RINALATAN 28:23 - Tanou Moonsoi Timugon

²³ Ginio ra aruo' nilo rondo' orou pangumaan am masuang ulun minatong ra inayanan ri Paulus. Intor ra iosusuab saboi mamai', nampaintutun toojo i Paulus risilo ra Pamarintaan ri Aki Kapuuno'. Mapirot i Paulus mampaintopot risilo ra ondo' tinulisan ralalom Ukum ri Musa am niayuk Kitab ru Nabi-Nabi bala' niayuk intor ri Jisus.

RINALATAN 28:23 ပူးပေါင်းရင်းမြစ်များ

MARKUS 4:34

Ondo' nangilaan Nano ra ulun masuang abig ayuk, kaa' paat ilo-ilo ayuk, nambala' Io toojo ra maamaya' Nano ra arati' nano.

LUKAS 16:28

Lakat poyo soroi limo ngaulun pinongkotob kuno ra giu' i. Polosoon io no mongoi pansawai risilo, koson pinongkotob kuno kalo makasuku' ra intok pangimbalaan ti.’

LUKAS 24:44

Kopongo ragili indagu Io risilo, “Gitio noyo rinagu Kuli ramuyun paat ra Aku lakat ayuk poyo soroi ramuyun i; ra moonong baal ondo' tinulisan intor Raki' ralalom Ukum ri Musa, kitab ru Nabi-Nabi am kitab Mazmur, gitio musiti' ukopon.”

JUANIS 4:34

Indagu i Jisus, “Akanon Kuno gumagaya' ra kasagaan ru Io ondo' nanusub Raki' am momongo ra kandoi ondo' pinataak Nano Raki'.

RINALATAN 1:3

Kopongo ra pinatayan Nali, ra buoi apat ngoopor ngoorou i, ingkukula' Io minintalang risilo am niayuk nampaintopot risilo ra Io totopot naayag. Nakakito ilo Riso, am nakimansunur Io risilo intor ra Pamarintaan ri Aki Kapuuno'.

RINALATAN 18:28

Mapintar io toojo manggal ra ulun ru Jaudi ralalom pantataaman ra saang ru ulun masuang. Mampaintopot io risilo intor ra ragu ru Buuk Kitab ra i Jisus ti noyo Mamamayag ondo' sinusub i.

RINALATAN 18:4

Moonong orou Sabat, minongoi i Paulus pangila' giu' ra baloi sambayangan koson mangkimait ra ulun ru Jaudi am niayuk ulun ru Junani mangintopot ri Jisus.

RINALATAN 19:8

Talu ngambulan buoi ri Paulus nampatanou ra ulun-ulun giu' ra baloi sambayangan am kalo malaa' io. Nakimansunur io risilo koson mampaintopot risilo intor ra Pamarintaan ri Aki Kapuuno'.

RINALATAN 23:11

Iorondom ragili, bigor Tuhan ra sapapa' ri Paulus am indagu, “Kaikango' ayuk guang muno! Nampaintutun kou ra ulun intor Raki' giti ra Jirusalim ti, am musiti' kou mampaintutun poyo koson ragitio giu' ra Roma niayuk.”

RINALATAN 24:14

Mangiou aku rirun: Sumamba aku ri Aki Kapuuno' ru kinamatuaan mai maya' ra pangilaan ri Jisus, ondo' karaan nilo ra kalo motopot. Kaa' lakat aku ayuk poyo mangintopot ra ngaangai' ondo' tinulisan ra Ukum ri Musa am Kitab ru Nabi-Nabi.

RINALATAN 26:6

Raino bisaraan aku ragiti sabap ra lakat aku poyo mangintopot ra bantu' ri Aki Kapuuno' ra kinamatuaan maili.

RINALATAN 28:31

Nangila' io risilo ra tanou intor ri Jisus Kristus am Pamarintaan ri Aki Kapuuno'. Kalo nalaa' io am kolondo' niayuk nongompong riso.

RINALATAN 8:35

Intor ra tinulisan ru nabi raginio pambala' i Pilipus ra Tanou Moonsoi ri Jisus.

PILIMON 1:2

Am posoboyon ku niayuk gitio ra pasimpungan ulun Kristian ondo' maya' sambayang giu' ra baloi muno, am niayuk sangulun ruandu' pabukat takau ra Kristian i Apia am poyo i Arkipus, rangan mai mangandoi.

PILIMON 1:22

Liliwa' raginio, pongoono' raki' kalalair rondo' lamin giu' ra baloi muno, sabap ra malansan aku i Aki Kapuuno' mangiou niayuk ra pakiasian min ngaangai', koson mokoongoi aku po tuum saguli' ramuyun.