RINALATAN 28:15 - Tanou Moonsoi Timugon

¹⁵ Kaa' ulun Kristian ra Roma nakaining noyo ra tanou intor ramon am minongoi ilo uma' ramon giu' ra ruo pekan ondo' ininggalanan ra Apius am Talu Ngaintok Apitan. Pakauma' i Paulus risilo, naringkuanang io ri Aki Kapuuno' am guang nali pana pinaikang boo.

RINALATAN 28:15 ပူးပေါင်းရင်းမြစ်များ

MAZMUR 27:14

Pagiimansan kano ra Tuhan! Pangintopot kano Riso am pai' kalawo. Iou, pagiimansan kano ra Tuhan!

KAINGKUALAN 4:14

Sangit boo Tuhan ri Musa am indagu, “Ati kulaan nua' ru pagaka' muno i Arun, ulun ru Liwi no? Nakapandai Aku ra matanda' io mindagu. Sotopot no, tatanga' io mangkiralan mongoi ragiti, am maansukan io muma' rirun.

JUANIS 12:13

Alapo' nilo raun palma am ongoi uma' Riso, golok ilo, “Omporo' noyo i Aki Kapuuno'! Kabarakat noyo Io ondo' matong ralalom ra inggalan ru Tuhan! Kabarakat noyo raja' ru Israil!”

RINALATAN 1:15

Paat ra rondo' orou timinimung olo'-olo' maatus ruo ngoopor ngaulun, bigor i Pitrus koson mambala' risilo, kono,

RINALATAN 10:23

Kimaiti' ilo boo ri Pitrus mombolong ra inayanan nano buoi sorondom. Io suabon, tampos i Pitrus am baya' risilo. Mokoondo' niayuk kukula' ngaulun nangintopot pana intor ra Jopi minaya' riso.

RINALATAN 10:25

Paat ri Pitrus minumpos, i Konilius pana minuma' riso am kubu io ra saang nali.

RINALATAN 11:1

Rasul am ngaangai' ulun nangintopot ra ati ayuk ra Judia nakaining ra ulun sala' ka Jaudi nokoowot ra bala' ri Aki Kapuuno'.

RINALATAN 11:12

Indagu Ambiluo ri Aki Kapuuno' i raki' koson maya' risilo am kalo pana maimamang. Onom ngaulun ragitio minaya' raki' mongoi ra Kaisaria am ngaangai' akai minumpos ra baloi ri Konilius i.

RINALATAN 12:17

Nangani' i Pitrus risilo ra pulanu koson mongkoror am tunungo' no ati kulaan Tuhan nagibit riso miningkual ra lamin pangaputan. Kono poyo, “Balai' min i Jakubus am ulun Kristian ra bokon ra atan ondo' nasauk raki' ti.” Kopongo ragili, iruani' boo ri Pitrus intok raginio am ongoi ra intok ra bokon.

RINALATAN 21:5

Kaa' nasuku' noyo orou ugaran mai, ugar akai ayuk manunggul ra pangkiralanan mai ti. Ngaangai' ilo nabaya' ra andu' am anak nilai pana nangator ramon polos ra liwar ru bandar. Giu' ra nagas ru raat i, igulatur akai ngaangai' am pakiasi'.

RINALATAN 28:14

Giu' no niayuk nakatuum akai ra kukula' ngaulun Kristian. Nangkimait ilo ramon mayan risilo am saminggu' akai ra giu' i. Kopongo ragili, narayus akai boo ra Roma maya' ra lantur.

ROMA 15:24

Paat ra aku mangkiralan mongoi ra pagun Sipanyol, masaga' aku niayuk mapit tumuum ramuyun. Makapanambalui aku ramuyun ra kukula' buoi, malansan aku mangani' kau raki' ra lutuon mongoi ra giu' no.

2 KORINTUS 2:14

Kaa' maringkuanang aku ri Aki Kapuuno'! Masalok Io maningganai ramon koson mokoowot ra kamanangan, sabap ra pasimpungan mai ri Kristus. Magibit Io ramon mampabala' ra tanou ri Kristus ra ati ayuk pana, am tanou raginio koson ra owou maamis.

GALATIA 4:14

Kabalu' pana maruol kuli rondo' pangkinaman toojo ra pangkaraan min, kalo nagasab kapoam nanginggalar kau raki'. Kaa' inuma' min aku koson akau manguma' ra malaikat ri Aki Kapuuno'. Inapu min aku koson akau mangapu ri Kristus Jisus.

1 TISALONIKA 3:7

Pabukat ku ngai', ginio noyo ondo' nampaikang ra guang maiti, iou pana nakatuum akai ra kapaganan am kaimbalaan. Pangintapatan minti noyo nampaikang ra guang mai,

IBRANI 13:3

Indangano' noyo pabukat min ra Kristian ondo' inaput no, am limani' min koson ra akau pana inaput mabaya' risilo. Am poyo karaa' min niayuk ilo ondo' imboloon, koson ra akau pana imboloon mabaya' risilo.

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”

1 SAMUIL 30:6

Raino i Daut ralalom ru kapaganan maayo. Ulun-ulun nano siminangit riso sabap ra kalio noyo boo anak andu' nilono. Nompololob ilo koson momobol ri Daut, kaa' Tuhan Aki Kapuuno' nano nangikang ra guang nano.