RINALATAN 28:28 - Tanou Moonsoi Timugon

²⁸ Pupus no indagu boo i Paulus, “Balain takamin: Raino ti pambalaan ru pamayagan intor ri Aki Kapuuno' pinabala' noyo ra bansa' ondo' sala' ka Jaudi. Ilo ti masaga' mangkirongog.” [

RINALATAN 28:28 ပူးပေါင်းရင်းမြစ်များ

JISAYA 49:6

Tuhan mindagu raki', “Kandoi ra maayo kaga' maginaa rirun, okou ulipon Kuno; okou sala' ka mapasaguli' ayuk ra suwo ru papag ri Jakub am mapatapuli' ra kinaayo ru bansa'-bansa' ru Israil, kaa' saukon Ku poyo okou ra sinda ru bansa'-bansa' maa' raginio titikop ru tana' ti bayagon.”

JISAYA 52:10

Tuhan mapakito ra kuasa' Nano ra saang ru mato ru nansalinut bansa'. Titikop ru tana' pana makainono' ra pamayagan intor ri Aki Kapuuno' takau.

SULABOI 3:26

Ginio ra moonsoi inaani' takau Io ra tumaan guang, saboi Io mamayag ritakau.

YEHEZKIEL 36:32

Kaala' kano Israil, kalo binaal Ku ngaangai' no koson ra kaatangan min. Kaa' masaga' Aku ra akau mauyu' am asabin sabap ra binaal min. Aku Tuhan Raja' nakaindagu noyo.”

LUKAS 3:6

Ngaangai' ulun ru tana' ti makakito ra ati kulaan i Aki Kapuuno' mamayag ra ulun!’ ”

RINALATAN 11:18

Pakaining ilo raginii, kalo boo siminangit ilo ri Pitrus. Kaa' pongompor ilo boo ri Aki Kapuuno', konilo, “Koson poyo raginio, i Aki Kapuuno' nangani' noyo ra kaluagan ra ulun sala' ka Jaudi tumalikur ra tula nilo am makabayag ra mantilayun.”

RINALATAN 13:26

Pabukat kau ngaangai', papag ri Abragam am niayuk ngaangai' sala' ka Jaudi ondo' sumamba ri Aki Kapuuno'; itakau no napasabayan ra Tanou pamayagan no.

RINALATAN 13:38

Ginio boo ra pabukat kau ngaangai', intutun kano toojo ra ralalom inggalan ri Jisus noyo tanou ti posoboyon ramuyun, koson ra tula mino maampun. Osoi ayuk mangintopot Riso makalabus intor ra ngaangai' tula ondo' kalo maalap kapuso ru Ukum ri Musa.

RINALATAN 14:27

Paat ra ilo nakasaboi ra Antiokia, timungo' nilo pasimpungan ulun Kristian am tunungo' nilo atan ondo' sinauk ri Aki Kapuuno' pinasumbaya' risilo. Tinunung nilo niayuk ra ati kulaan i Aki Kapuuno' nangukab ra ralan koson ulun ondo' sala' ka Jaudi pana mangintopot ri Jisus.

RINALATAN 15:14

Raitii' ni nantunung i Simon ra intor poyo ra galing i Aki Kapuuno' nonogom ra ulun sala' ka Jaudi niayuk. Nampili' Io ra santayaran intor risilo masauk ra ulun Nano.

RINALATAN 15:17

koson ngaangai' ulun ra bokon maguyum Raki', ulun sala' ka Jaudi niayuk ondo' piniau Kuno masauk ra ulun Kuno.

RINALATAN 18:6

Kaa' ulun-ulun minanggal riso mabaya' ra ragu malaat. Ginio ra tingkabuli' ri Paulus jamol ru bayang nali koson mansawai risilo, kono, “Akau no galama' ra sala amon ru maluus kau. Kolondo' sala kuno ramuyun. Intor raino mongoi aku ayuk pampatanou ra ulun sala' ka Jaudi.”

RINALATAN 2:14

Bigor boo i Pitrus nababaya' ra mopor am rondo' rasul ra bokon am indagu io ra ulun masuang ra bolos mosongou, kono, “Pabukat kau ngaangai', ulun ru Israil am ngaangai' ondo' mayan ra Jirusalim! Rongogo' toojo atan ondo' pabalaan kuno ramuyun.

RINALATAN 22:21

Kaa' indagu poyo Tuhan i raki', ‘Ugar no, sabap ra Aku noyo mopoongoi rirun ra intok maalur, mongoi ra ulun ondo' sala' ka Jaudi.’ ”

RINALATAN 28:29

Pakaindagu i Paulus raginii, iruani' ru ulun ru Jaudi intok i am nantataam ilo boo rondo' am bokon.]

RINALATAN 4:10

Akau tingganai am niayuk ngaangai' ulun ru Israil ra bokon musiti' makapandai ra ulun ti ondo' migor ra saang min nababas sabap ra kuasa' ri Jisus Kristus, ulun ru Nasarit. Sinalip min Io, kaa' binayag Io saguli' ri Aki Kapuuno' intor ra kapatayan.

RINALATAN 9:15

Kaa' indagu Tuhan no riso, “Ugar no, sabap ra io pinili' Ku mangandoi Raki', koson mampasaboi ra tanou intor Raki' ra ngaangai' bansa' ondo' sala' ka Jaudi am raja'-raja' am niayuk ulun ru Israil.

ROMA 11:11

Ginio ra mangkuot aku po: Karatu' ulun ru Jaudi no koson luuson ilo kia ri Aki Kapuuno'? Maaru' kalo! Sabap ra tula ru ulun ru Jaudi, ondo' sala' ka Jaudi boo bayagon, koson ra ulun ru Jaudi no mangusolon boo risilo.

ROMA 4:11

Tauli i sinunatan io, am sunat ti tatandu' ra apuon io ri Aki Kapuuno' koson ra sangulun ondo' mobonsoi saguli' Riso sabap ra pangintapatan nali. Intor raginio io no koson ra ama' ru ngaangai' ulun ondo' mangintopot, am ondo' inapu koson ulun ondo' mobonsoi saguli' ri Aki Kapuuno', kabalu' pana kalo sinunatan ilo.