RINALATAN 28:26 - Tanou Moonsoi Timugon

²⁶ ‘Ongoi no pambala' ra bansa' ragitio: Mangining kau ayuk, kaa' kalo maratian min; Monontong kau ayuk, kaa' kalo makito min.

RINALATAN 28:26 ပူးပေါင်းရင်းမြစ်များ

JISAYA 29:10

Tuhan nambaal ramuyun matikoolong maa' raginio makalunus kau ra akau mombolong. Ngaangai' nabi sotopot no masauk ra mato ru ulun kaa' i Aki Kapuuno' nongorom ra mato nilono.

JISAYA 29:14

Ginio ra Aku mapatigog risilo ra lamba' ondo' kolondo' nampaguang. Ilo ondo' mapintar sotopot no sasambungon. Nansalinut kapandayan nilono masauk ra kolondo' onong.”

JISAYA 66:4

Ginio ra palumpaan Ku karaat no risilo, ioginio karaat ra kalaanin nilo. Baal raginio masauk sabap ra bulintok ra Aku mampiau, kolondo' sangulun pana tumaam, am bulintok ra Aku mindagu, kolondo' sangulun pana mangkirongog. Masaga' ilo manggal Raki' am mambaal ra malaat.”

JIRIMIA 5:21

Rongog no, ulun kau ra sasambungon am iisan! Makamato kau kaa' kalo makakito; makatalingo kaa' kalo rumongog!

YEHEZKIEL 12:2

“Okou ulun mapandai matoi, minayan kou ra tatanga' ru ulun gumuor. Mokoondo' ilo ra mato, kaa' kalo makakito; mokoondo' ilo ra talingo, kaa' kalo mokorongog, sabap ra masaga' ilo gumuor.

MARKUS 4:12

maa' raginio: ‘Magilong ilo pana, kalo mauligan; mangkirongog ilo pana, kalo mapandayan, maa' raginio kalo sumaguli' ilo ri Aki Kapuuno' am ampunon.’ ”

LUKAS 24:25

Indagu boo i Jisus risilo, “Sasambungon kau toojo! Mumpara' boo buoi min mangintopot ra ngaangai' rinagu ru nabi-nabi!

LUKAS 24:45

Kopongo ragili, nampaintutun Io risilo ra atan kon ru Buuk Kitab,

LUKAS 8:10

Taam i Jisus, “Binalaan kano ondo' kalo igondo' pinabala' ra ati kulaan i Aki Kapuuno' mamarinta. Kaa' ulun ra bokon ilaan ayuk ra pagabigan; ra kabalu' pana monontong ilo kaa' kalo makakito, mangkirongog ilo noyo kaa' kalo makarati'.”

RINALATAN 28:25

Nantutuliar am nansasangor ilo boo ra rondo' am bokon intor ra rinagu ri Paulus ragitio, kono, “Motopot toojo rinagu ru Ambiluo ri Aki Kapuuno' ra kinamatuaan mini ondo' pinabala' galing ra Nabi Jisaya, kon Nano;

SAGULION 29:4

Kaa' saboi orou raiti' lakat poyo kalo mangiou Io ramuyun makarati' ra ngaangai' ondo' nailian min noyo.