 12:28

Ralalom pasimpungan ulun Kristian, nangaru' i Aki Kapuuno' ritakau ra tayar sigagama'; kasaa' am rasul; karuo am nabi-nabi; katalu am mangingila'; am ilo ondo' mambaal ra kaimuagan, am niayuk ilo ondo' inanian ra kapandayan mamabas ra ulun, mangindangan ra ulun, maningganai ra ulun, kapoam mindagu ra nansalinut ragu imuagan.

1 KORINTUS 12:9

Ambiluo raginio niayuk ondo' mangani' ra sangulun ra pangintapatan, am taak Nano ra ulun bokon poyo ioginio kuasa' mamabas ra ulun marualan.