RINALATAN 27:42 - Tanou Moonsoi Timugon

⁴² Saujor-saujor makaguang mamatoi ra ngaangai' ulun inaput no, sabap ra malaa' ilo ra makapansarui lair ulun-ulun inaput no ra lantur am magiru'.

RINALATAN 27:42 ပူးပေါင်းရင်းမြစ်များ

RINALATAN 12:19

Nanusub raja' Irodis ra ulun maguyum ri Pitrus, kaa' kalio nauyum nilo. Panusub io boo koson imumuyin toojo saujor-saujor am papatayin boo. Iruani' boo ru raja' Irodis pagun Judia ti am minayan io ra Kaisaria ra kukula' buoi.

MAMPATANOU 9:3

Nasip ru ngaangai' ulun nogondo' am baal raginio kalo motopot, koson ra ngaangai' baal ru bokon ralalom ru tana' ti. Buoi ra kaayagan ru ulun, guang nilo napanu' ra kalaatan am kolondo' katandaan, am pulali' ayuk boo matoi.

AMSAL 12:10

Ulun moonsoi magalung ra tinambiag nilono, kaa' ulun malaat mangimbolo' ra tinambiag nilono.

MAZMUR 74:20

Karaa' noyo nabantuan ondo' inaru' Muli ramon, sabap ra masuang pampatayan ra moonong intok molondom ra pagun ti.

RINALATAN 27:24

Indagu malaikat i, ‘Pai' kalaa' Paulus! Makauma' kou niayuk ra Kaisar. Ra mataau i Aki Kapuuno' ra ulun nabaya' rirun ra kapal ti, ra ilo pana maayag mabaya' rirun.’

RINALATAN 27:41

Kaa' nakajunjung kapal i ra intok makaagis ralalom ru timug am nakararal ayuk boo. Tampilon saang ru kapal ondo' nakalom i kalo boo makaimbuor. Tampilon ra tinaulian i nalunsai boo sabap ra linapos ru kinulun maayo kaga'.

2 KORINTUS 11:26

Buoi ra pangkiralanan kutu, magail aku ayuk makakapaganan; masakaban am matakawan, inuupan aku ru ulun ru Jaudi am niayuk ulun sala' ka Jaudi. Makakapaganan aku ra bandar, liwar ru bandar am niayuk giu' ra raat, am poyo tinipagon aku ru ulun ondo' migiangku ra ilo Kristian.