RINALATAN 28:31 - Tanou Moonsoi Timugon

³¹ Nangila' io risilo ra tanou intor ri Jisus Kristus am Pamarintaan ri Aki Kapuuno'. Kalo nalaa' io am kolondo' niayuk nongompong riso.

RINALATAN 28:31 ပူးပေါင်းရင်းမြစ်များ

MATIUS 4:23

Sinuku' ri Jisus titikop libung ru Galilia. Nangila' Io ralalom ru baloi sambayangan am nampatanou Io niayuk ra Tanou Moonsoi ra mamarinta i Aki Kapuuno'. Namabas Io ra ngaangai' maruol ru ulun masuang.

MARKUS 1:14

Kopongo i Juanis rinakop, ratong noyo i Jisus ra Galilia pampasaboi ra Tanou Moonsoi intor ri Aki Kapuuno'.

LUKAS 8:1

Kalo nabuoi ragili, mugar-ugar i Jisus ra masuang bandar am pamagunan. Nampabala' Io ra Tanou Moonsoi ra i Aki Kapuuno' tumalimpuun noyo mamarinta. Mopor am ruo ngaulun maamaya' Nali minaya' niayuk Riso.

RINALATAN 1:3

Kopongo ra pinatayan Nali, ra buoi apat ngoopor ngoorou i, ingkukula' Io minintalang risilo am niayuk nampaintopot risilo ra Io totopot naayag. Nakakito ilo Riso, am nakimansunur Io risilo intor ra Pamarintaan ri Aki Kapuuno'.

RINALATAN 20:25

“Minongoi aku noyo ra intok mini am nampasaboi aku no ra tanou intor ra Pamarintaan ri Aki Kapuuno'. Kaa' raino, makapandai aku ra kalo boo makapantuum takau saguli'.

RINALATAN 23:11

Iorondom ragili, bigor Tuhan ra sapapa' ri Paulus am indagu, “Kaikango' ayuk guang muno! Nampaintutun kou ra ulun intor Raki' giti ra Jirusalim ti, am musiti' kou mampaintutun poyo koson ragitio giu' ra Roma niayuk.”

RINALATAN 28:23

Ginio ra aruo' nilo rondo' orou pangumaan am masuang ulun minatong ra inayanan ri Paulus. Intor ra iosusuab saboi mamai', nampaintutun toojo i Paulus risilo ra Pamarintaan ri Aki Kapuuno'. Mapirot i Paulus mampaintopot risilo ra ondo' tinulisan ralalom Ukum ri Musa am niayuk Kitab ru Nabi-Nabi bala' niayuk intor ri Jisus.

RINALATAN 28:30

Buoi ruo ngambilor i Paulus minayan ra Roma, giu' ra baloi siniwaan nali. Masaga' io mangapu ra ngaangai' ulun ondo' minongoi uma' riso i.

RINALATAN 4:29

Raino Tuhan, ilai' ati kulaan akai lolobon nilo. Anii' akai, ulipon-ulipon Muti, ra kakawan mampabala' ra tanou Muno.

RINALATAN 4:31

Kopongo ilo makiasi', intok tinimungan nilai nauyog. Kinuasa' ilo ngaangai' ru Ambiluo ri Aki Kapuuno', am tumalimpuun ilo mampabala' ra tanou intor ri Aki Kapuuno' ra kalo malaa'.

RINALATAN 5:42

Moonong orou, giu' ra Baloi Tuhan kapoam baloi ru ulun niayuk, kalo linanggaan nilo mangila' am mampabala' ra Tanou Moonsoi, ra i Jisus noyo Mamamayag ondo' sinusub ri Aki Kapuuno'.

RINALATAN 8:12

Kaa' nangintopot ilo ra bala' ri Pilipus, ioginio Tanou Moonsoi intor ra Pamarintaan ri Aki Kapuuno' am i Jisus Kristus, am riniu' ilo, ungkuyon am niayuk ruandu'.

PILIPI 1:14

Am sabap ra kinibit ra aku inaput ti, masuang boo ulun Kristian intor ra bandar ragitio mangintopot poyo toojo ra Tuhan, saboi mulu' ilo poyo makakau' mampasaboi ra bala' Nano ra kolondo' kalaanan nilo.

2 TIMOTIUS 2:9

Sabap ra pampasabayan kuno ra Tanou Moonsoi i noyo aku naimbolo', saboi ra aku binangkil koson ayuk ra sangulun malaat. Kaa' bala' ri Aki Kapuuno' ti kalo noyo maalap kabangkil.

2 TIMOTIUS 4:17

Kaa' Tuhan noyo ondo' nangampin raki' am nampaikang raki' saboi naalap ku mampabala' ra ngaangai' ru Tanou Moonsoi no, suku' maining boo ru ulun sala' ka Jaudi. Ginio ra pinalabus aku niayuk intor ra potoyon raan.