RINALATAN 27:35 - Tanou Moonsoi Timugon

³⁵ Pakaindagu raginio, alapo' ri Paulus ruti' am paringkuanang ri Aki Kapuuno' ra saang nilai. Pipilango' no am pangakan io.

RINALATAN 27:35 ပူးပေါင်းရင်းမြစ်များ

MAZMUR 119:46

Potonowon ku panusuban inatang Muno ra ngaangai' raja', am kalo boo tauyuon aku.

MATIUS 14:19

Io pana nanusub boo ra ulun masuang no mantuturung ra sakot no. Alapo' ri Jisus limo ngampila' ruti' am ruo ngaunor papait no. Pantingaa' Io ra limbowon am paringkuanang Io ri Aki Kapuuno'. Io pana namimilang boo ra ruti' no am pataaki' No ra maamaya'-maamaya' Nano am tatayaro' nilo ra ulun masuang no.

MATIUS 15:36

Alapo' No tulu' ngampila' ruti' am papait no, am indagu ra paringkuanangan ri Aki Kapuuno', am tatayaro' boo akanon no am pataako' No ra maamaya'-maamaya' Nano, am tatayaro' ru maamaya' Nano ra ulun masuang no.

MARKUS 8:6

Susubo' No ulun masuang no mantuturung ra tana'. Alapo' No boo ruti' tulu' ngampila' no paringkuanang Io ri Aki Kapuuno', pipilango' No am patayari' ra maamaya' Nano ra ulun masuang no. Binaal ru maamaya'-maamaya' Nano kon raginio.

LUKAS 24:30

Panturung Io gulung risilo, alapo' No ruti' i am paringkuanang Io ri Aki Kapuuno', am pipilango' No, am tatayaro' No risilo.

JUANIS 6:11

Alapo' ri Jisus ruti' i, am paringkuanang Io ri Aki Kapuuno' am tatayaro' No ra ulun masuang ondo' nantuturung i. Papait i pana binaal No koson raginii, am ngaangai' ulun i nangakan saboi nangaasug ilo.

JUANIS 6:23

Mokoondo' kukula' parau ra bokon intor ra pekan Tibirias minatong am raral mamaar ra intok ru Tuhan minindagu ra paringkuanangan ra ruti' ondo' inakan ru ulun masuang i.

ROMA 1:16

Ginio ra mangintopot aku toojo ra Tanou Moonsoi ti mampakito ra kuasa' ri Aki Kapuuno' mamayag ra ngaangai' ulun ondo' mangintopot ri Jisus, kasaa' ra ulun ru Jaudi am niayuk ra bansa' ra bokon.

ROMA 14:6

Osoi ayuk mampakaatang ra orou inaru' no, baalon no ginio koson mangurumat ra Tuhan. Osoi ayuk makaakan ra atan-atan ayuk, baalon no ginio koson mangurumat ra Tuhan, sabap ra maringkuanang io ri Aki Kapuuno' ra nangani' ra akanon. Osoi ayuk kalo mangakan ra kual, mangurumat io niayuk ra Tuhan am maringkuanang io ri Aki Kapuuno'.

2 TIMOTIUS 1:12

Ginio boo puun ru aku maimbolo' ra ngaangai' ti, kaa' kalo lumawo pangintapatan kuno sabap ra naintutunan ku toojo osoi Io ondo' inintopot kuli. Am mangintopot aku toojo ra mampalayun Io ra kandoi ondo' pinalansan Nano raki' i, saboi ra Orou Pupus no.

2 TIMOTIUS 1:8

Ginio nai ra pai' kauyu' mapabala' intor ra sauk ru Tuhan takau am pai' niayuk kauyu' sabap ra aku ondo' inaput ti sabap ri Kristus. Kaa' sotopot no, maya' ra kaikangan intor ri Aki Kapuuno', musiti' kou maya' maimbolo' sabap ra papasabayan ru Tanou Moonsoi no.

1 PITRUS 4:16

Kaa' amon ru maimbolo' kau sabap ra akau ulun Kristian, pai' kau kauyu' raginio. Paringkuanang kano ri Aki Kapuuno' ra akau inggalanin ra ulun Kristian.