RINALATAN 28:7 - Tanou Moonsoi Timugon

⁷ Kalo maalur intor ra giu' i, mokoondo' intok ru gabenor ru pulu' i, makainggalan i Pabilus. Io nanguma' ramon ra guang moonsoi, saboi nataluan io tinambului mai ra baloi no.

RINALATAN 28:7 ပူးပေါင်းရင်းမြစ်များ

RINALATAN 13:7

Io ti noyo rangan ri Sirgius Paulus, gabenor ru pulu' no, sangulun mapintar. Nampiau gabenor no ri Barnabas am i Paulus sabap ra masaga' io mangkirongog ra bala' ri Aki Kapuuno'.

RINALATAN 18:12

Paat ri Galio nasauk ra gabenor libung Akaya, nampapakat ulun ru Jaudi am namparakop ilo ri Paulus am ibito' io ra bisaraan.

RINALATAN 23:24

Pongoono' min niayuk kukula' ngainan kuda ri Paulus am alungi' am atari' min io ra Gabenor Piliks.”

RINALATAN 28:2

Mamagun ra intok ti mongoonsoi ngaangai' ramon. Nangkimait ilo ramon makararang ra apui, sabap ra timinalimpuun noyo rumasam am angin niayuk sumoyob masimu'.

RINALATAN 28:6

Pangkaraan nilai maaru' longon ri Paulus lumanit kapoam matoi io pamuaga'. Nabuoi ilo niayuk naginaa, kaa' kolondo' nasauk riso koson ra pangkaraan nilai. Ginio ra nakulau boo pangkaraan nilai am indagu ilo ra, “Io ti maaru' dewa.”

RINALATAN 28:8

Paat ragili niayuk ama' ri Pabilus luluya' marualan, sabap ra natiu' ra salom am makatai' ra raraa'. Ginio ra subol i Paulus ra lamin nano, pakiasi' io, pabantaa' no boo kalindu' nali riso am kababas io boo.

1 TIMOTIUS 5:10

am kauligan mambaal ra moonsoi koson; matanda' nampasukor ra anak nano, mataau mangapu ra tambului, maluoi mangindangan ra ulun Kristian suku' ra kandoi kalo maatang, mangindangan ra ulun makakapaganan am mapirot io mambaal ra atan ayuk kandoi moonsoi.

IBRANI 13:2

Pai' kano karara' tambuluyon ru ulun ondo' kalo nauligan min. Mokoondo' tinambului koson raginio am kalo nakatutun ilo ra sotopot no malaikat tambului nilai i.