RINALATAN 28:2 - Tanou Moonsoi Timugon

² Mamagun ra intok ti mongoonsoi ngaangai' ramon. Nangkimait ilo ramon makararang ra apui, sabap ra timinalimpuun noyo rumasam am angin niayuk sumoyob masimu'.

RINALATAN 28:2 ပူးပေါင်းရင်းမြစ်များ

IJRA 10:9

Ralalom ru buoi talu ngoorou, iono paat ra orou karuo ngoopor ra sila' kasiam, ngaangai' ungkuyon ondo' minayan giu' ra tampilon ru Jiuda am Binjamin minatong ra Jirusalim am natimung giu' ra liliut Baloi ru Tuhan. Paat ra orou raginio, riminasam ra maawas. Ngaangai' ulun nonontol sabap ra nasimuan am niayuk sabap ra maatang pantuuman raginio.

IMAMAT 19:18

Pai' balos malikokot ra osoi pana, kapoam mararayus masisang ra ulun. Tagami' noyo ulun ra bokon koson okou mitotogom galama'. Aku noyo Tuhan.

IMAMAT 19:34

Koonsoi kano risilo koson akau moonsoi ra ulun mino galama', am tagami' ilo koson akau mitotogom galama'. Karaa' ra nakaili' kau nagayan koson ra ulun bansa' ru bokon giu' ra pagun ru Misir. Aku noyo Tuhan i Aki Kapuuno' min.

MATIUS 10:42

Balain takamin: Osoi ayuk mampainum ra santiib timug ayuk pana ra sangulun ondo' kalo umparaan ru ulun sabap ra maamaya' Ku io, totopot niayuk makaalap ulun no ra ampos nano.”

JUANIS 18:18

Paat ragili masimu', ginio ra pampaang ulipon am pulis-pulis no ra apui, am rarang ilo. Ongoi boo inggaar i Pitrus risilo am baya' rarang.

RINALATAN 27:3

Iosuabon, nakasuku' akai ra Sidon. Moonsoi pamakuan ri Julius no ri Paulus. Nangiou io riso muma' ra rangan nano ondo' masaga' mangani' riso ra atan ayuk kolondo' riso.

RINALATAN 28:3

Nakiluton i Paulus am nampaang ra apui. Ingkual boo sanginan kukuo intor ra apui i sabap ra malasu' kaga' am paninduk boo ra longon ri Paulus.

RINALATAN 28:4

Pakakito namagun ra pulu' no ra kukuo i nakatayung ayuk ra kalindu' ri Paulus, pansusunur ilo ra rondo' am bokon, “Maaru' ulun ti sangulun mamamatoi, sabap ra kabalu' pana binayag io noyo intor ra raat, kaa' kalo lair polosoon io maayag ru Dewi Katimpakan.”

ROMA 1:14

Musiti' aku mampabala' ra Tanou Moonsoi ra ngaangai' bansa': ilo ondo' makasopan am niayuk ondo' kolondo' sopan, am ilo ondo' nakasikul am niayuk ondo' kolondo' sikul.

ROMA 14:1

Apuo' noyo ulun ondo' malawo pangintapatan am pai' noyo ansangi' io sabap ra pamaguangan galama' nano.

ROMA 14:3

Kaa' ulun ondo' makaakan ra atan-atan ayuk pai' noyo pagasab riso ondo' kalo mangakan ra kual. Ulun ondo' kalo mangakan ra kual, pai' noyo sonsolo' io ondo' makaakan ra atan-atan ayuk, sabap ra inapu io noyo ri Aki Kapuuno'.

ROMA 2:27

Sonsolon kau ru ulun kalo sinunatan, sabap ra kabalu' pana mokoondo' kau ra Ukum ri Musa am niayuk sinunatan noyo, kalo gumagaya' kau ra Ukum no. Kaa' ilo ondo' kalo sinunatan no, gumagaya' niayuk ra Ukum ri Musa no.

1 KORINTUS 14:11

Ginio ra amon ru kalo makarati' aku ra ragu ru sasangulun, pangkaraan ku io ulun bansa' ru bokon; am mogondo' niayuk pangkaraan nano intor raki'.

2 KORINTUS 11:27

Mirot aku mangandoi suku' matipatoi; malukou aku am magail kalo maukop akanon kapoam inumon; magail aku ayuk maitilan, masimuan am poyo kolondo' ralinan kapoam ayanan.

KOLOSI 3:11

Koson boo raginio, kalo boo maatang mangkara' osoi ulun ru Jaudi kapoam osoi sala' ka ulun ru Jaudi; osoi nasunatan kapoam kalo; osoi bansa' ra bokon kapoam osoi bansa' ra kolondo' guang; am poyo osoi ulipon kapoam kalo. Kaa' ondo' maatang am i Kristus, sabap ra Io puun ru ngaangai' no am sumimpung Io ra ngaangai'.

IBRANI 13:2

Pai' kano karara' tambuluyon ru ulun ondo' kalo nauligan min. Mokoondo' tinambului koson raginio am kalo nakatutun ilo ra sotopot no malaikat tambului nilai i.